WANAWAKE WA MAMLAKA YA CHAKULA NA DAWA (TFDA) WASHIRIKI KILELE CHA MAADHIMISHO YA SIKU YA WANAWAKE DUNIANI

Wanawake wa TFDA walikuwa ni sehemu ya waliojitokeza katika kushiriki na kufanikisha  Maadhimisho hayo yaliyofanyika katika ngazi ya mkoa (Dar Es Salaam) ambapo Mgeni Rasmi alikuwa ni Mke wa Rais wa Jamhuri ya Muungano wa Tanzania, Mama Salma Kikwete. 

Kauli mbiu ya inasema “UWEZESHAJI WANAWAKE; TEKELEZA WAKATI NI SASA” ambayo inalenga kuhamasisha jamii kutambua mchango wa Wanawake katika kuleta maendeleo yao; na kuelimisha wadau mbalimbali kuangalia upya wajibu wao wa kuwashirikisha wanawake na kuwapa haki sawa katika nafasi za elimu, uchumi na kijamii ili waweze kuwa chachu katika kuleta maendeleo yao na Taifa kwa ujumla. 

Kwa kutambua dhima hiyo, pamoja na mambo mengine, Wanawake wa TFDA walitoa elimu inayopiga vita matumizi ya “mikorogo” kwa vile inachangia kuhatarisha afya ya mwanamke na jamii. Ili kufikisha ujumbe huo walitumia mbinu mbalimbali kama baadhi ya picha zinavyoonesha hapa chini:

Wanawake wa TFDA wakisubiri kushiriki maandamano ya aiku ya mwanamke Duniani jijini Dar es salaam jana.

Ilikuwa ni miserebuko ya akina mama na wadada.