Bob Makani afariki dunia; ni Muasisi wa CHADEMA

Kwa taarifa zilizopatikana  muda mchache uliopita zinaeleza kuwa aliyekuwa Muasisi wa CHADEMA, Mohammed "Bob" Makani amefariki Dunia jioni ya leo jijini Dar kwenye hospital ya Aghakhan,Mwenyekiti wa CHADEMA amethibitisha hilo kwa njia ya simu kutoka Kanda ya kusini walikokuwa wakifanya mikutano yao ya hadhara.

Mh Mbowe amesema kuwa Marehemu Makani alikuwa akiugua kwa muda mrefu na kupelekwa hospitali mbalimbali kwa matibabu ikiwemo nje ya nchi,amesema kuwa Mwili wa Marehemu umehamishiwa katika hospitali ya Taifa ya Muhimbili kwa hifadhi.  Msiba upo nyumbani kwake Mbezi Beach jirani na Rainbow.

Tutazidi kuwaletea habari zaidi kadiri ya zitakavyokuwa zinaingia.
Mungu ailaze roho ya Marehemu mahali pema peponi-Amin.