MTOTO WA MKULIMA WA ZABIBU DODOMA WATEMBELEA JIJI LA DAR ES SALAAM CHINI YA UDHAMINI WA KONYAGI

Mkurugenzi wa Elimu ya Sekondari kutoka Wizara ya Elimu na Mafunzo ya Ufundi, Paulina Mkonongo pamoja na Mkurugenzi Mkuu wa Kampuni ya Tanzania Distilleries Ltd ambao ni watengenezaji wa kinyaji cha Konyagi,David Mgwasa wakisalimiana na wanafunzi wanaosomeshwa na Kampunihiyo chini ya Mpango wa kumuelimisha Mtoto wa Mkulima wa Zababu unaojulikana kama ‘Zabibu na Shule kwanza’. Jumla ya wanafunzi 30 wanasomeshwa na Kiwanda cha Konyagi na wametembelea jijini Dar es Salaam kwa ziara ya kimafunzo.

Mkurugenzi Mkuu wa Kampuni ya Tanzania Distilleries Ltd ambao ni watengenezaji wa kinyaji cha Konyagi,David Mgwasa akizungumza jambo na pamoja nae ni baadhi ya viongozi wa Kampuni hiyo .

Mkurugenzi Mkuu wa Kampuni ya Tanzania Distilleries Ltd ambao ni watengenezaji wa kinyaji cha Konyagi,David Mgwasa akizungumza jambo wakati wa mkutano na Viongozi wa Wizara ya Elimu.

Mkurugenzi Mkuu wa Kampuni ya Tanzania Distilleries Ltd ambao ni watengenezaji wa kinyaji cha Konyagi,David Mgwasa akizungumza katika mkutano na wanahabari katika Ukumbi wa Mikutano wa Wizara ya Elimu jijini Dar es Salaam leo. Kushoto ni Mkurugenzi wa Elimu ya Sekondari kutoka Wizara ya Elimu na Mafunzo ya Ufundi, Paulina Mkonongo.

Mmoja wa wanafunzi hao akiuliza swali kwa Mkurugenzi wa Elimu ya Sekomdari na Uongozi wa Konyagi.

Mpango huu wa kusomesha watoto wa mkulima unaojulikana kama “Zabibu na shule kwanza” ulizinduliwa rasmi mnamo tarehe 01 Julai 2011 Bungeni Dodoma na  Spika wa bunge la Tanzania, mama  Anna Makinda.

 Lengo kuu la mradi huu ni kuhakikisha familia za wakulima walio kwenye mkataba na TDL wanafaidia na kazi za wazazi wao kwa kusaidia watoto wa familia hizo kwenda shule, kupunguza idadi kubwa ya watoto wanaoshindwa kuendelea na elimu ya sekondari kutokana na kukosa pesa za kulipia  ada na mahitaji muhimu ya shule kutoka kwa wazazi ama walezi wao ambao ni wakulima wa zao la zabibu.

TDL itakuwa imewapunguzia mzigo mkubwa na kuwapa wakulima hawa muda muafaka wa kujitatiti zaidi katika shughuli za  kilimo cha zabibu ili kuziwezesha familia zao kujikimu vizuri kimaisha.

Mradi huu ulianza na watoto kumi (10), na mwaka jana tukaongeza watoto ishirini (20) na ni matarajio kuwa mwaka huu idadi ya watoto watakaopewa ufadhili itakuwa wanafunzi ishirini (20), hivyo kufikisha idadi ya wanafunzi wanaosomeshwa na mpango huu kuwa wanafunzi hamsini (50).  

TDL kama kampuni tunaamini kuwa, uwekezaji kwenye elimu na pia kumsomesha mtoto  ni kukuza uchumi wa nchi yetu.