OPHIR YAMWAGA SEMBE NA SARUJI YA SH. MIL. 13 MTWARA

Mkuu wa wilaya ya Mtwara Bw. Wilman Kipenjama Ndile(kulia) akipokea msaada  unga na simenti kutoka kampuni ya Ophir Energy Plc vyote vikiwa na thamani ya Sh Mil 13  wa ajili ya waahanga wa mafuriko wilayani humo. Msaada huo ulikabidhiwa na Meneja Uhusiano wa Kampuni hiyo Bw Fidelis Lekule(kushoto).

Mkuu wa Wilaya ya Mtwara Bw Wilman Kipenjam Ndile akitoa shukrani kwa kampuni ya Ophir Energy plc mara baada ya kupokea msaada wa chakula na saruji vypte vikiwa na thamani ya Sh Mil 13.2, kwa ajili ya wahanga wa mafuriko wilayani humo.Wengine pichani ni Meneja Uhusiano wa Kampuni hiyo Bw Fidelis Lekule(kushoto) na mwakilishi wa wahanga hao mlemavu wa macho Bw Mohammed Omari.

****   *****

 

Na Mwandishi Wetu,Mtwara

KAMPUNI ya kimataifa ya utafiti wa mafuta na gesi nchini Tanzania, yenye visima uwepo mkubwa mkoani Mtwara, Ophir Energy plc jana imekabidhi msaada wa sembe na saruji vyenye thamani ya Sh Mil 13.2m, kwa ajili ya wahanga wa mafuriko yaliyoikumba wilaya hiyo hivi karibuni.

Akikabidhi msaada huo kwa Mkuu wa Wilaya ya Mtwara, Meneja wa Uhusiano Fidelis Lekule alisema kampuni ayke imeguswa na janga lililowapata wana-Mtwara ndiyo maana wameamua kutoa msaada huo.

“Ukweli ni kwamba Ophir Energy inafanya kazi Mtwara pamoja na sehemu nyingine duniani, hivyo matatizo na mafanikio ya wilaya hii yanaigusa kampuni kwa namna moja au nyingine,” alisema Bw Lekule.

Kwa mujibu wa Lekule, msaada huo unajumuisha magunia 280 ya unga wa sembe ili kuwapa chakula wahanga hao wa mafuriko ambao chakula chao kilisombwa na maji ya mvua na pia mifuko 300 ya saruji kwa ajili ya kukarabati miundombinu iliyoharibiwa ikiwa ni pamoja na makalivati na mfumo wa mifereji ya maji katika manispaa hiyo.

Akipokea msaada huo, Mkuu wa Wilaya ya Mtwara Wilman Kapenjama Ndile, aliishukuru kampuni ya Ophir Energy kwa msaada huo na kusema umekuja wakati muafaka ili kusaidia wananchi wenye shida wilayani Mtwara.

Akizungumzia ukubwa wa tatizo, Mkuu wa Wilaya alisema kuwa mafuriko hayo kumbukumbu zinaonyesha kuwa hayajawahi kutokea Mtwara katika miaka 30 iliyopita, yalisababishwa na mvua kubwa iliyonyesha katikati ya Januari mwaka huu.

Alisema: “Takwimu zinaonyesha kuwa mafuriko hayo yaliathiri zaidi ya watu 7,000, nyumba 210 zilibomolewa na zingine 385 ziliharibiwa kwa njia moja au nyingine.

Ndile alisema kuwa ofisi yake iko mbioni kutengeneza vyeti vya shukrani vitavyotumika kuwatambua watu waliojitokeza kusaidia wananchi wa Mtwara ikiwa ni pamoja na kampuni ya Ophir, wakati wa kipindi hicho cha matatizo.

Mkazi mmoja wa Mtwara mwenye ulemavu wa kutoona ambaye aliwawakilisha wahanga wengine wa mafuriko hayo katika hafla hiyo fupi ya kupokea msaada, Mohammed Omari, alishukuru kampni ya Ophir kwa msaada huo ambao umekuja katika kipindi muafaka na kupitia ofisi ya Mkuu wa Wilaya, “Nyumba yangu ilikumbwa na mafuriko.

Chakula changu na mali zingine za thamani  zilizokuwemo ndani ya nyumba viliharibiwa kabisa,” alilalamika mlemavu huyo kwa masikitiko makubwa.