AICC yasaini makubaliano ya kuunda baraza la Wafanyakazi

Mkurugenzi Mwendeshaji wa Kituo cha Mikutano cha Kimataifa cha Arusha (AICC), Elishilia Kaaya (katikati) akitia saini mkataba wa kuunda Baraza la Wafanyakazi tawi la AICC. Mkataba huo ulisainiwa wiki hii katika ofisi za AICC. Kushoto ni Katibu wa TUICO Mkoa wa Arusha, Hussein Ngowo na kulia ni Mwenyekiti wa TUICO tawi la AICC, Ezekiel Kiologwe na kulia kabisa ni Mkurugenzi wa Fedha na Utawala wa AICC, Savo Mung’ong’o. (Picha kwa hisani ya AICC)
MKATABA WA KUUNDA BARAZA LA WAFANYAKAZI UMESAINIWA TAREHE 13/04/2010 KATI YA KITUO CHA MIKUTANO CHA KIMATAIFA CHA ARUSHA (AICC) PAMOJA NA CHAMA CHA WAFAYAKAZI WA VIWANDA, BIASHARA, TAASISI ZA FEDHA, HUDUMA NA USHAURI (TUICO).

MKATABA HUO NI MATOKEO YA UTEKELEZAJI WA SERA YA KUWASHIRIKISHA WAFANYAKZI KATIKA UONGOZI WA PAMOJA MAHALI PA KAZI, KAMA ILIVYOELEKEZWA NA AGIZO LA RAIS NO. 1 LA MWAKA 1970 PAMOJA NA SHERIA YA AJIRA NA MAHUSIANO KAZINI NO. 6 YA MWAKA 2004 KIFUNGU CHA 73 (1 -3).

MKATA HUO ULISAINIWA NA MKURUGENZI MWENDESHAJI WA AICC NDG. ELISHILIA KAAYA, KATIBU WA TUICO MKOA WA ARUSHA NDG. HUSSEIN NGOWO, PAMOJA NA MWENYEKITI WA TUICO TAWI LA AICC NDG. EZEKIEL KIOLOGWE.

WENGINE WALIOSHUHUDIA TUKIO HILO NI PAMOJA NA MKURUGENZI WA FEDHA NA UTAWALA AICC NDG. SAVO MUNG’ONG’O, KATIBU WA TUICO TAWI LA AICC NDG. RASHID H. RASHID PAMOJA NA AFISA MWANDAMIZI WA ITIFAKI NA MAHUSIANO YA JAMII BI. CATHERINE KILINDA.

IMETOLEWA NA KITENGO CHA ITIFAKI NA MAHUSIANO KWA JAMII - AICC