REDD'S MISS CHANG'OMBE 2013 KUONDOKA NA LIFAN TOYO YA KIDADA DADA

 Baadhi ya warembo wanaoshiriki shindano la kumsaka Mnyange wa Redd's Miss Chang'ombe 2013, wakipiga picha ya pamoja huku wengine wakiwa juu ya pikipiki aina ya Lifan ambayo imetolewa na Kishen Enteprises na itakuwa zawadi ya mshindi wa kwanza. Utangazji huo wa zawadi umefanyika leo jijini Dar es Salaam na shindano linafanyika Ijumaa hii.

*****   ******

SAFARI ya kumpata Redd’s Miss Tanzania kwa mwaka huu, inazidi kunoga kwani kesho (Ijumaa) na keshokutwa (Jumamosi), kutakuwa na vinyang’anyiro katika sehemu mbalimbali nchini.

 

Kazi kubwa inatarajiwa katika kumsaka Redd’s Miss Changombe, pale warembo zaidi ya 12 watakapopanda jukwaani, kumsaka mshindi kati yao.

 

Kwa mujibu wa Mratibu wa Redd’s Miss Chang’ombe, kila kitu kimekamilika na shindano hilo linatarajiwa kufanyika katika Ukumbi wa TCC Club, uliopo Chang’ombe, Dar es Salaam.

 

Burudani katika onyesho hilo ambalo kiingilio chake kitakuwa Sh 20,000 inatarajiwa kutolewa na FM Academia ‘Wazee wa Ngwasuma’.

 

Pia kutakuwa na shindano la Redd’s Miss Iringa ambapo warembo watapanda jukwaani kusaka mwakilishi wa mkoa huo. Shindano hilo linatarajiwa kufanyika Ukumbi wa Highland.

 

Redd’s Miss Morogoro itafanyika Nashera Hotel, huku Redd’s Miss Mwanza ikiwa ndani ya Yacht Club na Redd’s Miss Central Zone, itafanyika katika Ukumbi wa Kilimani, Dodoma.

 

Shindano hilo linatarajiwa kuendelea tena keshokutwa (Jumamosi) ambapo kutakuwa na Redd’s Miss Kilimanjaro na Redd’s Miss Kagera.

 

Shindano la Redd’s Miss Tanzania kwa sasa linadhaminiwa na Kampuni ya Bia Tanzania (TBL) kupitia kinywaji chake cha Redd’s Original.

 Baadhi ya warembo wanaoshiriki shindano la kumsaka Mnyange wa Redd's Miss Chang'ombe 2013, wakipiga picha ya pamoja huku wengine wakiwa juu ya pikipiki aina ya Lifan ambayo imetolewa na Kishen Enteprises na itakuwa zawadi ya mshindi wa kwanza.

 Mkurugenzi wa Maendeleo ya Biashara na Masoko wa Kampuni ya Kishen Enterprises Ltd, Prashant Dinesh (kulia) akimkabidhi Mratibu wa Shindano la Redd's Miss Chang'ombe 2013, Thom Chilala pikipiki aina ya Lifan ambayo mshindi wa shindano  hilo mwaka huu ataondoka nayo. Katikati anae shuhudia ni Meneja wa Kinywaji cha Redd's Primium Cold, Victoria Kimaro na nyuma yao ni wanyange hao.

Hii ndio Toyo bana...

Baadhi ya warembo wanaoshiriki shindano la kumsaka Mnyange wa Redd's Miss Chang'ombe 2013, wakipiga picha ya pamoja.