RAIS SAMIA APANGUA MAWAZIRI NA MAKATIBU WAKUU

Mhe. Mohamed Omary Mchengerwa (Mb.) aliyekuwa  Waziri wa Wizara ya Utamaduni, Sanaa na Michezo  amehamishiwa Wizara ya Maliasili na Utalii.

Dkt. Hassan Abbas Said, aliyekuwa Katibu Mkuu wa Wizara ya Utamaduni, Sanaa na Michezo  amehamishiwa Wizara ya Maliasili na aliyekua Naibu Katibu Mkuu Wizara ya Utamaduni, Sanaa na Michezo, Said Othman Yacub (kushoto) kuwa Katibu Mkuu w Wizara hiyo.

********""

Rais wa Jamhuri ya Muungano wa Tanzania, Mhe. Samia Suluhu Hassan amefanya uteuzi kama ifuatavyo:-

1. MAWAZIRI:

(i) Mhe. Mohamed Omary Mchengerwa (Mb.) aliyekuwa  Waziri wa Wizara ya Utamaduni, Sanaa na Michezo  amehamishiwa Wizara ya Maliasili na Utalii.

(ii) Mhe. Balozi Dkt. Pindi Hazara Chana (Mb.), aliyekuwa  Waziri wa Maliasili na Utalii amehamishiwa Wizara ya  Utamaduni, Sanaa na Michezo.

2. MAKATIBU WAKUU

(i) Dkt. Hassan Abbas Said, aliyekuwa Katibu Mkuu wa Wizara ya Utamaduni, Sanaa na Michezo  amehamishiwa Wizara ya Maliasili na Utalii kuwa  Katibu Mkuu wa Wizara hiyo.Dkt. Hassan anachukua nafasi ya Prof. Eliamani M. Sedoyeka.

(ii) Amemteua Bw. Said Othman Yakub kuwa Katibu Mkuu, Wizara ya Utamaduni, Sanaa na Michezo. Bw. Yakub anachukua nafasi ya Dkt. Hassan Abbas Said ambaye amepangiwa kuwa Katibu Mkuu Wizara ya Maliasili na Utalii. 

Kabla ya uteuzi huo, Bw. Yakub alikuwa Naibu Katibu Mkuu, Wizara ya Utamaduni, Sanaa na Michezo.

Uteuzi huu unaanza mara moja. Wateule wataapishwa tarehe 15 Februari, 2023 saa 10.00 jioni, Ikulu –Dar es Salaam.