Yanga yaacha mgambo wakikanyagana , Simba yalazimishwa sare 1-1 na Polisi na kubakia katika usukani wa ligi

 

LICHA ya  Yanga kutoka kifua mbele kwa kuifunga Mgambo JKT 3-0, na  watani wao wa jadi Simba ambao ni vinara wa Ligi Kuu ya soka Tanzania bara tangu msimu huu uanze kutoka sare na maafande wa Polisi mjini Morogoro 1-1 lakini bado wekundu hao wa Msimbazi hawajaachia usukani wa Ligi kuu.

Yanga sasa inahitaji goli 2 ili iweze kushika usikani wa ligi hiyo ambapo kwa matokeo ya leo inafungana kwa pointi na Simba kwa kila moja kuwa na point 23, huku Simba ikiwa mbele kwa tofauti ya wastani wa magoli ya kufunga na kufungwa.

Simba ilitoka sare ya 1-1 Polisi kwenye Uwanja wa Jamhuri, Morogoro, wenyeji wakitangulia kupata bao dakika ya 35 kupitia kwa Mokili Rambo kabla ya Amri Kiemba kusawazisha dakika ya 57. 

Magoli ya Yanga yalipachikwa kimiani na wachezaji Nadir Haroub ‘Cannavaro’, Didier Kavumbangu na Jerry Tegete. 

Picha: Bin Zubeiry Blog.