AAR Insurance yatoa misaada ya vyakula kwa wahanga wa Maafa Kilosa Morogoro

Kufuatia tukio la maafa lilotokea Kilosa Morogoro, kampuni ya bima ya AAR  yaungana na serikali kusaidia wahanga wa mafuriko  walipoteza makazi yao na wanakabiliwa na uhaba wa chakula.

Kampuni iyo ilichangia vyakula mbalimbali kama vile mchele, maharage na mafuta ya kupikia yenye thamani ya shilingi milioni 3 za kitanzania.

Akizungumza na vyombo vya habari Afisa Uhusiano wa AAR , Amisa Juma alisema " Tumekuja hapa leo kwa sababu tumeguswa na  kilichotokea kwa waathirika wa mafuriko,na tumeona umuhimu wa kuwatembelea na kutoa rambirambi kwa wahanaga hawa.

Wafanyakazi wa AAR  walipata mapokezi mazuri kutoka kwa Mkuu wa Wilaya w Kilosa Mhe. Elias Tarimo ambaye alitoa taarifa fupi  kuhusiana na mafuriko hayo pia alitoa shukurani zake za dhati  kwa kampuni kwa kutoa msaada huo wa chakula.

“Tungependa kutoa shukrani zetu za dhati kwa AAR insurance kwa kushirikiana nasi katika janga hili pia ngependa  kutoa wito kwa makapuni  ya kiserikali na yasio ya kiserikali kutoa misaada zaidi kwa wahanaga hawa wa mafuriko ,kwa sasa  wanamahitaji ya makazi , kwa vile wengi wao waliopotea makazi yao . Ni wajibu wetu kuisaidia jamii katika njia yeyote tunayoweza kwa kua hili ni janaga la taifa, alisema  Mhe.Elias Tarimo , Mkuu wa Wilaya ya Kilosa .