Col. Hosea Maloda Ndagala, Mkuu wa Wilaya ya Kakonko Mkoani Kigoma.
*******
MKUU wa Wilaya ya Kakonko
Mkoani Kigoma, Col. Hosea Ndagala amewataka wananchi Wilayani humo kutunza
mazingira na kuacha tabia za kuchoma moto misutu.
Col. Ndagala aliyasema hayo Julai
12,2016 wakati wa wa kikao chake na watendaji wa Kata, Vijiji na Viongozi
mbalimbali wa halmashauri wakati wa kikao cha maandalizi ya ujio wa Mbio za
Mwenge utakaotimua mbio zake wilayani humo hivi karibuni.
“Tunatatizo la uharibufu wa
mazingira katika maeneo yetu tunayo yasimamia, watu wamekuwa wakiharibu
mazingira kwa kuchomo moto hovyo mapori na misitu yetu jambo ambalo linachangia
sana uharibifu wa mazingira,”alisema Col. Ndagala.
Amewataka viongozi hao wa
wananchi kuhakikisha wanawahimiza na kuwasimamia wananchi katika suala hilo la
uhifadhi mazingira na kutoa elimu ya mara kwa mara kwa wananchi juu ya athari
za uchomaji moto mapori na kuachana na tabia hiyo ya uharibufu wa mazingira.
Uchomaji hivyo misitu
umekithiri sana katika maeneo mengi ya Wilaya ya Kankonko Mkoani Kigoma na
hufanywa na wananchi wakati wa kuandaa mashamba au katika shughuli za uwindaji.
Kuhusu mbio hizo za mwenge wa Uhuru amewataka wananchi kujitokeza kwa wingi katika mapokezi ya Mwenge huo ambao unakuja Wilayanai humo kuhamasisha upendo na amani pamoja na kuzindua miradi mbalimbali ya maendeleo ikiwa ni kuizindua na kuweka mawe ya msingi.
0 comments:
Post a Comment