MAELFU YA WAKAZI WA DAR ES SALAAM WAUPOKEA MWILI WA MANGEHA AIRPORT LEO

Mwili wa Msanii Albert Mangweha 'Ngwair' a.k.a mimi au Cow Boy uwewasili jijini Dar es Salaam hii leo majira ya saa 8 mchana na kupokelewa na maelfu ya mashabiki, wasanii wenzake, ndugu jamaa na marafiki.

Mwili huo uliokuwa umehifadhiwa katika sanduku zuri la kupendeza ulipokelewa na kuingizwa katika kagi maalum la kubebea maiti na safari ya Muhimbili ilianza huku waombolezaji wakilisukuma gari hilo wakielekea Hospitali ya Muhimbili ambako mwili utahifadhiwa hadi kesho utakapo pelekwa viwanja vya Lidaz kwa heshima za mwisho.

Wasanii maarufu wa Tanzania kutoka makundi mbalimbali ya muziki wa kizazi kipya walifika uwanjani hapo kuupokea mwili wa mwenzao.

Mangweha aliyezaliwa Novemba 15, 1982 na kufariki Mei 28, 2013 anataraji kuzikwa katika Manispaa ya Morogoro eneo la Kihonda nyumbani kwa mama yake.