WANANCHI WATAKIWA KUCHANGAMKIA BIASHARA YA KABONI

Serikali imetoa wito kwa sekta binafsi na wananchi kwa ujumla kuendelea kuchangamkia fursa za uwekezaji katika biashara ya kaboni ili kuinua uchumi na kuhifadhi mazingira kwa kupanda miti na kuitunza.

 
Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Khamis ametoa wito huo wakati akijibu swali la Mbunge wa Viti Maalum Mhe. Zaytun Swai aliyetaka kujua kuna mkakati gani kuvutia wawekezaji wa biashara ya kaboni katika Mkoa wa Arusha.

Pamoja na wito huo, amesema Serikali itaendelea kutafuta masoko ambapo tayari wawekezaji wamejitokeza kuwekeza katika halmashauri za wilaya za Karatu na Monduli mkoani Arusha ambazo niThe Nature Conservancy (TNC), Albrin (Sandrose), Soils for the Future Tanzania (SftTZ) na Carbon.

Pia, Mhe. Khamis amesistiza Serikali itaendelea kusimamia sheria, kanuni miongozo na taratibu, katika uendeshaji wa biashara hii ili wananchi wavutiwe na wanufaike na uwepo wa biashara hiyo.

Akiendelea kujibu swali hilo, alisema Ofisi ya Makamu wa Rais kupitia Kituo cha Taifa cha Kuratibu Kaboni (NCMC) kwa kushirikiana na Ofisi ya Rais – TAMISEMI inatekeleza mikakati mbalimbali kuvutia wawekezaji wa biashara hiyo katika Mkoa wa Arusha.

Mhe. Khamis alitaja mikakati hiyo kuwa ni mbali ya kuanzisha kisheria NCMC sanjari na Kanuni za Udhibiti na Usimamizi wa Biashara ya Kaboni (2022), ambazo zimefanyiwa  marekebisho mwaka 2023.

Halikadhalika, Kutoa elimu kwa umma kuhusu biashara ya kaboni imeendelea ktolewa pamoja na kuhamasisha sekta binafsi kuwekeza katika biashara hiyo zikiwemo ambazo.

Kwa upande mwngine, Naibu Waziri Khamis alisema kutokana na uwepo wa misitu mikubwa upande wa Zanzibar, visiwa hivyo vinakwenda kunufaika na matunda ya biashara ya kaboni.

Alisema Ofisi ya Makamu wa Rais kushirikiana na Mamlaka ya Hifadhi ya Mazingira ya Zanzibar (ZEMA), wawikilishi, wakuu wa mikoa na wilaya pamoja na mawziri kutoa kutoa elimu kwa wananchi wa visiwa hivyo kutunza miti ili kunuifa na biashara ya kaboni.

Alisema hayo wakati akijibu swali la Mbunge wa Amani Mhe. Abdul Yussuf Maalim aliyetaka kujua kuna mkakati gani wa kuwashirikisha wadau wa Zanzibar ili waweze kunufaika na biashara ya kaboni.

Hivyo, biashara ya kaboni imeendelea kuleta manufaa kwa Serikali na kwa wananchi kwa ujumla hususan katika halmashauri zinazozunguka misitu hapa nchini kwa kujengewa miundombinu kutokana na mapato yanayotokana na biashara hiyo.