Loveness Flavian ndie Vodacom Miss Sports Lady 2011, atinga nusu fainali ya Miss Tanzania 2011

Miss Lindi na Miss Eastern Zone 2011, Loveness Flavian (pichani)amekuwa mshiriki wa tatu wa Shindano la Vodacom Miss Tanzania 2011 kujipatia tiketi ya kuingai hatua ya Nusu fainali ya warembo 15 katika shindano hilo. 

Loveness amepata tiketi hiyo baada ya usiku wa kuamkia leo kutangazwa kuwa mshindi wa taji la  Vodacom Miss Sports Lady 2011,na kuungana na warembo wengine wawili ambao tayari wamejipatia tiketi ya nusu fainali kupitia mataji ya Top Model lililochuliwa na Mwajabu Juma pamoja na Miss Photogenic lilokwenda kwa Tracy Mabula. 

Miss Sports Lady 2011, Loveness Flavian mbali na kushikilia taji la Lindi na Eastern Zone pia anashikilia taji la Miss Talent katika shindano la Kanda ya Mashariki mwaka huu mashindano yaliyofanyika mjini Morogoro.

Warembo waliofanikiwa kuingia hatua ya tano bora ya Vodacom Miss Sports Lady wakiwa katika picha ya pamoja kabla ya kutangzwa mshindi usiku wa kuamkia jana. Kutoka kushoto ni Rose Hurbert, Husna Maulid, Loveness Flavian, Salha Izrael na Delillah Ghalib. Mchujo waa warembo hawa ulifanyika katika siku ya michezo ya Vodacom Miss Tanzania wiki iliyopita.

Vodacom Miss Sports Lady, Loveness Flavian akipongezwa na warembo wenzake wa Vodacom Miss Tanzania waliofanikiwa kuingia tano bora ya kuwania taji hilo la michezo baada ya mwenzao huyo kutajwa kuwa ndiye mshindi na anakuwa mtrembo  wa tatu kuingia katika hatua ya Nusu fainali za Vodacom Miss Tanzania mwaka huu.

Vodacom Miss Top Model, Mwajabu Juma (katikati) ambaye alikuwa mrembo wa kwanza kuingia hatua ya Nusu Fainali ya Vodacom Miss Tanzania 2011 akiwa na mrembo wa pili kuingia katika hatua hiyo ya 15 bora Vodacom Miss Photogenic Tracy Mabula (kushoto) wakipozi kwa picha na mwenzao wa tatu kutinga katika hatua hiyo baada ya kutwaa taji la  Vodacom Miss Sports Lady Loveness Flavian usiku wa kuamkia jana katika Jumba la Vodacom Dar es Salaam yalipotangazwa matokeo hayo.