BALOZI DKT NCHIMBI AHUTUBIA MKUTANO WA TEF SONGEA, ASISITIZA UCHAGUZI UTAFANYIKA

Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi, akiwa mgeni rasmi, leo Ijumaa tarehe 4 Aprili, amefungua Mkutano Mkuu Maalum wa Jukwaa la Wahariri nchini (TEF), unaokutana mjini Songea kwa siku mbili, hadi tarehe 5 Aprili, mwaka huu, kwa ajili ya kufanya uchaguzi wa viongozi wa jukwaa hilo.

SERIKALI KUANZA KUTEKELEZA PROGRAMU YA KUENDELEZA MAENEO YALIYOCHAKAA KATIKA MAJIJI

Serikali itaanza kutekekeza Programu ya kuendeleza miji iliyochakaa katika majiji sita ya Arusha, Dar es salaam, Dodoma, Mwanza Mbeya na Tanga.

Hayo yamesemwa na Waziri wa Ardhi, Nyumba na Maendeleo ya Makazi Mhe.  Deogratius Ndejembi Aprili 04, 2025 katika mkutano wa hadhara na wananchi wa mtaa wa Makangira, Kata ya Msasani wilaya ya Kinondoni jijini Dar es salaam wakati akitambulisha program hiyo.

Waziri Ndejembi amesema, kwa kuzingatia matakwa Sera ya Taifa ya mwaka 1995 Toleo la mwaka 2023 iliyozinduliwa  hivi karibuni na Mhe. Rais Dkt. Samia Suluhu Hassan, Programu hiyo maalum ya uendelezaji upya maeneo chakavu katika miji inalenga kukabiliana na changamoto za ukosefu wa huduma za msingi, miundombinu, makazi duni au chakavu, ukosefu wa mifumo ya maji taka na uwepo wa changamoto ya taka ngumu zinapelekea uchafuzi wa mazingira. 

"Wizara imetambua jumla ya maeneo 111 katika mikoa 24 ambapo kwa kuanzia Programu hiyo itatekelezwa katika majiji ya Arusha, Dar es salaam, Dodoma, Mwanza Mbeya na Tanga". Amesema

Akizungumzia utekelezaji wa programu hiyo katika eneo la Makangira, Msasani jijini Dar es Salaam Mhe. Ndejembi amesema, wakati wa utekelezaji wa programu hiyo hakuna mwananchi hata mmoja atahamishwa katika eneo analoishi pale mradi utakapoanza isipokuwa kwa wachache.

Kwa mujibu wa Mhe. Ndejembi, Serikali itawapangishia nyumba wakazi wa maeneo husika wakati mradi ukiendelea kutekelezwa na baada ya kukamilika watarejea katika maeneo yao.

Amebainisha kuwa, program hiyo ina faida nyingi ikiwemo upatikanaji wa ardhi iliyopangwa kwa matumizi mbalimbali, upatikanaji wa nyumba hususani za makazi na biashara pamoja na kutatua changamoto ya makazi duni katika maeneo ya miji nchini.

Faida nyingine ni pamoja na uboreshaji  madhari ya miji sambamba na kuongeza usalama wa milki za wananchi katika maeneo husika kwa kupatiwa hati za sehemu ya jengo na kuwawezesha  kiuchumi kwa kugeuza ardhi mfu kuwa na thamani.

Kwa upande wake Mkuu wa Wilaya ya Kinondoni Bw. Saad Mtambule amesema, program ya kuendeleza miji iliyochakaa katika eneo la Makangira itakuwa suluhisho la changamoto ya mafuriko, magonjwa ya mlipuko, migogoro ya ardhi pamoja na kusaidia kuongeza thamani ya ardhi katika eneo hilo kwa kuweka miundombinu ya maji na barabara hatua aliyoieleza kuwa, itaboresha  makazi ya wananchi wa eneo la Makangira jijini Dar es salaam.

Naye Mstahiki Meya wa Manispaa ya Kinondoni, Mhe. Songoro Mnyonge ameeleza kuwa, ujio wa program katika manispaa yake umekuja muda mwafaka ambapo manispaa hiyo mwaka 2013 ilipitisha Mpango wa Kuboresha  Makazi ili kupata nyumba bora za wananchi wa manispaa hiyo.

TRA YAKUSANYA TRILIONI 7.53 ZA KODI JANUARI - MACHI 2025

 

MWENGE NI ALAMA YA UZALENDO NA UTAYARI KUPAMBANA DHIDI YA WALE MAADUI WAKUBWA WATATU.

Makamu wa Rais wa Jamhuri ya Muungano wa Tanzania, Dkt.Philip Mpango aliuwasha mwenye wa Uburu Aprili 2,2025 katika viwanja vya Shirika la Elimu Kibaha, Mkoani Pwani.

Mapema wakati wa sherehe hizo za kuwasha Mwenge kwa mwaka huu wa 2025 kulitanguliwa na hotuba na salaam mbalimbali kutoka kwa viongozi. 

Waziri Mwenye dhamana ya mwenge huo kutoka Ofisi ya Waziri Mkuu, Waziri wa Kazi, Ajira, Vijana na Wenye Ulemavu, Ridhiwani Kikwete alipata fursa ya kuzungumza ambapo pamoja na mambo mengine aliwaeleza kuhusu alama ya uzalendo kwa Watanzania kutoka katika mwenge wa Uhuru.

Alizungumza hayo mbele ya Wananchi waliojitokeza na Viongozi wa Kitaifa wakiongozwa na Aliyekuwa Mgeni Rasmi wa Shughuli hiyo Dr. Philip Isdor Mpango, Makamu wa Rais wa Jamhuri ya Muungano wa Tanzania aliyefuatana na Viongozi mbalimbali akiwemo Ndg. Kassim Majaliwa Majaliwa (Mb), Waziri Mkuu, Dr. Dotto Biteko , Naibu Waziri Mkuu na Waziri Wa Nishati na Alhaj Hamza Juma , Waziri wa Nchi Ofisi ya Makamu Wa Pili, Serikali ya Mapinduzi Zanzibar aliiwakimbusha Watanzania Umuhimu wa Mbio za Mwenge wa Uhuru ambao unatokana na Ujumbe unaosambaza. 

Pia kuwakumbusha Ujumbe wa Mwenge Mwaka huu ambao ni "Jitokeze Kupiga Kura Uchaguzi Mkuu 2025 kwa Amani na Utulivu"  huku zile jumbe nyengine ikiwemo ya mapambano dhidi ya Rushwa, maradhi kama VVU/Ukimwi, Malaria, Lishe zikiwa bado zinaendelea.

Dr. Philip Isdor Mpango, mgeni rasmi alitumia nafasi hiyo kuwahimiza viongozi na wanaosimamia shughuli za uchaguzi kuhakikisha haki inatolewa na kuondoa hali za kuchafua amani. 

Mwenge wa Uhuru uliwashwa na kuukabidhiwa kwa viongozi wa Mkoa wa Pwani ambapo Mkuu wa Mkoa Alhaj Aboubakar Kunenge alikulat kiapo cha kuukimbiza mwenge kwenye halmashauri 9 za Mkoa wa Pwani. 

Mbio hizi za Mwenge wa Uhuru zilizowashwa Kibaha, Pwani zinatarajiwa kuhitimishwa Mkoani Mbeya tarehe 14 Oktoba 2025 baada ya kutembea, kukagua  miradi mbalimbali ya maendeleo katika Halmashauri 195, katika Mikoa 31 ya Jamhuri ya Muungano wa Tanzania.

BALOZI NCHIMBI APOKELEWA KWA SHANGWE, VYAMA VYA UPINZANI VYAMIMINIKA CCM

Ziara ya Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi, mkoani Ruvuma imeanza kwa kishindo, huku mamia ya wanachama wa vyama vya upinzani wakihama na kujiunga na CCM.

Katika mkutano wa hadhara uliofanyika Jumatano, 2 Aprili 2025, katika Uwanja wa Shule ya Msingi Mlingo, mjini Tunduru, wanachama wa vyama mbalimbali vya upinzani walimkabidhi Balozi Nchimbi kadi zao, wakitangaza kuunga mkono CCM na uongozi wa Mwenyekiti wake, Mhe. Dkt. Samia Suluhu Hassan.

Viongozi wa ACT Wazalendo wakiongozwa na Katibu wa chama hicho wilayani Tunduru, Ndugu Said Ramadhan Mponda, walieleza kuwa hatua yao ya kurejea CCM imetokana na kuridhishwa na utendaji wa Mhe. Dkt. Samia na uteuzi wa Balozi Nchimbi kuwa mgombea mwenza wa CCM katika uchaguzi mkuu wa Oktoba 2025.

Miongoni mwa waliorejea CCM ni Diwani wa ACT Wazalendo wa Kata ya Mchoteka, Ndugu Seif Hassan Dauda, na Mwenyekiti wa ACT Wazalendo Kata ya Nakayaya, Bi. Mwajuma Said Ajida. Wakihutubia maelfu ya wananchi waliojitokeza, walikiri kuvutiwa na jitihada za Mhe. Dkt. Samia katika kuwaletea maendeleo Watanzania.

Balozi Nchimbi, ambaye ni mzaliwa wa Ruvuma, yuko katika ziara ya siku tano inayojumuisha wilaya za Tunduru, Namtumbo, Songea, Mbinga na Nyasa, akikamilisha maeneo ambayo hakuyafikia kwenye ziara yake ya mwaka jana.

NCHIMBI ATUA MASASI KUELEKEA TUNDURU

BabababKatibu Mkuu wa Chama Cha Mapinduzi (CCM), Balozi Dkt. Emmanuel John Nchimbi ametua Uwanja wa Ndege wa Masasi, mkoani Mtwara, akiwa safarini kuelekea Tunduru, mkoani Ruvuma, tayari kuanza ziara yake ya siku 5. Uwanjani hapo, Balozi Nchimbi amepokelewa na viongozi wa Chama na Serikali, wakiongozwa na Mwenyekiti wa CCM, Mkoa wa Mtwara, Ndugu Saidi Musa Nyegedi.

MAKAMU WA RAIS AZINDUA MBIO ZA MWENGE WA UHURU KWA MWAKA 2025 KIBAHA PWANI

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwasha Mwenge wa Uhuru kuashiria uzinduzi wa Mbio za Mwenge wa Uhuru Kitaifa kwa Mwaka 2025 katika hafla iliyofanyika Uwanja wa Shirika la Elimu Kibaha mkoani Pwani leo tarehe 02 Aprili 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akimkabidhi Mwenge wa Uhuru kiongozi wa Mbio za Mwenge kwa Mwaka 2025 Bw. Ismail Ali Ussi mara baada ya kuzindua Mbio hizo katika Uwanja wa Shirika la Elimu Kibaha mkoani Pwani tarehe 02 April 2025

Wakimbiza Mwenge wa Uhuru kwa Mwaka 2025 wakiingia katika Uwanja wa Shirika la Elimu Kibaha mkoani Pwani tayari kwa kuanza zoezi la kukimbiza Mwenge wakati wa Uzinduzi wa Mbio za Mwenge wa Uhuru Kitaifa Mwaka 2025 uliyofanyika Kibaha mkoani Pwani tarehe 02 Aprili 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akihutubia wakati wa uzinduzi wa Mbio za Mwenge wa Uhuru Kitaifa kwa Mwaka 2025 katika hafla iliyofanyika Uwanja wa Shirika la Elimu  Kibaha mkoani Pwani leo tarehe 02 Aprili 2025.

Kikundi cha Watoto wa Halaiki wakifanya maonesho mbalimbali wakati wa hafla ya Uzinduzi wa Mbio za Mwenge wa Uhuru Kitaifa kwa Mwaka 2025 iliyofanyika Uwanja wa Shirika la Elimu Kibaha mkoani Pwani leo tarehe 02 Aprili 2025.

Kikundi cha Watoto wa Halaiki wakifanya maonesho mbalimbali wakati wa hafla ya Uzinduzi wa Mbio za Mwenge wa Uhuru Kitaifa kwa Mwaka 2025 iliyofanyika Uwanja wa Shirika la Elimu Kibaha mkoani Pwani leo tarehe 02 Aprili 2025.

Kikundi cha Watoto wa Halaiki wakifanya maonesho mbalimbali wakati wa hafla ya Uzinduzi wa Mbio za Mwenge wa Uhuru Kitaifa kwa Mwaka 2025 iliyofanyika Uwanja wa Shirika la Elimu Kibaha mkoani Pwani leo tarehe 02 Aprili 2025.