Siku ya Maombolezo kwa Wanahabari

Natumia siku hii ya Mei 3, kuomboleza: Media ni kama kikosi cha uokoaji. 

 Inapotokea gari la zimamoto likawaka moto, inapotokea buldoza linalopaswa kuopoa magari yaliyozama linazama, ujue hali ni MBAYA na ya HATARI zaidi. Nakumbuka siku ya mafuriko Dar es Salaam, kulikua na picha mbili zinazonipa tafakuri nzito! 

Moja ni ile ya gari la zimamoto na uokoaji kutumbukia katika maji na ile ya katapila lililofika Mbezi Beach kuopoa magari lilipozama.

 Nikatafakari na sasa naona kama sisi waandishi wa habari wa Tanzania tumezama katika Taifa la watu waliokata tamaa wanaohitaji kuokolewa, nani atawaokoa? Naomboleza nikitoa wito kwa waandishi wa habari kuanzisha mapambano ya kujikomboa kwanza wenyewe ili tuweze kuikomboa nchi.