GSM WAFADHILI KITENGO CHA MOI KUWEKA KAMBI YA OPARESHENI YA WATOTO WENYE MGONGO WAZI NA WENYE VICHWA VIKUBWA.

Mkuu wa Mkoa wa Dar es Salaam, Paul Makonda akikata utepe kuzindua magari ambayo yametolewa na Mfuko wa GSM kwaajili ya kusidia kambi ya upasuaji wa watoto wenye vichwa vikubwa pamoja na watoto wenye migongo wazi katika kambi itakayofanyika katika mikoa ya Mwanza Aprili 27 mpaka Aprili 30, Shinyanga Mei 2 mpaka 4, Singida Mei 6 mpaka Mei 8, Dodoma Mei 10 mpaka 13 na Morogoro 15 mpaka 17.

Mkuu wa Mkoa wa Dar es Salaam, Paul Makonda akizungumza katika uzinduzi wa kambi ya upasuaji ya watoto wa wenye vichwa vikubwa na watoto wenye matatizo ya mgongo wazi ambapo Mfuko wa GMS kushirikiana na Taasisi ya Mifupa (MOI) katika Hospitali ya Taifa ya Mhimbili wataanza kambi hiyo katika mikoa ya Mwanza Aprili 27 mpaka Aprili 30, Shinyanga Mei 2 mpaka 4, Singida Mei 6 mpaka Mei 8, Dodoma Mei 10 mpaka 13 na Morogoro 15 mpaka 17. Kushoto ni Daktari Bingwa wa Upasuaji kutoka Taasisi ya tiba na upasuaji ya Mhimbili, Othman Kiloloma na Mkurugenzi wa tiba MOI katika Hospitali ya Taifa ya Muhimbili, Samwel Swai.

Daktari Bingwa wa Upasuaji kutoka Taasisi ya tiba na upasuaji ya Mhimbili, Othman Kiloloma katikati akizungumza na waandishi wa habari jijini Dar es Salaam leo kuhusiana na kambi ya upasuaji kwa watoto wenye vichwa vikubwa na watoto wenye Migongo wazi. Kulia ni kuu wa Mkoa wa Dar es Salaam, Paul Makonda na Kushoto ni Mkurugenzi Mkuu wa mfuko wa GSM, Shannon Kiwamba. BOFYA HAPA KUSOMA ZAIDI.

Afisa Uhusiano wa Mfuko wa GSM, Khalfan Kiwamba akizumgumza na waandishi wa habari jijini Dar es Salaam leo kuhusiana na GSM kutoa mchango wake kwa kusaidia watoto wenye matatizo ya Mgongo wazi na watoto wenye vichwa vikubwa. Kusoto ni Mkurugenzi Mkuu wa mfuko wa GSM, Shannon Kiwamba.

Mkuu wa Mkoa wa Dar es Salaam, Paul Makonda akimpa ufunguo za magari,Daktari Bingwa wa Upasuaji kutoka Taasisi ya tiba na upasuaji ya Mhimbili, Othman Kiloloma leo jijini Dar es Salaam.

*******************

Mkuu wa Mkoa wa Dar es Salaam, Paul Makonda amezindua rasmi ziara ya upasuaji wa watoto wenye tatizo la vichwa vikubwa na mgongo wazi utakaofanyika na madaktari bingwa wa upasuaji wa ubongo na Mishipa ya fahamu nchi nzima, ziara iliyodhaminiwa na GSM Foundation.

Kambi  itakayofanyika katika mikoa ya Mwanza Aprili 27 mpaka Aprili 30, Shinyanga Mei 2 mpaka 4, Singida Mei 6 mpaka Mei 8, Dodoma Mei 10 mpaka 13 na Morogoro 15 mpaka 17.

Upasuaji huo utakaofanyika chini ya madaktari hao bingwa kutoka Taasisi ya Mifupa MOI, iliyopo Hospitali ya Taifa Muhimbili, inatarajiwa kuwafikia watu 800 mpaka 1000 na baadaye kuwafanyia upasuaji watoto 80 hadi 100 nchi nzima.

Akizungumza katika hafla fupi ya kukabidhi msaada huo, Makonda amepongeza MOI kwa kutafuta mbinu za kuendeleza sekta ya afya nje ya bajeti ya serikali.

Kampuni ya GSM itagharamia ziara hiyo, ambapo mpaka jana ilikabidhi pia magari matatu yatakayotumika katika ziara hiyo.