KITAYOSCE YAKUBALI KIPIGO CHA 3 BILA KUTOKA FOREST

KITAYOSCE FC ya Mjini Moshi imejikuta ikinyukwa mabao 3-0 na Forest kutoka West Kilimanjaro Wilayni Siha katika mechi ya Kirafiki iliyochezwa katika Uwanja wa King George Memorial jana jioni.

Kipigo hicho ni cha tatu mfululizo katika kujianda aa na Ligi ya Taifa ngazi ya mkoa wa Kilimanjaro itakayoanza kutimua vumbi siku ya Jumamosi ya Oktoba 19 katika viwanja vitatu.

Mabao ya Forest yalifungwa na  Edu Barua katika dakika ya 5 ya mchezo kufuatia gonga gonga katika lango la KITAYOSCE FC, Said Daudi “Agogo” aliifungia timu yake bao la Pili katika dakika ya 20. 

Hatimaye Dennos Noel “ Chibe” alipigilia msumari wa tatu kunako dakika ya 65.

Kocha wa KITAYOSCE FC, Hamad Haule amesema timu yake ilivurunda sana katika dakika 45 za kwanza kutokana na kuwa na pressure ya mchezo.

Hata hivyo ameongeza kusema yeye haijalishi timu yake kufungwa anachojali ni kukitengeneza kikosi ambacho kitaleta ushindi hapo baadaye kama ilivyokuwa awali kutokana na ukweli kwamba timu nyingi zinajali ushindi kuliko kuwatengeneza watoto kuwa wachezaji ambao taifa litajivunia kuwa nao.

KITAYOSCE FC inaendelea na mazoezi asubuhi na jioni katika Uwanja wake wa nyumbani wa King George Memorial  ambapo Jumapili itafungua Ligi ya Mkoa na Kilototoni ya Moshi Vijijini.