MAKAMU WA RAIS KUFUNGA MAONESHO YA KILIMO NANE NANE KITAIFA MKOANI LINDI

Makamu wa Rais , Samia Suluhu Hassan amewasili mjini Lindi mchana huu akitokea mkoa wa Dar es Salaam kwa njia ya barabara ambapo hapo kesho anatarajiwa kuwa mgeni rasmi katika kilele cha   Sikukuu ya Wakulima Nanenane kitaifa kwenye viwanja wa Ngongo katika Manispaa ya Lindi.

Makamu wa Rais Samia Suluhu Hassan anatarajiwa kufunga maonyesho hayo ya Nane nane hapo kesho kwa  niaba ya Rais  Dk John Pombe Magufuli.

Alipowasili ikulu ndogo mjini Lindi, Makamu wa Rais Samia Suluhu Hassan  amepokelewa na Mkuu wa mkoa wa Lindi, Godfrey Zambi  pamoja na Viongozi mbalimbali wa Serikali na wa vyama vya siasa.

Katika Msafara wake, Makamu wa Rais ameambatana na Waziri wa Kilimo,Maliasili,mifugo na uvuvi wa serikali ya Mapinduzi ya Zanzibar Hamad Rashid.