RAIS SAMIA KINARA WA UHAMASISHAJI MATUMIZI YA NISHATI SAFI YA KUPIKIA

Waziri Mkuu wa Jamhuri ya Muungano wa Tanzania Mhe. Kassim Majaliwa amewataka watanzania wote kuhakikisha wanatumia nishati safi ya kupikia kama njia mahususi ya kutunza na kulinda mazingira pia kuokoa uharibifu wa misitu.

Katika tamasha maalumu la azimio la Kizimkazi lililofanyika mkoani Lindi wilaya ya Ruangwa leo tarehe 31 Disemba, 2024 Waziri Mkuu Majaliwa amebainisha kuwa uhamasishaji wa matumizi ya nishati safi ya kupikia ni ajenda ya kimataifa inayofanyika kwa lengo la kuimarisha afnya za wananchi na kuongeza wigo wa upatikanaji wa nishati endelevu.

Aidha, Waziri Mkuu ameongeza kwa kusema kuwa "Baada ya jumuiya za kimataifa kuanzisha kampeni hii Rais wa Jamhuri ya Muungano wa Tanzania Dkt. Samia Suluhu Hassan alikuwa wa kwanza kuibeba na kuileta nchini Tanzania kwa kuhamasisha matumizi ya nishati safi ya kupikia kwa vitendo jambo ambalo limeongeza msukumo na kukuza matumizi ya nishati safi  hasa katika maeneo ya vijijini" 

MIKOA YA RUVUMA, NJOMBE, SONGWE NA RUKWA KUBORESHA DAFTARI LA WAPIGA KURA JANUARI, 2025.

Mwandishi Wetu, Ruvuma

Tume Huru ya Taifa ya Uchaguzi imetangaza ratiba ya uboreshaji wa Daftari la Kudumu la Wapiga Kura kwenye mikoa ya Ruvuma, Njombe, Songwe na Rukwa ambapo zoezi hilo litafanyika kwa siku saba kuanzia tarehe 12 hadi 18 Januari, 2025.

Hayo yameanishwa kwenye hotuba ya Mwenyekiti wa Tume Huru ya Taifa ya Uchaguzi, Jaji wa Mahakama ya Rufaa, Mhe. Jacobs Mwambegele iliyosomwa kwa niaba yake kwenye mikutano  ya Tume na  wadau wa uchaguzi iliyofanyika leo tarehe 31 Desemba, 2024 kwenye  mikoa ya Ruvuma, Njombe, Songwe na Rukwa.

Mhe. Mwambegele ambaye aliwakilishwa na wakurugenzi mbalimbali wa Tume kwenye mikutano hiyo,  amesema mikoa hiyo itafanya uboreshaji kwenye mzunguko wa tisa na kwamba tayari Tume imekamilisha uboreshaji kwenye mikoa 19 ambayo ilijumuisha mizunguko nane kati ya mizunguko 13 ambayo imepangwa kukabilisha zoezi hilo nchini.

“Leo tupo hapa Songwe na wenzetu wapo kwenye mikoa ya Njombe, Rukwa na Ruvuma ikiwa ni maandalizi ya uboreshaji wa Daftari kwenye mkoa huu wa Songwe, Njombe, Rukwa na mkoani Ruvuma kwenye Halmashauri za Wilaya ya Nyasa, Mbinga, Mbinga Mji, Wilaya ya Songea na Manispaa ya Songea, zoezi litakalofanyika kwa muda wa siku saba kuanzia tarehe 12 Januari, 2025 na kukamilika tarehe 18 Januari, 2025 na ambapo vituo vitakuwa vinafunguliwa kuanzia saa 2:00 asubuhi na kufungwa saa 12:00 jioni,” imesema sehemu ya hotuba hiyo.

Ameitaja mikoa ambayo tayari imekamisha zoezi hilo kuwa ni Kigoma, Tabora, Katavi, Geita, Kagera, Mwanza, Shinyanga, Mara, Simiyu, Manyara, Dodoma na Singida.

“Mikoa mingine ni mikoa ya Zanzibar ambayo ni Mjini Magharibi, Kusini Unguja, Kaskazini Unguja, Kusini Pemba, Kaskazini Pemba, Arusha na Kilimanjaro. Kwa sasa mikoa miwili ya Mbeya na Iringa inatarajia kukamilisha zoezi hilo tarehe 02 Januari, 2025,” imesema sehemu ya hotuba hiyo.

Mada ya Mkurugenzi wa Uchaguzi, Bw. Kailima Ramadhani iliyowasilishwa kwa niaba yake kwenye mikutano hiyo imeanisha kwamba kwenye mikoa hiyo jumla ya wapiga kura wapya 475,743 wanatarajiwa kuandikishwa kwenye Daftari la Kudumu la Wapiga Kura.

Mada hiyo imeanisha kuwa uboreshaji wa Daftari utakapokamilika, mikoa hiyo inatarajiwa kuwa na  jumla ya wapiga kura  3,091,485 ikilinganishwa na idadi ya wapiga kura 2,615,742 waliokuwemo kwenye Daftari mwaka 2020.

“Idadi hii inaweza kuongezeka kwa kuwa inawezekana wapo watanzania ambao walikuwa na sifa za kuandikishwa kuwa wapiga kura wakati wa uboreshaji wa Daftari mwaka 2019/20, lakini kwa sababu moja au nyingine hawakuweza kujiandikisha,” imesema sehemu ya mada hiyo.

Mada hiyo imeanishwa kuwa kutakuwa na vituo 3,785 ikiwa ni ongezeko la vituo 233 kutoka vituo 3,552 vilivyokuwepo mwaka 2020.

RAIS DKT. SAMIA AMLILIA MAREHEMU MHE JAJI WA RUFAA MWANAISHA KWARIKO

 

Waziri Mkuu Kassim Majaliwa akiweka udongo kwenye kaburi la Mheshimiwa Mwanaisha Kwariko ambaye alikuwa Jaji wa Mahakama ya Rufani. Mheshimiwa Majaliwa alimwakilisha Rais Dkt. Samia Suluhu Hassan katika mazishi yaliyofanyika Kondoa, mkoani Dodoma, Desemba 30, 2024 (Picha na Ofisi ya Waziri Mkuu)

Waziri Mkuu Kassim Majaliwa akisaini kitabu cha Maombolezo alipomwakisha Rais Dkt. Samia Suluhu Hassan katika mazishi ya Mheshimiwa Mwanaisha Kwariko ambaye alikuwa Jaji wa Mahakama ya Rufani. Mazishi ya Mheshimiwa Mwanaisha Kwariko yamefanyika  Kondoa, mkoani Dodoma, Desemba 30, 2024

Waziri Mkuu Kassim Majaliwa akimpa pole Mwajuma Mafita ambaye ni Mama wa marehemu Mheshimiwa Mwanaisha Kwariko, aliyekuwa Jaji wa Mahakama ya Rufani. Waziri Mkuu alimwakilisha Rais Dkt. Samia Suluhu Hassan katika mazishi hayo, Kondoa Mkoani Dodoma. Desemba 30, 2024 

Waziri Mkuu Kassim Majaliwa akizungumza na waombolezaji alipomwakilisha Rais Dkt. Samia Suluhu Hassan katika mazishi ya Mheshimiwa Mwanaisha Kwariko ambaye alikuwa Jaji wa Mahakama ya Rufani, Kondoa Mkoani Dodoma. Desemba 30, 2024

🔴Asema alikuwa alikuwa ni moja ya majaji wa mahakama ya rufani wenye uwezo mkubwa_

 

WAZIRI MKUU, Kassim Majaliwa leo Desemba 30, 2024 amemwakilisha Rais Dkt. Samia Suluhu Hassan kwenye mazishi ya Mheshimiwa Mwanaisha Kwariko ambaye alikuwa Jaji wa Mahakama ya Rufani na Mjumbe wa Tume Huru ya Taifa ya Uchaguzi.

 

Akitoa Salama pole kwa waombolezaji nyumbani kwa marehemu Kondoa, Mkoani Dodoma, Mheshimiwa Majaliwa amesema kuwa Rais Dkt. Samia ameguswa na kifo cha Mheshimiwa Mwanaisha kwani alikuwa ni moja ya majaji wa mahakama ya rufani wenye uwezo mkubwa katika nafasi zote alizozitumikia. 

 

Mheshimiwa Majaliwa amesema kuwa Marehemu Mheshimiwa Mwanaisha alikuwa kiongozi aliyetekeleza wajibu wake kwa weledi na uadilifu “Msiba huu kwetu ni mzito, jukumu letu Wanakondoa, Watanzania, Majaji na wajumbe wa Tume ni kuendelea kumuombea kwa Mwenyezi Mungu”

 

Aidha, Mheshimiwa Majaliwa ametoa wito kwa kila mmoja kuenzi yote  mazuri aliyoyafanya Mheshimiwa Mwanaisha katika  kipindi chake chote cha utumishi wa umma kwani kufanya hivyo kutakuwa ni njia nzuri ya kuweka kumbukumbu ya kazi zake.

 

Kwa upande wake, Jaji Mkuu wa Tanzania Profesa Ibrahimu Juma amesema kuwa Mheshimiwa Mwanaisha Kwariko aliishi kiapo cha Uhakimu kwa kutoa huduma kwa wananchi ikiwemo kutatua migogoro kwa uadilifu bila upendeo wowote,

 

“Mheshimiwa Mwanaisha alikuwa na ubinadamu na utu, maisha yake yalikuwa ni yakusaidia watu wengine, sisi tunamshukuru Mwenyezi  Mungu kwani uhai wake umetusaidia sana katika shughuli mbalimbali za kimahakama”

Kwa upande wake Mwenyekiti wa Tume Huru ya Taifa ya Uchaguzi Mhe. Jaji (Rufani) Jacobs Mwambegele amesema kuwa Mheshimiwa Mwanaisha ameondoka katika kipindi ambacho Tume ilikuwa inamuhitaji  hasa katika kipindi hiki ambacho Tume hiyo ipo katika mchakato wa  kuboresha daftari la kudumu la wapiga kura kuelekea uchaguzi mkuu wa Rais, Wabunge na Madiwani

 

“Tumempoteza Mheshimwa Mwanaisha tukiwa kwenye mzunguko wa nane wa zoezi la kuboresha daftari na tukiwa tunaingia kwenye mzunguko wa tisa utakaohusiaha mikoa minne Rukwa, Songwe, Njombe na Ruvuma, pia mara zote alitoa ushauri wenye weledi wa hali ya juu katika kuhakikisha tume inatekekeza majukumu yake kwa kuzingatia katiba sheria kanuni na taratibu”.

 

Naye, Mkuu wa Mkoa wa Dodoma Rosemary Senyamule amesema kuwa Mheshimiwa Mwanaisha alikuwa ni kiongozi mwenye msimamo na mtetezi wa masuala ya wanawake, “alibobea katika eneo ambalo alikuwa anafanyia kazi, sisi wanadodoma tutamkumbuka kwa machango wake mkubwa kwenye masuala ya maendeleo”

 

Marehemu Mheshimiwa Jaji wa Mahakama ya Rufani Mwanaisha Kwariko alifariki Desemba 27, 2024 nchini India alipokuwa akipatiwa matibabu.

WAZIRI MKUU AKABIDHI VIFAA VYA MUZIKI KWA BENDI YA MKURUPUKO YA MBEKENYERA, RUANGWA

Waziri Mkuu, Kassim Majaliwa akicharaza gita la Bass alipokabidhi vifaa vya muziki vyenye thamani ya shilingi milioni 20 kwa  Mkurupuko Jaz Band ya Mbekenyera wilayani Ruangwa katika mkutano uliofanyika kijijini Mbekenyera wilayani humo, Desemba 29, 2024. (Picha na Ofisi ya Waziri Mkuu)

Wasanii wa  Mkurupuko Jaz Band ya Mbekenyera wilayani Ruangwa wakitumbuiza wakati  Waziri Mkuu na Mbunge wa Ruangwa, Kassim Majaliwa alipokabidhi vifaa vya muziki vyenye  thamani ya shilingi milioni 20 kwa bendi hiyo katika mkutano uliofanyika kijijini Mbekenyera wilayani humo, Desemba 29, 2024.

Baadhi ya wanamuziki wa Mkurupuko Jaz Band ya Mbekenyera wilayani Ruangwa wakimsikiliza Waziri Mkuu na Mbunge wa Ruangwa, Kassim Majaliwa alipozungumza baada ya kuikabidhi bendi hiyo vifaa vipya vya muziki vyenye thamani ya shilingi ilioni 20katika mkutano uliofanyika kijijini Mbekenyera, Desemba 29, 2024.

Waziri Mkuu, Kassim Majaliwa akimkabidhi Abdallah Bakari gita la Bass wakati alipokabidhi vifaa vya muzikivyenye thamani ya shilingi milioni 20  kwa  Mkurupuko Jaz Band ya Mbekenyera wilayani Ruangwa katika mkutano uliofanyika kijijini Mbekenyera wilayani humo, Desemba 29, 2024.

Waziri Mkuu, Kassim Majaliwa akifurahia midundo ya gita la bass lililokuwa likicharazwa na  Abdallah Bakari wakati alipokabidhi vifaa vya muziki vyenye thamani ya shilingi milioni 20  kwa  Mkurupuko Jaz Band ya Mbekenyera wilayani Ruangwa katika mkutano uliofanyika kijijini Mbekenyera wilayani humo, Desemba 29, 2024.

UANGWA KWA MAENDELEO, IMEWEZEKANA-MAJALIWA

WAZIRI MKUU, Kassim Majaliwa amesema kuwa Wilaya ya Ruangwa imepiga kasi kubwa ya maendeleo ambayo imewawezesha wakazi wa Wilaya hiyo kushiriki kikamilifu katika shughuli mbalimbali za kiuchumi.
Amesema kuwa Wilaya hiyo changa ilikuwa na changamoto nyingi kwenye Sekta ya Elimu, Afya, Kilimo, Miundombinu ikiwemo barabara, maji, Umeme, Uwekezaji na hata kwenye michezo “Changamoto hizi zilitufanya tuje na kaulimbiu ya “Ruangwa kwa Maendeleo Inawezekana, na sasa imewezekana”
 
Ametoa kauli hiyo leo (Jumapili, Desemba 29, 2024) wakati alipozungumza na mamia ya Wakazi wa kijiji ya Mbekenyera, wilayani Ruangwa mkoani Lindi.
 
Amesema kuwa Rais Dkt. Samia Suluhu Hassan amekuwa na mchango mkubwa katika maendeleo ya wilaya hiyo kutokana na fedha ambazo amekuwa akitoa zilizowezesha kutekeleza miradi hiyo ya kimkakati.
 
Akizungumza kuhusu Sekta ya Elimu Mheshimiwa Majaliwa amesema kuwa Wilaya ya Ruangwa ilikuwa na vijiji vichache kati ya tisini vilivyokuwa na shule za msingi lakini hivi sasa kila kijiji kina shule ya msingi “Na tunaendelea kujenga kwenye vitongoji”
 
“Kwa upande wa shule za sekondari tumemaliza kata zote kujenga shule za Sekondari kwenye Wilaya hii na tunachokifanya sasa ni kuongeza shule kwenye kata zenye msongamano mkubwa na hapa Mbekenyera tulikuwa na shule ya Tarafa, lakini baada ya kuona kuna msongamano wa wanafunzi, tumejenga shule nyingine pale Mkutingombe”.
 
Aidha, Amesema kuwa Sekta ya Afya katika wilaya hiyo imeimarika kwa kiasi kikubwa kutokana na ujenzi wa Zahanati, Vituo vya Afya pamoja na ujenzi wa hospitali ya wilaya ambayo inauwezo wa kutoa hadi huduma za kibingwa 
 
Ameongeza kuwa Wilaya hiyo imefanikiwa kujenga mtandao wa barabara za lami katika maeneo mbalimbali na mpango wa kuendelea kujenga barabara za lami unaendelea “Itakuja barabara ya kutoka Masasi kwenda Kiranjeranje, na sasa Masasi kwenda Nachingwea mkandarasi yupo, Ruangwa kwenda Nachingwea Mkandarasi yupo na ameanza kazi na tunajenga kilomita 21 kutoka Ruangwa mjini mpaka Namichiga kwa kiwango cha lami” 
 
Kadhalika, Mheshimiwa Majaliwa alizungumzia sekta za, kilimo, maji na uwekezaji na kusema kuwa kazi kubwa imefanyika na Serikali inaendelea kuziwekea mikakati endelevu sekta hizo “Kwenye sekta ya nishati, tumeshapeleka umeme kwenye vijiji vyote na sasa tunaenda kwenye mradi wa vitongoji, ndugu zangu wananchi, tumeshapeleka laini, ni wakati wenu sasa kuvuta umeme”

Awali, Mheshimiwa Majaliwa alitembelea kiwanda cha kubangu korosho cha Naunambe Cashewnuts kinachomilikiwa na Muwekezaji Mzawa Bw. Juma Chambone na kina thamani ya Shilingi milioni 250. Kiwanda hicho kipo katika kijiji cha Mbekenyera
 
Pia Mheshimiwa Majaliwa aligawa vifaa vya muziki vyenye thamani ya shilingi milioni 20 kwa bendi ya Mkurupuko Jazz bendi iliyopo kwenye kijiji cha Mbekenyera

TUSHEREHEKEE KRISMASI NA MWAKA MPYA TUKIJIVUNIA MABADILIKO MAKUBWA SEKTA YA NISHATI

Katika kusherehekea SIkukuu za Krismasi na Mwaka Mpya 2025, Watanzania hatuna budi kujivunia safari ya mafanikio katika Sekta ya Nishati, hususan umeme.

 

Je Unajua kabla ya kupata Uhuru mwaka 1961 Nchi ilizalisha umeme kwa kutumia mafuta ambapo kila mkoa ulijitegemea na hapakuwepo na mfumo wa gridi ya Taifa?

 

 Safari ya Mabadiliko (yaani Journey of Transformation) ilianza mwaka 1967 kwa ujenzi wa kituo cha kuzalishaji umeme cha Hale megawati chenye uwezo wa megawati  21 pamoja na ujenzi wa njia ya umeme kutoka Hale hadi Dar es Salaam na hivyo kuanza kwa mfumo wa gridi ya Taifa.

 

Kutokana na nishati ya umeme kuwa ndio kichocheo cha ukuaji wa uchumi, utekelezaji wa miradi mbalimbali ya umeme iliendelea ambapo mwaka 1968 ulifanyika ujenzi wa kituo cha kuzalisha umeme cha Nyumba ya Mungu cha megawati 8, mwaka 1975 kikajengwa Kituo  cha Kidatu cha megawati 204 pamoja na ujenzi wa njia ya umeme ya Kidatu – Morogoro – Dar es Salaam.

 

Safari ya Mabadiliko  iliendelea kufanyika kupitia Viongozi Wakuu wa Nchi wa awamu mbalimbali ambao walipelekea  ujenzi wa vituo vya umeme vya Mtera ( 80MW) mwaka 1988 na ujenzi wa njia ya umeme ya Mtera – Iringa, Mtera – Dodoma na hivyo kuongeza mtandao wa gridi ya Taifa.

 

Vikafuata vituo vya kuzalisha umeme vya New Pangani Falls (68MW) mwaka 1995, na  ujenzi wa vituo vya kuzalisha umeme kwa kutumia gesi asilia vya Songas (189MW) mwaka 2006, Tegeta Gas Engine (45MW) mwaka 2009, Ubungo I  (102MW) mwaka 2008, Ubungo II (129MW) mwaka 2012 na Ubungo III (92.5MW) mwaka 2012, Kinyerezi I (335MW) mwaka 2023 na Kinyerezi II (248.2MW) mwaka 2018.

 

Kazi haijaishia hapo kwani utekelezaji miradi ya umeme kwa kutumia vyanzo mbalimbali inaendelea, mfano halisi ni mradi wa JNHPP ambao sasa unazalisha zaidi ya megawati  1000 pamoja na mradi wa Rusumo unaoipatia Tanzania megawati 26.667.

Pamoja na kuzalisha umeme wa kutosha, Serikali kupitia Wizara ya Nishati inaendelea kuimarisha mfumo wa gridi ya taifa ili kuhakikisha nchi nzima inafikiwa na mtandao wa gridi ya taifa na hivyo kuzidi  kuimarisha upatikanaji wa umeme nchini.

*TUNAJIVUNIA* hatua hii kubwa iliyopigwa katika Sekta ya Nishati.

Heri ya Krismasi na Mwaka Mpya 2025.

MABEHEWA 26 YA MIZIGO YA SGR YAWASILI DAR

Shirika la Reli Tanzania (TRC) linautaarifu umma kuwa mabehewa 264 ya mizigo yatakayotumika katika reli ya

kiwango cha kimataifa (SGR) yamewasili Bandari ya Dar es Salaam kutoka nchini China Disemba 24, 2024.

Zoezi la ushushaji kutoka kwenye Meli litakapo kamilika litafuatia zoezi la majaribio ambalo litajikita katika kutembeza mabehewa hayo kwenye Reli yakiwa tupu na kisha yakiwa yamebeba mizigo. 

Mabehewa hayoyatakuwa yanatembea kwa kasi ya kilometa 120 kwa saa.

Majaribio hayo yatakamilika mara tu wataalamu wa Shirika la Reli wakishirikiana na wale wa mkandarasi watakaporidhika kuwa utendaji kazi wa mabehewa hayo umekidhi viwango kulingana na Mkataba. 

Tarehe rasmiya kuanza operesheni za mabehewa hayo, Shirika litauujulisha Umma.

Katika mabehewa hayo 264 yaliyowasili, 200 ni ya kubeba makasha (makontena) na mabehewa 64 ni ya kubeba mizigo isiyofungwa (loose cargoes).

Shehena hiyo ya mabehewa 264 ni sehemu ya jumla ya mabehewa 1,430 ambayo kwa mujibu wa mkataba yanatengenezwa na kampuni ya CRRC ya nchini China.

Novemba 15, 2024 Shirika liliutaarifu umma kuwa utengenezaji wa mabehewa 264 ya mizigo yatakayotumika katika reli ya kiwango cha kimataifa - SGR umekamilika nchini China na Meli iliyobeba mabehewa hayo iling'oa nanga katika Bandari ya Dalian, China Novemba 12, 2024.

TUME YATOA NENO KWA WAANDISHI WASAIDI NA WAENDESHA VIFAA VYA BVR MBEYA

Mwenyekiti Wa Tume Huru ya Taifa ya Uchaguzi (INEC), Mhe.Jaji (Rufaa) Jacobs Mwambegele, akikagua mafunzo kwa vitendo ya Waandishi wasaidizi na waendesha vifaa vya biometriki (BVR) kutoka Halmashauri ya Wilaya ya Mbeya mkoani Mbeya leo Desemba 24, 2024. Mkoa wa Mbeya, Iringa na Halmashauri ya Mpwapwa Mkoani Dodoma inataraji kuanza uboreshaji wa Daftari la Kudumu la Mpiga Kura Desemba 27 mwaka huu hadi Januari 02, 2025. 

Mwenyekiti Wa Tume Huru ya Taifa ya Uchaguzi (INEC), Mhe.Jaji (Rufaa) Jacobs Mwambegele, akikagua mafunzo kwa vitendo ya Waandishi wasaidizi na waendesha vifaa vya biometriki (BVR) kutoka Halmashauri ya Wilaya ya Mbeya mkoani Mbeya leo Desemba 24, 2024. Mkoa wa Mbeya, Iringa na Halmashauri ya Mpwapwa Mkoani Dodoma inataraji kuanza uboreshaji wa Daftari la Kudumu la Mpiga Kura Desemba 27 mwaka huu hadi Januari 02, 2025. 

Mwenyekiti Wa Tume Huru ya Taifa ya Uchaguzi (INEC), Mhe.Jaji (Rufaa) Jacobs Mwambegele, akikagua mafunzo kwa vitendo ya Waandishi wasaidizi na waendesha vifaa vya biometriki (BVR) kutoka Halmashauri ya Wilaya ya Mbeya mkoani Mbeya leo Desemba 24, 2024. Mkoa wa Mbeya, Iringa na Halmashauri ya Mpwapwa Mkoani Dodoma inataraji kuanza uboreshaji wa Daftari la Kudumu la Mpiga Kura Desemba 27 mwaka huu hadi Januari 02, 2025. 

Mwenyekiti Wa Tume Huru ya Taifa ya Uchaguzi (INEC), Mhe.Jaji (Rufaa) Jacobs Mwambegele, akikagua mafunzo kwa vitendo ya Waandishi wasaidizi na waendesha vifaa vya biometriki (BVR) kutoka Halmashauri ya Wilaya ya Mbeya mkoani Mbeya leo Desemba 24, 2024. Mkoa wa Mbeya, Iringa na Halmashauri ya Mpwapwa Mkoani Dodoma inataraji kuanza uboreshaji wa Daftari la Kudumu la Mpiga Kura Desemba 27 mwaka huu hadi Januari 02, 2025. 

Mwenyekiti Wa Tume Huru ya Taifa ya Uchaguzi (INEC), Mhe.Jaji (Rufaa) Jacobs Mwambegele, akizungumza wakati ametembelea mafunzo hayo na kuwataka Waandishi wasaidizi na waendesha vifaa vya biometriki (BVR) kutoka Halmashauri ya Wilaya ya Mbeya mkoani Mbeya kutambua umuhimu wa zoezi hilo kitaifa hivyo wanapaswa kwenda kulitekeleza kwa umakini mkubwa.

Mkoa wa Mbeya, Iringa na Halmashauri ya Mpwapwa Mkoani Dodoma inataraji kuanza uboreshaji wa Daftari la Kudumu la Mpiga Kura Desemba 27 mwaka huu hadi Januari 02, 2025.