BUSARA ZAHITAJIKA KWA MADEREVA WAWAPO BARABARANI

MGOMO wa madereva wa mabasi yaendayo mikoani na daladala zifanyazo safari za ndani katika mikoa mbalimbali nchini Tanzania ulimalizika juzi baada ya kudumu kwa saa 31.

Mgomo huu ulimalizika kutokana na ushawishi wa Mkuu wa Wilaya ya Kinondoni, Paul Makonda aliyezungumza na  madereva hao kupitia viongozi wao wa Chama cha Madereva Tanzania (CHAMAMATA)  ambapo walikubaliana mambo kadhaa ambayo walikuwa wakiyalalamikia.

Hii haikuwa mara ya kwanza kwa madereva hao kugoma huku kimsingi wakiwa na hoja madhubuti za kudai maslahi yao kutoka kwa waajiri wao ambao ni wamiliki wa mabasi hayo.

Awali itakumbukwa kuwa mgomo kama huo ulifanyika Aprili 10 nchini kote na kuamua kuurejea tena baada ya kuona kiliochao hakija tekelezwa.

Binafsi nilifarijika kuona huduma za usafiri wa mabasi ya mikoani na daladala, zilizokuwa zimekwama kwa saa 31 ukirejea katika hali yake ya kawaida.

Hii nikutokana na kwamba wapo wagonjwa waliohitajika kusafiri kwenda kupata huduma mahospitalini na wanafunzi waliokuwa wakifanya mitihani ya kuidato cha sita kuchelewa katika vyumba vyao vya madarasa.

Viongozi wa ina ya Makonda wanahitajika katika maeneo mengi nchini ili kuweza kutumia hekima na busara katika ufumbuzi wa mambo na migogoro inayoibuka katika jamii kama hii na hata ile ya ardhi kabla ya viongozi wa juu kufuka.

Madereva wale awali walimhitaji Waziri Mkuu Mizengo panda kufika mahala pale na kuzungumza nao juu ya hatma yao lakini kumbe Makonda alitosha; Safi sana.

Lakini baada ya kumaliozika kwa mgomo wa awali, tulishuhudia ajali nyingi sana zilizopoteza maisha ya watanzania wengi wakiwepo baadhi ya madereva wa mabasi hayo.

Chonde chonde ndugu zangu madereva hebu awamu hii msituletee vilio na majonzi katika jamii zetu kwa ajali ambazo nyingine zinaweza kuepukika kwa busara na hekima zenu za barabarani.

Ingawaje tayari juzi baada ya kuanza safari majira ya mchana tulipata habari ya ajali ya basi huko mkoani Mbeya lakini nawasihi na Mungu awasaidie zisiendelee tena kutokea.

Mkazingatie sheria za usalama barabarani lakini pia busara zenu zinahitajika, kwani inawezekana kabisa alama ya barabarani inakutaka utembee spidi 80 lakini mvua kubwa inanyeshabasi punguza mwendo na uende ambao hautaleta athari kwako na abiria uliowabeba pamoja na mali.

Nae Mwenyekiti wa Umoja wa Madereva nchini, Clement Masanja, pia aliwataka madereva kuanza safari kwa kufuata sheria za barabarani kwa kuwa mwisho wa haki zao unafuatiliwa.

Masanja alisisitiza sana tahadhari barabarani, kwani kufika salama huko waendako ni moja ya sifa bora za dereva mzuri.

Abiria na sisi pia hatuna budi kuwa watulivu na kuacha tabia za kuwasema vibaya madereva wawapo safarini kuwa mabasi yao hayakimbii na matokeo yake ni kusababisha ajali.

Tuepuke ushawishi mbaya wa mwendo kasi kwani daima safari ni hatua na polepole ndio mwendo na wahenga wanasema “Kawia Ufike.”

Porojo hii ilichapishwa leo kwa mara ya kwanza katika gazeti la Habarileo kama WAZO.