Watu wenye Windhoek Beer zisizo na Nembo ya MB66 wazisalimishe wenyewe kwa hiari

 

James Rugemarila akiwaonesha waandishi wa habari Windhoek feki ya chupa ambayo imeingizwa kinyemela na watu wanaoihujumu kampuni hiyo. Waandishi wa habari waliohudhuria mkutano huo. 

Baadhi ya Wafanyakazi wa Kampuni ya Mabibo wakiwa kwenye mkutano huo 

Mkurugenzi wa Kampuni ya Mabibo Beer, Benedictor Rugemarila akiwaonyesha waandishi wa habari Windhoek halisi inayosambazwa na kampuni ya Mabibo.

Habari, Picha na Philemon Solomon wa Fullshangwe Dar es Salaam

********

Kampuni ya Mabibo Beer Wines and Spirits LTD ya jijini Dar es Salaam, yenye kibali cha kuingiza na kusambaza bia zenye nembo ya Windhoek  imewataka watu wote wenye Windhoek Beer zisizo na Nembo ya MB66 kuzisalimisha wenyewe kwa hiari polisi vinginevyo watashitakiwa kwa makosa ya wizi wa mali ya Mabibo na kutotii amri ya mahakama.

Mshauri wa Biashara wa Kimataifa wa Kampuni ya Mabibo Beer, James Rugemarila akizungumza na waandishi wa habari jana kwenye mkutano alioutisha ofisini kwake alisema kuwa, kwa mujibu wa mkataba “ Registerered User Agreement” kati ya Namibia Breweries Limited ambao ni watengenezaji wa bia zenye nembo ya “Windhoek” na Mabibo Beer Wines and Spiritis Limited, mkataba ambao umesajiliwa kwa matakwa ya Sheria ya Alama za Biashara na Huduma (Trade andi Service Marks ACT, Cap. 386 of the Laws of Tanzania R.E. 2002) Mabibo ndiyo Muingizaji na Msambazaji pekee wa bia zenye nembo ya Windhoek na hakuna mtu yeyote mwenye haki ya kuingiza na kusambaza bia zenye nembo ya Windhoek bila kibali cha Mabibo.

Rugemarila alisema ili vinywaji vinavyozasambazwa na kampuni yake kutambulika vyema na wanywaji imechapisha jina la Mabibo Beer Wines and Spirits LTD kwenye kasha na kwenye chupa zenye MB66.

“Tumefanya hivyo ili kurahisisha utambuzi wa Windhoek kwa wateja wetu kuepuka udanganyifu unaofanywa na wafanya biashara wanaotuhujumu,” alisema Rugemarila.

                Akifafanua kuhusu biashara ya Windhoek MB66 alisema kuwa ina faida ya Shilingi 14,000 kwa katoni, akaongeza kuwa mlaji wa Windhoek akiuziwa chupa moja bei ya shilingi 3,000/=  kwa chupa, muuzaji anapata faida ya 14,000 kwa katoni ambayo ni kubwa zaidi kuliko faida ya bia zingine kwenye soko la bia Tanzania.

Mshauri huyo alisema, Mabibo Beer imeamua kuvipelekea vinywaji vyake vyombo vya usalama nchini kwa vile inatambua umuhimu wake ambapo wanausalama hao watakuwa wakiuziwa Windhoek ya kopo.

“Windhoek bia ya kwenye makopo itakuwa kwa ajili ya matumizi ya Maafisa na askari wa Jeshi la Wananchi wa Tanzania, Jeshi la Polisi, Jeshi  la Magereza na familia zao kwa sababu hazitozwi kodi,” alisema Rugemarila.

Rugemarila aliongeza kuwa, kuanzia sasa Jeshi la Polisi litazikamata Winhoek za wizi na magendo zitakazokutwa zikiuzwa mitaani na wahusika watashtakiwa kwa kosa la kufanya biashara kinyume cha sheria.

Aidha, aliwakaribisha watu wanaohitaji kufanya biashara ya Windhoek kwa njia ya halali  ambapo alisema wawasiliane na idara ya masoko au uongozi wa Mabibo Beer Wines and Spirits LTD.

Ruggemarila alitoa shukrani zake kwa Mkuu wa Jeshi la Polisi nchini, IGP Said Mwema, Kamanda wa Polisi Kanda Maalumu ya Mkoa wa Kipolisi wa Dar es Salaam, Suleiman Kova, Kamanda wa Polisi Mkoa wa Temeke, Egilbert Kiondo na Kamanda wa Polisi wa Mkoa wa Ilala, Marietha Minangi kwa ushirikiano inayowapa.

Vinywaji vinginne vinavyosambazwa na Kampuni ya Mabibo Beer ni Climax Non Alcoholic Herbal Energy Drink kinywaji ambacho hakina kilevi, kinaongeza nguvu na hutengenezwa kutokana na mimea asili.

Kuhakikisha kinywaji hicho kinatambulika nchi nzima, Rugemarila alisema Mabibo Beer itafanya promosheni ya Windhoek sehemu mbalimbali kuanzia sasa hadi Desemba 2013.

Hivi karibuni, Kampuni ya Mabibo ilifungua kesi katika mahakama ya Kisutu dhidi ya wafanyabiashara wawili,  Ambele Mwasyeba na Sebastian Kavishe wanaoiujumu kampuni hiyo. Watuhumiwa hao walipandishwa kizimbani Septemba 25, mwaka huu.