ZOEZI LA UTEKETEZAJI SILAHA LASHUHUDIWA NA VIONGOZI MBALIMBALI AKIWAPO MAKAMU WA RAIS WA TANZANIA

Makamu wa Rais wa Tanzania, Dk. Mohamed Gharib Bilali, jana aliwasha moto wa kuteketeza silaha ndogo ndogo ambazo zimekuwa hatari katika jamii ya Watanzania na wana Afrika Mashariki kwa ujumla kwa silaha hizo zilizokuwa zikimilikiwa kinyume cha sheria kutumika katika uhalifu na mauaji ya aina mbalimbali ya watu na wanyapori katika hifadhi.

Mbali na Makamu wa Rais pia zoezi hilo lilishuhudiwa na viongozi wengine mbalimbali wa Jumuia ya Afrika Mashiriki, Balozi wa Ujerumani nchini Tanzania pamoja na Mawaziri kutoka nchi wananchama wa EAC wanaoshughulika na masuala ya Ulizni na Ushirikiano wa Kimataifa.

Pichani ni matanuru mawili ya silaha hizo zaidi ya 3000 yakiteketea kwa moto huo uliowashwa na Makamu wa Rais katika eneo la Jeshi la Magereza Ukonga jijini Dar es Salaam.

Makamu wa Rais Dk. Mohamed Gharib Bilal akipita kukagua matanuru hayo mawili ya kuteketezaea silaha kabla ya kuyalipua kwa moto.

Balozi wa Ujerumani nchini Tanzania, Klaus-Peter Brandes ambaye nchi yake kupitia shirika la GIZ limekuwa likifadhili shughuli mbalimbali za Jumuia ya Afrika Mashariki akikagua matanuru hayo.

Makamu wa Rais Dk. Mohamed Gharib Bilal akivuta kamba maalum kufyatua baruti iliyowasha moto katika matanuru hayo ya silaha na kuyateketeza.

Makamu wa Rais Dk. Mohamed Gharib Bilal akipokea mkono wa shukrani kutoka kwa Katibu Mkuu wa EAC, Balozi Dk. Richard Sezibera mara baada ya kulipua matanuru hayo. Katikati yao ni Balozi wa Ujerumani nchini, Klaus-Peter Brandes na kulia ni Naibu Waziri wa Mambo ya Ndani wa Tanzania, Pereira Silima.

 Viongozi wakiangalia moto huo ukiteketeza

Mabango maalum ya liyoandaliwa na Shirika la Kijerumani la GIZ ya kupinga Ukatili yakiwa yameshikiliwa na wanafunzi 'SHOW RESPECT STOP VIOLENCE' ndio ujumbe wake.

Hiki ndio kizazi hasa cha kuelimishwa juu ya matumizi mabaya ya silaha na kujiepusha na vurugu ziletazo maafa.