Rais Dk. Shein awaapisha Mawaziri Zanzibar

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimuapisha Mhe,Ramadhan Abdalla Shaaban,kuwa  Waziri wa Ardhi.Makaazi,Maji na Nishati,katika hafla iliyofanyika Ikulu Mjini Zanzibar leo,kabla Shaaban,alikuwa Waziri wa Elimu na Mafunzo ya Amali.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimuapisha Mhe,Ali Juma Shamuhuna,kuwa Waziri wa Elimu na Mfunzo ya Amali,katika hafla iliyofanyika Ikulu Mjini Zanzibar leo,kabla Shamuhuna,alikuwa Waziri wa Ardhi,Makaazi Maji na Nishati.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimuapisha Mhe,Suleiman Othman Nyanga,kuwa Waziri wa Kilimo na Maliasili,katika hafla iliyofanyika Ikulu Mjini Zanzibar  leo,kabla Nyanga,alikuwa Mjumbe wa Baraza la Mapinduzi na Waziri asiyekuwa na Wizara Maalum.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akimuapisha Mhe,Abdilah Jihad Hassan,kuwa Waziri wa Mifugo na Uvuvi,leo Ikulu Mjini Zanzibar,kabla Jihad alikuwa Waziri wa Habari,Utalii, Utamaduni na Michezo.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akiwa katika picha ya pamoja na Mawaziri aliowaapisha waliosimama,hafla hiyo imefanyika leo Ikulu Mjini Zanzibar,wengine Makamo wa kwanza wa Rais wa Zanzibar Maalim Seif Sharif,(kushoto) na Makamo wa Pili wa Rais wa Zanzibar Balozi Seif Ali Iddi,(kulia).

========= ========  =======

Na Fakih H. Mbarouk      MAELEZO ZANZIBAR.

Rais wa Zanzibar na Mwenyekiti wa Baraza la Mapinduzi Dk Ali Muhammed  Shein leo amewaapisha  mawaziri Sita (6) wa Wizara mbali mbali za Serikali ya Mapinduzi Zanzibar  na Mshauri wa Rais Pemba  huko IKULU Mjini  hapa..

Walioapishwa ni Waziri wa Elimu na Mafunzo ya Amali Mhe. Ali Juma Shamuhuna,Waziri wa Kilimo na Maliasili  Mhe. Suleiman Othman Nyanga  na Waziri wa Ardhi Makaazi Maji na Nishati. Mhe. Ramadhani Abdalla Shaaban

Wengine ni Waziri wa  Uvuvi na Mifugo Mhe. Abdilahi Jihadi Hassan, Waziri wa Habari Utamaduni Utalii na Michezo Mhe. Said Ali Mbarouk na Mhe. Mansour Yusouf Himid ambaye ni Waziri asiyekuwa na Wizara Maalum. Halkadhalika amemuapisha  Bwana Sheha Moh”d  Sheha kuwa mshauri wa Rais Kisiwani Pemba.

Katika sherehe hizo za kuwaapisha Mawaziri hao zilihudhuriwa na Viongozi mbali mbali akiwemo  Makamo wa Kwanza wa Rais  maalim Seif Sharif Hamad , Makamo wa Pili wa Rais  Balozi Seif Ali Iddi  Mwanasheria  Mkuu wa  Serikali ya Mapinduzi Zaznibar Mhe. Omar Othman Makaungu , Spika wa Baraza la Wawakilishi Pandu Amei Kificho, Mawaziri na viongozi wengine .wa serikali.

Kuapishwa kwa mawaziri hao  kunafuatia mabadiliko yaliyofanywa juzi na Raisa wa Zanzibar  Dk Ali Muhammed Shein ambao Mawaziri hao walibadilishwa Wizara.