Noela atwaa taji la Redds Miss Ilala 2012

Na Mwandishi Wetu

Mrembo Noela Michael (18) usiku wa kuamkia jana aliibuka mshindi taji la Redds Miss Ilala 2012 katika shindano iliyofanyika katika ukumbi wa Nyumbani Lounge, Kinondoni, jijini Dar es Salaam.

Noela ambaye anashikilia taji la Miss Tabata 2012 ambalo lilimpa tiketi ya kushiriki Miss Ilala mwaka huu. 

Mrembo Noela ambaye anajiandaa kuingia Chuo Kikuu cha Dar es Salaam baada ya kumaliza kidato cha sita, aling’ara katika usiku huo ambao alipata upinzani mkali kutoka kwa Magdalena Roy Munisi (21) wa Dar City Centre aliyeshika nafasi ya pili wakati nafasi ya tatu ilichukuliwa na Mary Chizi wa Ukonga.

Kwa kutwaa umalika huo Noela amejishindia Sh. Milioni 1.5 wakati Magdelena amepata Sh Milioni 1.2 na mshindi wa tatu, Mary amepata Sh. 700,000.

Warembo wote watatu wataiwakilisha  kanda ya Ilala katika shindano la Redds Miss Tanzania litakalofanyika baadae mwaka huu jijini Dar es Salaam.