DIFFERENT ACTIVITIES OF PRESIDENT KIKWETE IN WASHINGTON DC

President Jakaya Kikwete speaks at the Centre for Strategic and International Studies (CSIS) during a Stateman's forum on development themed "A country Transformed: A New Agenda for Tanzania".

President Barak Obama of the United States of America mingles with the crowd after delivering his Keynote Speech at the opening of the symposium themed "Food Security at the G-8: Changing the development landscape" at the Ronald Reagan building and International Trade Centre in Washington DC.

President Jakaya Kikwete meets UK's Secretary of State for International Cooperation Hon Andrew Mitchel in the sidelines of the symposium themed "Food Security at the G-8: Changing the development landscape" at the Ronald Reagan building and International Trade Centre in Washington DC.

US Secretary of State Hillary Clinton for a souvenir wraps up the symposium themed "Food Security at the G-8: Changing the development landscape" at the Ronald Reagan building and International Trade Centre in Washington DC.

President Barak Obama of the United States of America introduces President Jakaya Kikwete as he acknowledges the presence of four African leaders present symposium themed "Food Security at the G-8: Changing the development landscape" at the Ronald Reagan building and International Trade Centre in Washington DC. The session outlined key components of the G8 deliverables for food and nutrition security. Others were HE Meles Zenawi, Prime Minister of Ethiopia, Prof. John Evans Atta Mills, President of Ghana and African Union Chairman and President of Benin, HE Dr Boni Yayi.

Tanzania's envoy to the US Ambassador Mwanaidi Sinare Maajar with the Permanent Representative of the African Union to the UN. Ambassador Amina Salum Ali and Senior advisor to the President of Tanzania (Diplomacy) Ambassador Liberata Mulamula take a break after a consultation meeting of leadership on the follow-up of G-8 commitments on the sidelines of the symposium themed "Food Security at the G-8: Changing the development landscape" at the Ronald Reagan building and International Trade Centre in Washington DC.

 

****

 

Na Mwandishi Maalum

Rais wa Jamhuri ya Muungano wa Tanzania, Mheshimiwa Jakaya Mrisho Kikwete yuko Marekani kuhudhuria Mkutano wa Wakuu wa Nchi Tajiri Zaidi na Zenye Viwanda Duniani (Group of Eight – G-8) kwa mwaliko wa mwenyeji wa Mkutano huo Rais Barack Hussein Obama wa Marekani.

Rais Obama amewaalika, kama wageni rasmi, marais wa nchi nne za Afrika kuhudhuria mkutano huo ambao shughuli zake zilianza juzi – Alhamisi, Mei 17, 2012 kwa wakuu hao kukutana na kuhuduria tafrija rasmi ya Waziri wa Mambo ya Nje wa Marekani Mama Hillary Rodham Clinton katika Wizara ya Mambo ya Nje ya Marekani mjini Washington.

Jana, marais hao pamoja na wenzao wa G-8 watakutana katika warsha maalum itakayozungumzia maendeleo ya kilimo duniani na ulioandaliwa na Baraza la Chicago Kuhusu Masuala ya Dunia (Chicago Council on Global Affaris) mjini Washington na leo Jumamosi watakutana kwenye kimji maalum cha mapumziko ya marais wa Marekani cha Camp David katika jimbo la jirani na Washington, D.C, la Maryland kwa ajili ya mkutano wenyewe wa G-8.

Marais walioalikwa kutoka Afrika pamoja na Rais Kikwete mwenyewe ni Mwenyekiti wa Umoja wa Afrika (AU) Rais Thomas Boni Yayi wa Benin, Rais John Atta Mills wa Ghana na Waziri Mkuu wa Ethiopia Mheshimiwa Meles Zenawi. Mkutano huo wa 38 wa G-8 unakutanisha wakuu wa nchi za Marekani yenyewe, Japan, Ujerumani, Uingereza, Ufaransa, Italia, Canada na Russia.

Hizi ni nchi ambazo zimekuwa zinakutaka kila mwaka tokea mwaka 1975 wakati Rais wa wakati huo wa Ufaransa, Mheshimiwa Giscard d’Estaing alipowaalika viongozi wa Marekani, Japan, Italia, Uingereza na Ujerumani kujadili na kutafuta majawabu ya mtikisiko mkubwa wa kiuchumi uliokuwa unaikabili dunia kutokana na ongezeko la ghafla la bei za mafuta duniani kutoka nchi za Kiarabu.

Kila mwaka, Rais mwenyeji anapata nafasi ya kuwaalika viongozi wa nchi nyingine zikiwamo za Afrika kuhudhuria mkutano wa G-8. Rais Kikwete alihudhuria mkutano huo uliofanyika Japan mwaka 2008 akiwa Mwenyekiti wa AU. Sasa siyo tena mwenyekiti wa Umoja huo. Kwa nini basi Kiongozi huyo wa Tanzania anaalikwa katika kikao hiki muhimu pengine kuliko vingine vyote duniani?

Kuna sababu kadhaa kwa nini aalikwe Rais Kikwete na wakaachwa marais wengine. Ni vema pia tujikumbushe kuwa alikuwa ni Rais Kikwete ambaye alikuwa kiongozi wa kwanza wa Afrika kualikwa na kukutana na Rais Obama katika Ikulu ya Marekani mwaka 2008 mara baada ya Rais Obama kushika usukani wa uongozi wa Taifa la Marekani.

Katika kufikia uamuzi wa nchi zipi zialikwe kwenye mikutano ya G-8 ni lazima nchi hizo pamoja na viongozi wake wawe na viwango na sifa zinazokubalika duniani. Baadhi ya sifa kubwa ni kwamba viongozi hao wawe wamethibitisha uongozi wao katika maeneo ya demokrasia, haki za binadamu, utulivu wa nchi na uongozi, usalama na viwango vya kuridhisha vya maadili ya uongozi.

Katika Tanzania hakuna shaka kuwa utawala wa Rais Kikwete umechangia sana kupanua demokrasia na utawala bora. Hakuna shaka kuwa upo uhuru mpana zaidi katika Tanzania ya leo iwe ni uhuru wa kisiasa, uhuru wa kiuchumi, uhuru wa kijamii ukiwamo wa vyombo vya habari kuliko wakati mwingine wowote katika historia ya nchi yetu.

Na wala hakuna shaka kuwa nchi imeendelea kuwa tulivu pamoja na upanuzi mkubwa wa uhuru na demokrasia, na wala hakuna shaka kuwa haki za binadamu zinaendelea kulindwa na kudumishwa kwa namna iliyo ngumu sana kulinganishwa na nchi nyingine nyingi za Afrika.

Mkutano wa mwaka huu wa G-8 unazungumzia Maendeleo ya Kilimo Duniani na Usalama wa Chakula. Hii ndio mada kuu. Mada hii ni sababu nyingine kwa Rais Kikwete amealikwa kushiriki katika mkutano huo.

Tanzania chini ya uongozi wa Rais Kikwete imekuwa mfano wa kuingwa katika jitihada za kuendeleza kilimo. Alipoingia madarakani tu, Rais Kikwete alibuni na kuanzisha Mpango wa Maendeleo ya Sekta ya Kilimo – Agricultural Sector Development Programme (ASDP).

Mpango huu wa miaka 14 unalenga kukabiliana na changamoto kuu ambazo zimekuwa zinazuia maendeleo ya kilimo nchini ikiwa ni pamoja na kuongeza matumizi ya maji na umwagiliaji, kuondokana na matumizi ya jembe la mkono na kuingiza teknolojia ya kisasa, matumizi ya mbegu bora, matumizi ya mbolea zaidi, uendelezaji wa masoko, uendelezaji wa miundombinu ya barabara za vijijini.

Mengi yamefanyika chini ya mpango huu. Wakulima, kwa mfano, wamekuwa wanapata ruzuku ya mbolea na mahitaji mengine ya kilimo. Bajeti ya ruzuku hiyo imepanda kutoka sh bilioni saba mwaka 2005 wakati Rais anaingia madarakani na kufikia sh bilioni 121 kwa sasa.

Ili kuunga mkono malengo makuu ya ASDP, zimeanzishwa programu nyingine kama vile Kilimo Kwanza ambayo inalenga kuongeza ufanisi wa utekelezaji wa ASDP kwa kushirikisha sekta binafsi katika shughuli za kilimo badala ya kilimo hicho kuachwa mikononi mwa wakulima wadogo, wa kujikimu na wasiokuwa na vyanzo vya mitaji ya kutosha kwa ajili ya shughuli za kilimo.

Katika kutafuta majawabu ya baadhi ya matatizo yanayokikabili kilimo katika Tanzania, Serikali tayari imeanza mchakato wa kuanzisha Benki ya Kilimo kwa kufungua dirisha dogo la mikopo katika Benki ya Raslimali Tanzania (TIB), na iko kwenye maandalizi ya mwisho kuanzisha Soko la Mitaji na Mazao nchini kwa nia ya kuinua kwa kiwango kikubwa kipato cha wakulima na wawekezaji katika sekta ya kilimo nchini.

Ili kuthibitisha dhamira yake ya kuunga mkono malengo ya Kilimo Kwanza na ASDP, Serikali ya Rais Kikwete imeamua kuomba mkopo wa dola za Marekani milioni 40 kutoka Serikali ya India ambao umetumika kuagiza matreka 1,846 ambayo yanasambazwa kwa bei ya chini na masharti nafuu sana kwa wakulima binafsi na vikundi vya wakulima.

Mpaka sasa kiasi cha matreka 763 yamesambazwa na hii ni mara ya kwanza katika historia ya Tanzania kwa matreka mengi kiasi hiki kuingizwa nchini kwa nia ya kuboresha kilimo cha Tanzania na kuondoa jembe la mkono katika shughuli za kilimo nchini.

Kama vile hizo program hazitoshi, Serikali imebuni program ya SAGCOT inayolenga kuendeleza ukanda wa kilimo Kusini mwa Tanzania, ukanda ambao unaihusisha mikoa ya Pwani, Morogoro, Iringa, Mbeya, Ruvuma na Rukwa. Program hii inayoshirikisha Serikali na sekta binafsi ya kitaifa na kimataifa, inalenga kuwatoa watu kiasi cha milioni mbili katika umasikini na kuzalisha tani kwa tani za chakula na hivyo kuleta usalama wa chakula nchini, na hata nchi za jirani.

Ilikuwa kupitia mpango wa SAGCOT, Tanzania ikawa nchi kiongozi katika Afrika katika mpango wa kuendeleza kilimo katika Bara hilo wa Grow Africa Partnership unaoshirikisha nchi saba.

Kubwa zaidi katika jitihada za kuendeleza kilimo katika Tanzania, Serikali ya Rais Kikwete imeendelea kushikilia msimamo wa Tanzania kuibakiza ardhi mikononi mwa Serikali na pia kulinda ardhi ya wakulima wadogo wadogo bila kuigawa ardhi hiyo kwa wawezekaji wakubwa kwa nia ya kuimiliki ardhi hiyo bali kwa nia ya kuikodisha kwa muda wakati wanataka kuitumia. Sera hii sahihi, imeendelea kuifanya Tanzania nchi tofauti miongoni mwa nchi nyingi za Afrika na hata duniani.

Kwa maneno mengine, Rais Kikwete amealikwa kushiriki katika mkutano huu unaojadili kilimo duniani kwa sababu amethibitisha uongozi wa kiwango cha juu katika kuendeleza kilimo ambacho ndicho ajira kuu ya Watanzania na chimbuko la chakula kwa ajili ya wananchi wa Tanzania.