Grand Malt yakabidhi vifaa vya michezo kwa timu za baraza la wawakilishi Zanzibar

 

 Makamu wa pili wa Rais wa serikali ya mapinduzi ya Zanzibar Balozi Seif Ally Iddy akipokea vifaa mbalimbali vya michezo kwa timu za baraza la wawakilishi za mpira wa miguu na pete toka kwa Meneja masoko wa kinywaji cha Grandmalt  Fimbo Mohamed Butallah kwenye makabidhiano yaliyofanyika kwenye ukumbi la baraza la wawakilishi Zanzibar, kushoto kwake ni mwenyekiti wa timu ya Baraza la wawakilishi mheshimiwa Hamza Hassan Juma.

  Makamu wa pili wa Rais wa serikali ya mapinduzi ya Zanzibar Balozi Seif Ally Iddy pichani kati akiwashukuru Grand Malt kwa msaada mkubwa walioutoa wa vifaa mbele ya Wanahabari (hawapo pichani),wakati alipokuwa akipokea vifaa mbalimbali vya michezo kwa timu za baraza la wawakilishi za mpira wa miguu na pete toka kwa Meneja masoko wa kinywaji cha Grandmalt  Fimbo Mohamed Butallah kwenye makabidhiano yaliyofanyika kwenye ukumbi wa baraza la wawakilishi Zanzibar. kushoto kwake ni mwenyekiti wa timu ya Baraza la wawakilishi mheshimiwa Hamza Hassan Juma.  

 Meneja masoko wa kinywaji cha Grandmalt  Fimbo Mohamed Butallah akizungumza machache kwenye makabidhiano ya vifaa vya michezo kwa   Makamu wa pili wa Rais wa serikali ya mapinduzi ya Zanzibar Balozi Seif Ally Iddy wakati alipokuwa akipokea vifaa mbalimbali vya michezo kwa timu za baraza la wawakilishi za mpira wa miguu na pete yaliyofanyika kwenye ukumbi la baraza la wawakilishi Zanzibar, kushoto kwake ni mwenyekiti wa timu ya Baraza la wawakilishi mheshimiwa Hamza Hassan Juma.

==========  ====== ========

TIMU za Baraza la Wawakilishi za mchezo wa soka na netiboli, mwishoni mwa wiki zilikabidhiwa vifaa vya michezo vya aina mbalimbali ili kuziwezesha kushiriki mashindano mbalimbali kwa uwezo zaidi.

Vifaa hivyo vilitolewa na kinywaji kisicho na kilevi cha Grand Malt, ambao walisema kutokana na kuamua kuwekeza katika michezo Zanzibar, waliona ni vema kuvikabidhi pia kwa timu za Baraza la Wawakilishi ili wajumbe wake waweze kuwa sehemu ya maendeleo ya michezo hapa nchini.

Akikabidhi vifaa hivyo kwa Makamu wa Pili wa Rais wa Serikali ya Mapinduzi Zanzibar, Balozi Seif Idd, Meneja Masoko wa Grand Malt, Fimbo Butallah alisema, wataendelea kuwekeza katika miichezo kwani wanaamini itatoa fursa kubwa kwa watu mbalimbali kushiriki na hata kuongeza kipato kwao.

 “Grand Malt ikiwa ni wadhamini wakuu wa Ligi Kuu ya Zanzibar, iliona vema ikatoa msaada huu wa vifaa vya michezo kwa timu za Baraza la Wawakilishi, ili wajumbe wake wawe sehemu ya kuendeleza michezo hapa nchini,” alisema.

Akipokea msaada huo, Balozi Seif aliishukuru Grand Malt na kuiomba pia idhamini sherehe za Mapinduzi Zanzibar na akataka zitayarishwe mbio fupi ambazo wajumbe wote wa Baraza la Wawakilishi watashiriki, huku akiahidi atakuwa mmoja wao.

 “Grand Malt ni kinywaji cha afya kwasababu hakina kilevi, naomba waendelee kutusapoti katika mambo mbalimbali na tukumbuke michezo ni afya, hivyo pia ingekuwa vema mngeaa mbio fupi kwa wajumbe wa Baraza la Wawakilishi, nami naahidi nitashiriki,” alisema.

Grand Malt kinywaji kisicho na kilevi kwa sasa ndio wadhamini wakuu wa Ligi Kuu ya Zanzibar.