MKULIMA AVUNJA REKODI KWA BOGA LENYE UZITO WA KILO 417.5

Mkulima wa nchini kutoka Worcester mjini wa Western Cape nchini Afrika Kusini  Johan du Plessis amevinja rekodi kwa boga lake kuwa na uzito wa kilo 417.5. 

Plessis ambaye ni mkulima anae karibia kustaafu shughuli za kilimo kutokana na umri wake kumtupa mkono, amevunja rekodi ya nchi hiyo kwa kuzalisha Boga kubwa kuliko yote kuwahi kutokea nchini humo.

Mazao ya mboga mboga ambayo huwa na uzito mkubwa hupata tuzo wakati wa maonesho maalum ya Diemersdal Durbanville Wine Estate’s wakati wa mashindano ya maboga yaliyofanyika hivi karibuni.

Mtoto wa Plessis aitwae Henri ndiye alikuwa akishikilia rekodi ya mwaka uliopita kwa Boga lililokuwa na uzito wa kilo 390. Henri mwaka huu ameshika nafasi ya tatu kwa Boga lenye uzito wa kilo 376.5

Alipoulizwa ni namna gani mkulima anaweza kuzalisha Maboga ya uzito huo, Plessis alisema hakuna la zaidi ya kuliangalia kwa umakini, ikiwa ni pamoja kuyakinga na jua, kuyapa nafasi ya kutosha majani na matunda pamoja na kuhakikisha udongo upo katika hali nzuri.