MBUNGE CHALINZE AGAWA VIFAA TIBA, PIKIPIKI KWA WATENDAJI KATA

MBUNGE wa Jimbo la Chalinze ambaye pia ni Naibu Waziri wa Ardhi, Nyumba na Maendeleo ya Makazi, Ridhiwan Kikwete amegawa piki piki sita kwa watendaji wa Halmashauri ya Chalinze, Mkoani Pwani.

Aidha mbali na kugawa piki piki hizo zitakazosaidia utendaki kazi na ufuatiliaji wa miradi ya maendeleo pia amepokea vifaa tiba kwaajili vituo vya afya na zahanati za vijiji 11 ndani ya Hamashauri.

Kikwete pia alitembelea kiwanda cha kuzalisha marumaru kilichopo Chalinze mkoani pwani na kukagua maendeleo yake.

Akizungumza wakati wa kukabidhi piki piki hizo, Kikwete amewataka watendaji hao kutumia vyombo hivyo kwa kuzingatia makusudio ya kutolewa kwao.

“Watendaji katumieni vyombo hivi kama vilivyo kusudiwa na si vinginevyo, mkawasikilize wananchi katika maeneo yenu na kutafuta ufumbuzi wa changamoto zao,”alisema Kikwete.

Aidha amewataka wataalam wa afya katika vituo vya afya na zahanati kutunza vifaa vyote walivyo kabidhiwa ili vikatumike kwa walengwa kwa ufanisi.

Alisema kwa sasa kazi kubwa inaelekezwa kituo cha Afya Miono ambapo kazi ya ujenzi wa miundo mbinu inapaswa kuwa kipaumbele.

Naibu Waziri wa Ardhi, Nyumba na Maendeleo ya Makazi ambaye pia ni Mbunge wa Jimbo la Chalinze, Ridhiwan Kikwete akikata utepe tayari kukabidhi pikipiki kwa Watendaji wa Kata sita za Halamashauri ya Chalinze.

Naibu Waziri wa Ardhi, Nyumba na Maendeleo ya Makazi, ambaye  pia ni Mbunge wa Jimbo la Chalinze Ridhiwan Kikwete akigawa vifaa tiba kwa vituo vya afya vya Kata ya kibindu na Msata pamoja na zahani za vijiji 11.

 akijulia hali wagonjwa baada ya kugawa vifaa tiba

Viongozi wa Kiwanda cha kuzalisha marumaru na kupatiwa maelezo ya maendeleo ya mradi