Faiza ndiye Miss Tabata 2011

Faiza ndiye Vodacom Miss Tabata 2011

KIMWANA Faiza Ally (19), usiku wa kuamkia jana alitangazwa rasmi kuwa malkia mpya wa taji la 'Miss Tabata 2011' baada ya kuwabwaga warembo wengine 20 katika shindano lililoweka rekodi ya pekee kwa aina yake kutokana na kushuhudiwa na umati mkubwa wa wapenzi wa sanaa ya urembo kwenye ukumbi wa Dar West Park, Tabata.

Ushindi wake mbali na kumpa tiketi ya kushiriki shindano la Miss Ilala pia alikwenda nyumbani na zawadi ya shilingi milioni 1.

Godliver Mashamba (22), alinyakua shilingi 500,000 baada ya kuibuka nafasi ya pili, wakati mrembo Lilian Bryson (22) alizawadiwa shilingi 300,000 baada ya kushika nafasi ya tatu.

Kimwana Rita Mvungi (21), alishika nafasi ya nne, wakati Agustina Mshanga (20) alikamata nafasi ya tano--na kila mmoja kuondoka na shilingi 200,000.

Warembo wengine watano waliokamilisha 10-bora ya Miss Tabata mwaka huu na kuzawadiwa 100,000 kila mmoja ni Nasra Salim (21), Willieth Wilson (22), Prisila Mchemwa (19), Crecensia Haule (20) na Edina Mnada (21).

Warembo 10-bora ndio watakaoiwakilisha Tabata katika kinyang'anyiro cha Miss Ilala baadaye mwaka huu.

Warembo 11 walipata kifutajasho cha shilingi 50,000 kila moja ambao ni Sweetlily Suleiman (21), Maria John (21), Happyness Emmanuel (18), Mariam Manyanya (21), Angela Fortunatus (21) na Lucia Joseph (20).

Miss Tabata 2011 imeratibiwa na kuandaliwa na Bob Entertainment na Keen Arts na kudhaminiwa na Dodoma Wine, Vodacom, Redds Original, Integrated Communications, Paris Pub, Freditto Entertainment, Chicken Hut, Travel Partners, Ben Expedition, Screen Masters, Sean Entertainment, Michuzi blogspot, Anech Stationary na Vayle Springs.