BFT KUPELEKA MABONDIA WANAWAKE KATIKA MASHINDANO YA NGUMI YA DUNIA

 

Kwa mara ya kwanza tangu Tanzania ipate uhuru wake, Shirikisho la Ngumi Tanzania (BFT) linatarajia kupeleka mabondia wawili wanawake katika mashindano ya ubingwa wa dunia kwa wanawake.
 
Mashindano hayo yatahusisha nchi zote duniani wanachama wa chama cha ngumi cha Dunia (IBA)  yanatarajiwa kufanyika katika  mji wa New Delhi- India.
 
Hayo yameamuliwa na kupitishwa katika kikao cha kwanza cha viongozi wa shirikisho la ngumi Tanzania kilichofanyika usiku wa leo tarehe 05 March 2023 katika ukumbi wa mikutano wa Africa Human Rights Network (AHRN) Mbezi Beach Dar es salaam.
 
Timu hiyo kwa sasa ipo kambini kwa mazoezi makali ya kujiandaa na mashindano hayo ambayo ipo chini ya walimu wanaotambuliwa na chama cha ngumi cha Dunia (IBA) wakiwa na daraja la nyota mbili ambao na Samwel Batmani ( Kocha Mkuu) na Mohamed Abubakar( Kocha Msaidizi.
Mabondia ni Rahma Joseph Maganga na Beatrice Ambros Nyambega.
 
Timu hiyo kwa sasa ipo katika kambi ya Pamoja katika hosteli za AFRICA HUMAN RIGHTS NETWORK Mbezi Beach kwa ufadhili wao AHRN ambao ni wamiliki wa hiyo hosteli.
 
Aidha Pamoja na mambo mengi ya kiutendaji yaliyoongelewa katika kikao cha leo shirikisho la ngumi Tanzania (BFT) limepanga kuongea na waandishi wa Habari Jumanne ya Tarehe 07 March 2023 kuanzia saa tatu asubuhi katika Gym ya  OASIS CLUB iliyopo Mbezi Beach Dar es salaam. Ambapo tutazungumzia kuhusiana na safari ya timu yetu ya taifa ya wanawake kwenda katika mashindano hayo ya ubingwa wa dunia Pamoja na mipango mingine ya shirikisho la ngumi Tanzania (BFT)
 
Tunatoa wito kwa vyombo vyote vya Habari kujitokeza siku hiyo ili kujua mipango ya uongozi mpya wa BFT kwa jinsi ulivyojipanga kuleta mabadiliko ya maendeleo ya mchezo wa ngumi Tanzania.