MWANAHABARI JAMILA KILAHAMA AFARIKI DUNIA

MWANDISHI wa habari, Jamila Kilahama  ‘Jinamizi’ amefariki dunia.

Taarifa iliyotufikia hivi punde inaarifu kuwa Mwandishi wa habari wa siku nyingi aliyepata kufanya kazi katika Kampuni ya Magazeti ya Serikali TSN (Habarileo na Daily News) na Mwananchi Communication, Jamila Kilahama (pichani) amefariki dunia.

Taarifa za awali kutoka kwa Chama cha Waandishi wa Habari Dar es Salaam (DCPC) imewaarifu wanachama wake kuwa Jamila Kilahama amefariki.

“Ndugu wanachama napenda kuwataarifu kuwa mwenzetu,ndugu yetu,rafiki yetu aliyewahi kuwa  mwanachama mwenzetu wa DCPC Jamila Kilahama amefariki dunia,” ilisema taarifa hiyo ya ujumbe wa baria pepe kutoka kwa Mratibu Winnie Undole.

Father Kidevu Blog inatoa pole kwa wote waliofikwa na msiba huo na itawapa taarifa zaidi za msiba huo.

Marehemu Jamila Kilahama atakumbukwa kwa makala zake mbalimbali za kuelimisha jamii lakini pia atakumbukwa kwa ucheshi wake kwa kila mtu aliyekuwa akifanyanae kazi.