WAKENYA WASHANGILIA USHINDI WA UHURU KENYATTA MITAANI

Na Kemeli Arap Kemei, Father Kidevu Blog-Nairobi

Wananchi wa Kenya wakiwa katika mitaa mbalimbali wakishangilia kwa furaha ushindi wa Mgombea Urais wa kwa tiketi ya TNA Uhuru Kenyatta.

Kenyatta ameshinda Uchaguzi Mkuu wa Kenya kwa kura 6,173,433 dhidi ya mpinzani wake Raila Odinga aliyekuwa na kura 5, 340,546 ikiwa ni tofauti ya kura 832,887 .

Jumla ya kura zote zilizopigwa na kuhesabiwa  kwa nafasi ya Urais ni kura 12,338, 667 kutoka katika majimbo yote ya Uchaguzi 291 huku kura zilizoharibika zikiwa 108975 na kura halali zikibaki 12,222,980.

Wakenya wapo katika mitaa mbalimbali na vitongoji vya Nchi hiyo wakishangulia ushindi huo, na wakati huu Maandalizi katika eneo la Bomas kwaajili ya kutangaza rasmi matokeo hayo yanaendelea ambapo Mwenyrekiti wa Tume ya Uchaguzi ya Kenya IEBC anataraji kumtangaza Rasmi Uhuru Kenyatta kama Mshindi wa Urais.

Hii ndio hali halisi ya hivi sasa nchini Kenya lakini kubwa zaidi la kuwapongeza wakenya wote ni hali ya amani iliyopo katikia miji mbalimbali. Pia Wagombea ambao wamekubali matokeo hayo huku wengine wakitangaza tangu jana kukubali kushindwa na kuungana katika kuijenga Kenya moja iliyo na amani na utulivu.