RC MAKONDA ASISITIZA UWAJIBIKAJI KWA WATUMISHI WA UMMA - ARUSHA

Mkuu wa Mkoa wa Arusha Mhe. Paul Makonda amewataka watumishi wa umma kutimiza wajibu wao na kusisitiza kuwa hatokuwa tayari kuvumilia uzembe kwa mtumishi yeyote bila kujali yeye ni nani.

"Arusha mmenipokea vizuri sana ila tutageukana sio mda mrefu...mmenifurahia sana ila tutageukana mda si mrefu, sitajali wewe ni nani, ulipataje hicho cheo labda kwa kuhonga, rushwa au uganga lakini nitakula sahani moja na wewe...lazima kila mtu awajibike kwenye nafasi yake"

"Usije kufikiri aaaah huyu alikuwa mwenezi sasa katoka kwenye uenezi atakuja huku amepoa..ujue kuna watu wanasema aaah huyu sasa hivi atakuwa amejifunza, hakuna nilichojifunza zaidi ya kuwashughulikia wazembe na wavivu"

"Mimi hapa hata niwe mkuu wa mkoa siku moja tuu inatosha lakini awepo mtu mmoja tu akijua kwamba kuna mwanaume alipita hapa kufanya kazi...Rais Samia oyeee! , kwahiyo kila mtu kwenye nafasi yake kama ni mkuu wa wilaya shika wilaya yako barabaraa, kama ni mkurugenzi ishike halmshauri yako kikamilifu, kama ni mkuuwa idara kwenye idara yako hapo...mambo ya kusema sijui ilikuaje ...mmh hapana..."

"Mimi kaka yangu Mongella huwa anatumia akili nyingi kuwaza kwasababu unakuta mwingine labda ni mkubwa kiumri au mdogo...lakini sasa mimi huwa mda sina...mimi nimewaambia mwanzoni tumechelewa..."

Mhe. Makonda ameyasema hayo leo tarehe 8 Aprili, 2024 wakati akizugumza kwenye kikao kilichokutanisha Wajumbe wa Kamati ya Siasa, Viongozi wa Taasisi na Idara mbalimbali wa Serikali ndani ya Mkoa wa Arusha