KISHAPU NA ADHA YA MAJI

Baadhi ya wakazi wa Kata ya Kishapu wakichota maji kwenye mto.

Harakati za utafutaji maji.…

Baadhi ya wakazi wa Kata ya Kishapu wakichota maji kwenye mto.

Harakati za utafutaji maji.

Heka heka za utafutaji maji eneo la Mto Tungu.

Mchuuzi wa maji Kijiji cha Mhunze akichota maji kwaajili ya kuuza. Dumu moja huuza wastani wa sh 500.

Mmoja wa waandishi wa habari kutoka Thehabari.com akinywa maji kwenye kisima cha muda.

Shida ya Maji Kata ya Kishapu haipo kwa wananchi pekee hata wanyama. Hapa nao wanapita kunywa maji baada ya malisho.

******

Na Thehabari.com, Kishapu

WANASEMA maji ni uhai, kinyume chake bila maji hakuna uhai wa mwanadamu na hata wanyama. Kimsingi kauli hii inaonesha umuhimu wa maji katika maisha ya kila siku ya binadamu na hata viumbe wengine.

Shughuli nyingi zinazofanywa na mwanadamu kila siku zinategemea uwepo wa maji. Matumizi ya maji kwa shughuli za binadamu hayaepukiki. Na hata katika mwili wa binadau ni muhimu zaidi, kama huto yaitaji maji kwa kunywa utayahitaji kwa kuoga na usafi wa shughuli nyingine.

Kwa mantiki hiyo hali yoyote ya upatikanaji ngumu ya upatikanaji wa maji unaathiri maisha ya kila siku ya mwanadamu. Shida ya huduma ya maji eneo fulani huweza kuchangia ugumu wa maisha kiasi fulani. Shida ya maji maeneo mengine huweza kupunguza shughuli za uzalishaji mali, hii ni kutokana na muda mwingi kupotezwa na jamii kwa ufuatiliaji wa maji hasa maeneo ya vijijini.

Hali kama hii ya shida ya huduma ya maji ndiyo inayowakumba wananchi wa vijiji anuai vya Kata ya Kishapu, Wilaya ya Kishapu mkoani Shinyanga. Kata ya Kishapu ina vijiji nane yaani Mhunze, Lubaga, Isoso, Mwanuru, Migunga, Mwamagembe, Mtaga, na Kishapu yenyewe.

Japokuwa vijiji vingi vina shida kubwa ya huduma za maji, lakini hali ya ugumu wa upatikanaji huduma hizo hutofautiana kutoka kijiji kimoja hadi kingine. Kati ya vijiji vyote nane vijiji vinne ndio vyenye shida ya maji zaidi. Vijiji hivyo ni pamoja na Lubaga, Isoso, Mwanuru na Kishapu yenyewe.

Zifuatazo ni picha anuai zikionesha wananchi wanavyoangaika kutafuta huduma za maji vijiji hivyo.