HUDUMA YA MAJI KWA WANAOTUMIA MAJI YA MTAMBO RUVU CHINI YAREJEA

Meneja Uhusiano wa Dawasco, Everlasting Lyaro

SHIRIKA LA Majisafi na Majitaka Dar es salaam (DAWASCO), limerejesha huduma ya maji safi katika maeneo yote yanayohudumiwa na mtambo wa Ruvu chini ya jiji la Dar es Salaam, pamoja na baadhi ya maeneo  ya mji wa Bagamoyo mkoani Pwani ambayo yalikatiwa maji kwa saa 48 kupisha uunganishaji wa maji katika bomba jipya.

Dawasco ilikata maji kutatokana na mtambo wa kusukuma maji wa Ruvu Chini kuzimwa kwa siku mbili kuanzia Jumamosi, Januari 23 hadi 24 mwaka huu kupisha Mkandarasi Kampuni ya Synohydro kuunganisha bomba jipya na lile la zamani katika taki la maji lililopo Wazo-Tegeta Dar es Salaam.

Meneja Uhusiano wa Dawasco, Everlasting Lyaro, aliliambia gazeti hili kuwa huduma ya maji katika baadhi ya maeneo ndio yataanza kupata maji kwa sasa na hali itakuwa sawa kwa maeneo yote  yote yanayo hudumiwa na mtambo wa kusukuma maji wa Ruvu Chini kuanzia leo. SOMA ZAIDI BOFYA HAPA

“Mtambo umesha washwa kuna baadhi ya maeneo yataanza kupata maji na mengine yataanza kupata maji leo baada ya kutengemaa kabisa kwa matengenezo hayo,”alisema Lyaro.

Aliyataja maeneo ambayo yameanza kupata maji kuwa ni pamoja na,Bagamoyo ,Tegeta, Kawe, Mbeki Beach, Msasani, Bunju, Boko, Mikocheni na maeneo mengine ya jirani na maeneo hayo yaliyotajwa.

Lyaro alisema kuwa hadi kesho maeneo mengi yataanza kupata maji kwani  kukosekana kwa maji kwa siku mbili kumesababisha mabomba kujaa upepo hivyo kuchelewesha kuwafikia wateja wao walio wengi.

Alisema kazi hiyo ya kuunganisha bomba ilifanyika baada ya kukamilika kwa upanuzi wa mtambo wa Ruvu Chini, hivyo kuondoa  tatizo la upatikanaji wa huduma ya Maji katika maeneo yanayohudumiwa na mtambo wa Ruvu chini.

Lyaro alisema kuwa mradi huo ukikamilika mwezi feburai mwaka huu kiwango cha upatikanaji maji yataongezeka jijini Dar es salaam kutoka lita milioni 182,000 hadi lita milioni 270,000 .

“Tunaelekea kwenye hatua za mwisho za kupokea Maji mengi kutoka mtambo wa Ruvu Chini baada ya kazi ya upanuzi inayoelekea kukamilika mapema mwezi February mwaka huu, na kiasi cha Maji kitaongezeka kutoka wastani wa Lita Milioni 182,000 zinazozalishwa sasa hadi Lita Milioni 270,000,”alisema Lyaro.

Lyaro alisema dawasco inawashukuru wateja wake kwa uvumilivu na bado inaendelea kuwasihi kuwa wavumilivu hadi huduma ya maji itakapo rejea katika hali yake ya kawaida. wakati mtambo huo ulipozimwa na maeneo mengi kukosa maji.

Maeneo ambayo yalikumbwa na kadhia hiyo ya kukatiwa maji kutokana na kuzimwa kwa mtambo huo wa Ruvu chini ni pamoja na mji wa Bagamoyo, vijiji vya Zinga, Kerege na Mapinga, Bunju, Boko, Tegeta, Kunduchi, Salasala, Jangwani,  Mbezi Beach na Kawe.

Maeneo mengine ni Mlalakuwa, Mwenge, Mikocheni, Msasani, Sinza, Kijitonyama, Kinondoni, Oysterbay, Kigogo, Mburahati, Hospitali ya Rufaa Muhimbili, Buguruni, Chang’ombe na Keko.