Nafasi Ya Matangazo

February 22, 2019

Mbunge wa viti maalumu Mkoa wa Dodoma na mjumbe wa bodi ya TAPANET Mh Fatuma Toufiq aikichangia hoja , katika mkutano wa mwanzo wa mwaka unaowakutanisha washiriki kutoka katika mikoa yote ya Tanzania bara na Zanzibar kwa lengo la kutadhimini mafanikio ya mradi changamoto na mikakati ya kutoa msaada wa huduma za kisheria baada ya 2020
Meneja uwezeshaji (capacity development ) wa LSF, Bwn Bryceson Munuo akiongea na wakuu wa bodi na mashirika yanayotoa huduma za msaada wa kisheria yanayofadhiliwa na LSF, katika mkutano wa mwanzo wa mwaka unaowakutanisha washiriki kutoka katika mikoa yote ya Tanzania bara na Zanzibar kwa lengo la kutadhimini mafanikio ya mradi changamoto na mikakati ya kutoa msaada wa huduma za kisheria baada ya 2020
 Ofisa Mkuu wa LSF , Kees Groenendijk akitoa cheti cha utendaji bora kwa mwakilishi wa kibondo Paralegal kutoka mkoa wa Kigoma bwana Japhet  kufatia utendaji bora katika maeneo mbalimbali ya utekelezaji wa huduma za msaada wa kisheria kwa mwaka 2018. Akishuhudia ni Meneja uwezeshaji (capacity development ) wa LSF, Bwn Bryceson Munuo
Ofisa Mkuu wa LSF , Kees Groenendijk akitoa cheti cha utendaji bora kwa Mkurugenzi wa CCT Cotrida Ndezi Kwa niaba ya Paralegal kutoka mkoa wa Dodoma, Katuka Paralegal Organisation Chamwino, kufatia utendaji bora katika maeneo mbalimbali ya utekelezaji wa huduma za msaada wa kisheria kwa mwaka 2018. Akishuhudia ni paralegal kutoka katuka Chamwino bi Shida Andrea Sasine Meneja uwezeshaji (capacity development ) wa LSF, Bwn Bryceson Munuo.
************************
Wakuu wa Mashirika yanayojishughulisha na utoaji wa msaada wa kisheria wanakutana Dodoma kujadili mbinu stahiki za kupanua wigo wa utoaji wa huduma za kisheria nchini---lengo kuu likiwa ni kuwakwamua watanzania maskini kutoka katika matatizo mbalimbali ya kisheria na kuwasaidia kupata haki zao.

Kongamano hili inawakutanisha pamoja wakurugenzi na wajumbe wa bodi kutoka katika mashirika ya msaada wa kisheria yanayotekeleza miradi ya huduma za kisheria maeneo mbalimbali nchini chini ya ufadhili wa Shirika la Legal Services Facility (LSF).

“Mkutano huu unatoa fursa kwa wadau wa utoaji wa huduma za kisheria, hasa wale wanafadhliwa na LSF, kujadili mafanikio, changamoto mbalimbali na njia bora za katika utoaji wa huduma za kisheria na namna na kufikisha huduma za kisheria kwa watanzania wengi wahitaji, hasa waishio vijijini,” kwa mwaka 2018 tumeweza  kufikia watu zaidi ya million 3 kulinganisha na mwaka 2017 ambapo watu milioni 1 na laki 4 walifikiwa katika kupata elimu ya sheria. 

Na kwa upande wa msaada wa kisheria mwaka 2018 tumefikia idadi ya watu 76,000 kulinganisha na mwaka 2017 ambapo 65000 walifikiwa, ni wazi kabisa kumekuwa na ongezeko katika kuwafikia  na kubadili mtazamo,maisha ya wananchi kwa kuwawezesha kupata stahiki zao kwa maendeleo bora ya kijamii na kiuchumi  kila mwaka  amesema Meneja Mradi wa LSF-Ramadhan Maselle, wakati wa ufunguzi Mkutano huu.

Lengo kuu la Kangamano, kwa mujibu wa Maselle, ni kuhakikisha huduma za kisheria na wasaidizi wa kisheria zinawafikia watanzania wengi wenye matatizo ya kisheria, mpaka chini kabisa katika ngazi za vijiji.

Washiriki wa mkutano pia watapata nafasi kujadili kwa mapana na marefu mrradi wa LSF, mbinu za kufanya miradi/shughuli inayotekelezwa na vituo vya msaada wa kisheria, mashirika na wadau mbalimbali chini ya ufadhili wa LSF, iwe enderevu.

“Uenderevu wa miradi ni jambo la msingi sana, ndo maana kauli mbiu ya Kangamano hili la 2019 ni ‘LSF Grantees beyond 2020; Strengths and Challenges—maana yake Mashirika yanayofadhiliwa na LSF baada ya 2020; Uwezo na Changamoto. Kauli mbiu hii inatatoa fursa kwa LSF, mashirika yanayofadhiliwa na LSF na wadau wengine, kujadili mbinu mbadala za kuhakikisha shughuli na miradi ya usaidizi wa kisheria na utoaji wa huduma za kisheria, inakuwa enderevu hata kama ufadhili wa  LSF hautakuwepo,” kwa mujibu wa taarifa iliyotolewa na LSF.

“Mijadala na mikakati utokanayo na Mkutano huu yataisaidia LSF, mashirika yanayofadhiliwa na LSF na wadau wengine kupata uelewa mpana kuhusu mbinu mbadala zitakazosaidia kupata fedha na raslimali fedha kutoka katika vyanzo mbalimbali mbadala kwa ajili ya utekelezaji wa miradi ya usaidizi wa kisheria na hatimae kuwakwamua watanzania maskini kutoka katika matatizo mbalimbaili ya kisheria yanayowakabili,”  alisisitiza Masele

Aidha katika Kangamano LSF itatoa vyeti vya utendaji bora kwa vituo 8 vya watoa huduma za msaada wa kisheria ambao wamefanya vizuri katika mwaka 2018. Vitu hivyo ni pamoja na Kibondo Kigoma , Makete Njombe, katuka Dodoma, toje tanga, kyela Mbeya, ukerewe Mwanza, Serengeti mara na Micheweni Zanzibar

Mkutano huu unatarajia kuudhuriwa na washiriki wapatao 106, ikiwa ni pamoja na viongozi wa mashirika yanayofadhiliwa na LSF, wajumbe wa bodi wa mashirika husika, viongozi wa serikali kutoka katika wizara mbalilimbali--TAMISEMI, Wizara ya Sheria na Katiba, Wizara ya Afya, Wizara ya Ardhi, na waandishi wa habari.
Posted by MROKI On Friday, February 22, 2019 No comments
Promosheni kubwa ya kampuni ya mawasiliano ya Zantel ya 'Tumia EzyPesa Ushinde' ambayo imezinduliwa mapema mwezi huu inaendelea kushika kasi ambapo watumiaji wake wengi wanaendelea kujishindia zawadi za Simu za kisasa za SmartPhone na inawezesha pia kujishindia fedha taslimu. 

Meneja wa mawasiliano wa Zantel, Rukia Mtingwa, amesema kuwa promosheni hii itadumu kwa kipindi cha miezi mitatu na hadi kufikia sasa zimefanyika droo mbili ambazo zimewezesha wateja 60 kujishindia simu za SmartPhone pia kutakuwepo na droo ya mwezi ambayo itawezesha wateja kujishindia fedha taslimu kati ya shilingi 200,000/-mpaka shilingi 1,000,000/-na wateja wapya wanapatiwa motisha.
Meneja wa Zantel kitengo cha Bidhaa EZYPESA Leonard Kameta (kulia) akiwa katika picha ya pamoja na baadhi ya na washindi waliopokea zawadi zao za simu za kisasa za mkononi (SmartPhones).
Mkurugenzi wa Masoko wa Kampuni ya Zantel, Sakyi Opuku akimkabidhi zawadi ya simu mmoja wa washindi wa promosheni ya tumia EzyPesa ushinde, Rehema Ali Rashid wa Mombasa Unguja, hafla iliyofanyika katika ofisi za Zantel Vuga mjini Unguja.
Mkurugenzi wa Masoko wa Kampuni ya Zantel, Sakyi Opuku akimkabidhi zawadi ya simu mmoja wa washindi mshindi wa shindano la tumia Ezypesa ushinde kutoka Zanzibar katika hafla iliyofanyika Zanzibar.
Meneja Uhusiano na Mawasiliano wa Kampuni ya simu ya Zantel Tanzania, Rukia Mtingwa akimkabidhi mmoja ya washindi zawadi ya simu ya kisasa ya mkononi (SmartPhones). Pembeni kushoto anayeshuhudia ni Meneja wa Zantel kitengo cha Bidhaa EZYPESA Leonard Kimeta. Meneja wa Zantel kitengo cha Bidhaa EZYPESA (kulia) Leonard Kimeta akimkabidhi zawadi  mmoja ya washindi zawadi ya simu ya kisasa ya mkononi (SmartPhones). Pembeni kulia anayeshuhudua ni Meneja Uhusiano na Mawasiliano wa Kampuni ya simu ya Zantel Tanzania, Rukia Mtingwa.
Posted by MROKI On Friday, February 22, 2019 No comments
Rais wa Jamhuri ya Muungano wa Tanzania Mheshimiwa Dkt. John Pombe Magufuli akisaini kitabu cha Maombolezo, Victoria Jijini Dar es salaam nyumbani kwa Waziri wa Maliasili na Utalii Dkt. Hamis Kigwangala, kufuatia kifo cha Mtoto wake aitwaye Zul Hamis Kigwangala Kilichotokea Februari 21,2019 katika Hospitali ya Taasisi ya Moyo ya Jakaya Kikwete (Muhimbili) Jijini Dar es Salaam.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akisalimiana na Watoto Hk Junior ,Sheila na Hawa ambao ni watoto wa Waziri wa Maliasili na Utalii Dkt. Hamis Kigwangala alipoambata na mkewe Mama Janeth Magufuli kutoa pole kwa Familia ya Waziri huyo nyumbani kwake Victoria Jijini Dar es salaam, kufuatia kifo cha Mtoto wake aitwaye Zul Hamis Kigwangala Kilichotokea Februari 21,2019 katika Hospitali ya Taasisi ya Moyo ya Jakaya Kikwete (Muhimbili) Jijini Dar es Salaam.
Rais wa Jamhuri ya Muungano wa Tanzania Mheshimiwa Dkt. John Pombe Magufuli akiwa katika Dua maalum na mkewe Mama Janeth Magufuli ,Dkt. Bayoum Kigwangala (Mke wa Dkt. Kigwangala), Hk Junior , Sheila, Hawa (Watoto wa Waziri Kigwangwala) pamoja na Bi Hawa Mushi na Bi. Bagaile Bakari nyumbani kwa Waziri huyo Victoria Jijini Dar es salaam, kufuatia kifo cha Mtoto wake aitwaye Zul Hamis Kigwangala Kilichotokea Februari 21,2019 katika Hospitali ya Taasisi ya Moyo ya Jakaya Kikwete (Muhimbili) Jijini Dar es Salaam. PICHA NA IKULU
Posted by MROKI On Friday, February 22, 2019 No comments

February 19, 2019

Mwandishi wetu,Arusha, 
Mamlaka ya usimamizi wa Wanyamapori nchini(TAWA) imewataka   wamiliki wa vitalu vya uwindaji nchini, kufuata sheria na kanuni za umiliki wa vitalu  la sivyo watanyang'anywa vitalu hivyo.

Mkurugenzi mkuu wa TAWA, Dk James Wakibara alitoa   jijini Arusha, wakati akizungumza na  juu ya matukio ya ujangili nchini na jitihada za kumaliza matukio ya ujangili ambazo zinafanywa na serikali na wadau wa utalii.

Dk Wakibara alisema ni lazima wamiliki wa vitalu, kuhakikisha wanazuia ujangili katika vitalu vyao na maeneo ya jirani, lazima pia wawe na mahusiano mema na jamii zinazowazunguka.

Hata hivyo alisema,  baada ya kudhibitiwa ujangili wa Tembo katika maeneo mengi nchini, umeibuka ujangili wa nyama katika baadhi ya maeneo hasa katika maeneo ya mapori tengefu.

Hata hivyo, alisema kumeanza kuripotiwa baadhi ya matukio ya ujangili hasa wa nyama, katika maeneo ya mapori tengefu ambayo baadhi ni vitalu vya uwindaji.

Alisema kama ikibainika mmiliki wa kitalu, anashindwa kuwa na ulinzi na anashindwa kufuata sheria na taratibu, waziri wa Maliasili na Utalii, anaweza kumuondoa.

Naibu Mkurugenzi wa TAWA masuala ya uhifadhi na kuzuiwa ujangili,, Mabula Misungwi  alisema matukio ya ujangili yamepungua katika maeneo mengi nchini na sasa kumeibuka ujangili wa wanyama kwa ajili ya chakula na mahitajji mengine ambao lazima udhibitiwe.

Hivi karibuni, imebainika wilaya ya Longido, kuibuka ujangili wa Twiga ambapo Twiga 25 waliuawa na majangili ndani ya miaka miwili na tayari watuhumiwa watano wanashikiliwa na jeshi la polisi huku wengine 20 wakidaiwa kukimbilia nchi jirani.

Mkuu wa mkoa wa Arusha, Mrisho Gambo pia ameunda kamati nyingine ya kitaalam kuwahoji watuhumiwa wote waliobainika katika tume ya awali ili kujua mtandao mzima wa mauaji ya Twiga.
Posted by MROKI On Tuesday, February 19, 2019 No comments

February 17, 2019

Mkuu wa Wilaya ya Kigamboni, Sarah Msafiri (wa sita toka kushoto) na viongozi wengine alioambatana nao akimsikiliza Kaimu meneja miradi ya DAWASA, Ramadhani Mtindasi (wa nne kushoto) wakati alipofanya ziara ya kutembelea miradi ya Visima ilayosimamiwa na DAWASA. Picha na Cathbert Kajuna - Kajunason/MMG. 

Na Cathbert Kajuna - Kajunason/MMG. Mkuu wa Wilaya ya Kigamboni atembelea mradi wa visima unaotekelezwa unaotekelezwa na Mamlaka ya MajiSafi na MajiTaka (DAWASA) katika Wilaya yake huku akiitaka mamlaka hiyo kumaliza miradi hiyo kwa wakati. Akizungumza na wanahabari mara baada ya kumaliza ziara yake Mkuu wa Wilaya ya Kigamboni, Sarah Msafiri amesema ipo haja ya kumaliza miradi kwa wakati ili kuweza kuwapa wananchi huduma stahiki. 

 "Niwashuruku DAWASA kwa kutenga baadhi ya miradi na kuisimamia mpaka ikamilike kwa asilimia 100, ili sasa tunavyotatua changamoto za wananchi tujue kwamba Kimbiji, Gezaulole na Vijibweni hakuna tatizo la maji ili tuendelee na miradi mingine kuliko kuwa na miradi mingi alafu rasilimali ni chache alafu tunaendelea kuibua miradi mingine tunakuwa na viporo ambavyo havijakamilika", Amesema Msafiri 

 Amesema Kigamboni kuna changamnoto kubwa ya miradi ya maji na umeme, kukamilika kwa wakati jambo ambalo linaweza kukwamisha ujenzi wa viwanda kwani kwa sehemu kubwa viwnada vinategemea maji na umeme wa uhakika.

 "Leo tumeanza kutembelea miradi ya maji, hasa miradi inayotekelezwa kwenye ngazi ya Taasisi ambazo hazipo chini ya Manispaa ya Kigamboni na tumetembelea miradi mbalimbali na miradi mingi ni ya muda mrefu kwa mfano mradi wa Kimbiji wenye visima 12, kwa sasa DAWASA wameona wajielekeze kwenye baadhi ya visima, wamechukua visima viwili wamalize kabisa waendelee na usambazaji wa maji kwa wananchi watu waendelee kupata maji", Amesema Msafiri.
Mkuu wa Wilaya ya Kigamboni, Sarah Msafiri, akiwa ofisini kwake pamoja na maafisa wa DAWASA kabla ya kuanza ziara. Ameongeza kuwa "Lakini tuna mradi mwengine kama ule wa Geza Ulole, Maradi ule ni wa muda mrefu sana, Tafrisi yake ni nini kama taasisi, kumbe wanaweza kutenga fedha kwa ajili ya miradi ya mipya yenye changamoto ya kibajeti lakini tungetumia fedha hizo kufanya marekebisho", Naye Mratibu wa Miradi kutoka DAWASA, Charles Makoye, amesema Mradi wa Gezaulole ulijengwa zamani na ndio kilikuwa chanzo kikuu cha maji kwa eneo la Gezaulole, Kibungomo na Mjimwema. "Chanzo kikuu cha mradi huu ambao umejengwa mwaka 1970 ni kisima kilichopo eneo la Gezaulole chenye uwezo wa kuzalisha zaidi ya lita 28, 000 elfu klwa saa na kilikuwa kikitumia pampu ya dizeli" Amesema Makoye. Ameongeza kuwa Mradi huo ulikarabatiwa na DAWASA baada ya kuacha kufanya kazi kwa zaidi ya 18. Amesema ukarabati wa mradi huo utasaidia kupunguza tatizo la maji kwa maeneo ya Gezaulole, Mbwa Maji na Kibungumo maeneo ambayo hayana mfumo rasmi wa maji pia Dawasa inatekeleza mradi wa maji wa Vijibweni unaoendela kujengwa ambapo Gharama kuuz a ukarabati wa mradi huo ni Tsh. 683,173,200.00.
Mkuu wa Wilaya ya Kigamboni, Sarah Msafiri (wa tatu toka kushoto) akiwaa na viongozi wengine alioambatana nao wakimuangalia Kaimu meneja miradi ya DAWASA, Ramadhani Mtindasi akionja maji yaliyo matika moja ya kisima wakati alipofanya ziara ya kutembelea miradi ya Visima ilayosimamiwa na DAWASA.
Mkuu wa Wilaya ya Kigamboni, Sarah Msafiri (wa tatu toka kushoto) akiwa na viongozi wengine alioambatana nao wakimsikiliza Kaimu meneja miradi ya DAWASA, Ramadhani Mtindasi (wa nne kulia) wakati alipofanya ziara ya kutembelea miradi ya Visima ilayosimamiwa na DAWASA.
Mkuu wa Wilaya ya Kigamboni, Sarah Msafiri (wa tatu toka kushoto) akipata maelezo toka kwa  Msimamizi wa Miradi ya Majitaka Wa Mamlaka ya Maji Safi na Maji Taka (DAWASA) Mhandisi Charles Makoye (wa kwanza kushoto) juu ya mradi wa maji Gezaulole ambao ulijengwa toka mwaka 1970 na sasa DAWASA wameamua kuukarabati ili kutoa huduma ya maji.
Mkuu wa Wilaya ya Kigamboni, Sarah Msafiri akipata maelezo kutoka kwa Mhandisi wa DAWASA Ole juu ya mradi wa maji utakaovuka bahari kwa upande wa Kigamboni kwenda Kijichi na kuwapatia wakazi wa Kigamboni Majisafi na Salama.
Mkuu wa Wilaya ya Kigamboni, Sarah Msafiri akiongea na wanahabari kutoa ufafanuzi juu ya masuala mbali mbali ya maendeleo, changamoto zinazoikabiri wilaya hiyo mara baada ya kumaliza kufanya ziara ya kukagua maendeleo ya miradi mbali mbali.
Posted by MROKI On Sunday, February 17, 2019 No comments
Mwanariadha kinda ambaye pia ni balozi maalum wa DStv Francis Damiano damasi (mwenye namba 074) akiongoza katika kundi la wavulana wenye umri wa chini ya miaka 18 wakati wa mashindano ya taifa ya mbio za nyika yaliyofanyika Moshi mwishoni mwa wiki. Mashindano hayo yamezalisha timu itakayoliwakilisha taifa kwenye mashindano ya dunia ya mbio hizo yatakayofanyia kwishoni mwa mwezi Machi nchini Denmark. Mashindano hayo yalidhaminiwa na DStv na Mamlaka ya Hifadhi ya Ngorongoro. Wengine ni Katibu mkuu wa shirikisho la riadha tanzania Wilhelm Gidabuday(kulia) na  Makamu rais wa shirikisho la riadha Tanzania
Wanariadha wa kundi la wanaume wenye umri wa zaidi ya miaka 18 wakicuana vikali katika mashindano ya taifa yam bio za nyika yaliyofanyika Moshi mwishoni mwa wiki. Mashindano hayo yamezalisha timu itakayoliwakilisha taifa kwenye mashindano ya dunia ya mbio yatakayofanyia kwishoni mwa mwezi Machi nchini Denmark. Mashindano hayo yalidhaminiwa na DStv na Mamlaka ya Hifadhi ya Ngorongoro
Meneja Uhusiano wa MultiChoice Tanzania Johsnon Mshana (Kushoto) akizungumza wakati wa kutangazwa kwa timu ya taifa yam bio za nyika mjini Moshi. Timu hiyo imetangazwa baada ya mashindano ya taifa yam bio za nyika yaliyofanyika Moshi mwishoni mwa wiki. Mashindano hayo ndiyo yaliyozalisha timu itakayoliwakilisha taifa kwenye mashindano ya dunia ya mbio hizo yatakayofanyia kwishoni mwa mwezi Machi nchini Denmark. Mashindano hayo yalidhaminiwa na DStv na Mamlaka ya Hifadhi ya Ngorongoro 
***************
MASHINDANO ya taifa ya Mbio za Nyika yaliyofanyika mwishoni mwa wiki mjini moshi kwa udhamini wa DStv na Mamlaka ya Hifadhi ya Ngorongoro, yamefanikisha uteuzi wa timu ya taifa itakayoshiriki mashindano ya dunia ya mbio za nyika yatakayofanika nchini Denmark mwishoni mwa mwezi Machi mwaka huu.

Akitangaza timu hiyo mara baada ya mashindano hayo ambayo yanaelezewa kuwa na washiriki wengi ukilinganisha na miaka ya nyuma, katibu mkuu wa shirikisho la riadha Tanzania Wilhelm Godabuday amesema mashindano ya mwaka huu yamekuwa na ufanisi mkubwa kwani yameshirikisha wanariadha wengi na pia kumekuwa na wanariadha wapya ambao wameonyesha uwezo mkubwa.

Timu hiyo ya taifa inajumuisha jumla ya wachezaji 28 katika Makundi manne ambapo kundi la kwanza ni wanaume wa umri wa zaidi ya miaka 18, la pili ni wanawake umri zaidi ya miaka 18, la tatu ni wavulana chini ya miaka 18 na la nne ni wasichana chini ya miaka 18

Wachezaji watakaokua katika kundi la wanaume weney umri wa zaidi ya miaka 18 ni Faraja Damas(Arusha), Joseph Panga(Arusha), Sylvester Marco (Arusha), Stephano Huche (Arusha), Deogratius Nade (Manyara), Yohane Elisante (Arusha) na Bazil Sule (Polisi)

Kwa upande wa wanawake katika kundi hilo ni Failuna abdi (Arusha), Magdalena Shauri (JKT)Anjelina Daniel (Arusha), Amina Mohamed (Arusha), Marselina Issa (Arusha) na Neema Msuad (Arusha).

Kundi la wavulana chini ya miaka 18 litakuwa na wachezaji saba ambao ni Michael Kishimba (Arusha), Daniel Sinda (Arusha) Emmanuel Joseph (Manyara) Francis Damiano (Mbulu), Saimon Francis (Arusha) na Nicodemo Joseph (Mbulu) wakati wasichana watakuwa ni Agnes Protus (Arusha), Anastazia Ndoromongo (Arusha) Aisha Luguna (Arusha) Sara Hiti (JKT) Gace Jackson (JKT) Noela Lemmy (Arusha na Catherine Philipo (Manyara).

Kambi hiyo itakuwa chini ya jopo la wataalamu nane wakiongozwa na Kocha wa riadha Meta Petro kutoka Klabu ya Riadha ya Rift Valley. wengine ni Anthony Mwingereza (JWTZ), Anrea Panga (JKT), Thomas Tlanka (Arusha) na Juma Jambau (Singida). Mwanariadha maarufu mstaafu Marcelina Gwandu ameteuliwa kua muangalizi (Matron) wa Kambi hiyo huku Mhadhiri wa Chuo Kikuu cha Dar es Salaam Dr. Hamad Ndee akipewa jukumu la kuratibu mafunzo hayo

Akizungumza muda mfupi baada ya Mashindano hayo, Meneja Uhusiano wa MultiChoice Tanzania (DStv) Johnson Mshana, amesema kuwa DStv imekuwa ikishiriki kwa muda mrefu sasa katika kuinua mchezo wa riadha hapa nchini na kwamba ushiriki wao katika kufanikisha mashindano hayo ni katika mkakati wake endelevu wa kuhakikisha kuwa vipaji vya wanariadha wetu vinakuzwa na hatimaye kuweza kuliletea taifa medali katika mashindano ya kimataifa.

“Tuna mkakati kabambe wa ‘Ni Zamu Yetu’ ambao lengo lake kubwa ni kuhakikisha kuwa wimbo wetu wa taifa unapigwa katika michuano ya Olympic – hii ikimaanisha kuhakikisha kuwa nchi yetu inapata medali katika mashindano hayo makubwa “ alisema Mshana na kuongeza kuwa kwa kufanya hivyo pia kutaifanya riadha kuwa moja ya vyanzo vikubwa vya ajira na kipato kwa wanariadha na taifa kwa ujumla huku pia ukiwa ni ulingo mzuri wa kuitangaza nchi yetu kimataifa.

Timu hiyo ya taifa itaweka kambi jijini Arusha kwa ajili ya maandalizi ya mashindano ya dunia kambi ambayo inafadhiliwa na DStv na Mamlaka ya hifadhi ya Ngorongoro.
Posted by MROKI On Sunday, February 17, 2019 No comments

February 16, 2019

Naibu waziri wa maji Juma Aweso ametoa wiki tatu kwa kampuni ya mavonoa’s kuhakikisha wanakamilisha ujenzi wa mradi wa maji wa Sawala uliopo jimbo la Mufindi kusini katika wilaya ya Mufindi mkoani Iringa
NAIBU waziri wa maji Juma Aweso akimbana mkandarasi wa kampuni ya mavonoa’s kwa kushindwa kukamilisha ujenzi wa mradi wa maji wa Sawala uliopo jimbo la Mufindi kusini katika wilaya ya Mufindi mkoani Iringa
******************
NA FREDY MGUNDA,IRINGA.

NAIBU waziri wa maji Juma Aweso ametoa wiki tatu kwa kampuni ya mavonoa’s kuhakikisha wanakamilisha ujenzi wa mradi wa maji wa Sawala uliopo jimbo la Mufindi kusini katika wilaya ya Mufindi mkoani Iringa.
Akizungumza mbele ya wananchi,wabunge na wafanyakazi wa halmashuri hiyo,waziri Aweso alisema kuwa amekuwa akipokea malalamiko mengi ya mkandasi huyo ambaye amekuwa hana mahusiano mazuri na viongozi wa halmashauri hiyo.
“Mimi niseme ukweli nakupa wiki tatu kuhakikisha unamalizia ujenzi wa mradi wa maji wa Sawala la sivyo utaniona mbaya na mimi ni mkali kweli kwa wakandasi wamepewa kazi na serikali na wanashindwa kutekeleza mradi kama ambavyo mkabata ulisema hivyo nakupa wiki tatu kuhakikisha wananchi wanapata maji” alisema Aweso
Aweso alisema serikalia ya awamu ya tano haita kubari kumuanda mkandarasi yeyote Yule aliyepewa kazi na serikali anashindwa kukamilisha mradi wakati fedha amepewa,mkandarasi huyo atachukuliwa hatua za kisheria haraka sana kwa kuwa saizi hakuna mtu kutumia vibaya pesa za serikali kama ilivyokuwa huko nyuma.
“Walizoea kuzichezea pesa za serikali miaka ya huko nyuma kwa sasa hakuna mkandarasi tayeweza kuichezea serikali ya awamu hii kwa kuwa sisi wateule wa Rais wetu Dr John Pombe Magufuli hakuna anayekubari kutumbuliwa kisa wakandarasi kufanya vibaya kwenye miradi waliyopewa” alisema Aweso
Aidha naibu waziri Aweso aliwatoa hofu viongozi wa halmashuri ya wilaya ya Mufindi kuhusu mkandarasi huyo kuwa akishindwa kutekeleza mradi huo ndani ya wiki tatu hizo basi sheria itachukua mkoando wake.
“Mkuu wa wilaya,mbunge,mkurugenzi na mwenyekiti wa halmashauri niwahakikishieni kuwa nitatakuja tena tarehe mbili mwezi wa tatu hapa kuja kuangalia kuwa huu mradi umefikiwa wapi na makubariano yetu ameyatekeleza mkandarasi huyu” alisema Aweso
Awali mkuu wa wilaya ya Mufundi Jamhuri William alimueleza naibu waziri kuwa mkandarasi huyoamekuwa anaidharau serikali kwa kuwa mara kwa mara ameandikiwa barua na serikali ya wilaya lakini hajawahi kujibu hata mara moja kitendo kinachoashiria dharau.
“Huyo mkandarasi amekuwa anatusumbua sana maana tunamuita mara kwa mara hataki kuitika wito wetu hivyo hizo ndio dharau kubwa kiasi kwamba anashindwa hata kuendelea kutekeleza mradi huu ambao wananchi wanategemea kuwa mkombozi wao” alisema Jamhuri William
Mkuu wa wilaya alisema kuwa atamkamata na kuwa ndani mkandarasi huyo kwa kuwa anachelewesha kuteleza mradi huo wa maji na kusababisha wananchi kuichukia serikali kwa kusema kuwa wametoa ahdi hewa kitua ambacho sio kweli.
“Mheshimiwa naibu waziri hapa Sawala tunashindwa hata kufanya mikutano ya hadhara kwa ajili ya huu mradi wa maji ambao mwazoni wananchi walijenga imani kubwa wakati wa kusainiana mkataba wa kutekeleza mradi huu” alisema Jamhuri William
Akitoa malalamiko hayo mwenyekiti wa halmashauri ya wilaya ya Mufindi Festo Mgina alimwambia naibu waziri wa maji Juma Aweso kuwa hamhitaji tena huyo mkandarasi kwa kuwa amekuwa kikwazo cha kuleta maendeleo ya wananchi kwa kushindwa kutekeleza mradi huo wa maji.
“Huyu kwetu ni kero kubwa mno mheshimiwa naibu waziri wa maji,sisi kama halmashauri hatupo tayari kufanya kazitena na huyu mkandari kwa ujeuri wake na kushindwa kuiheshimu sekali ya wilaya kwa kushindwa kumtua ndo mwanamke” alisema
Nao baadhi ya wananchi walijitokeza hapo walimwambia naibu waziri kuwa mkandarasi huyo hafanyi kazi ipasavyo kwa kuwa amesikia waziri unakuja ndio na yeye ameanza kazi jana tu ya kukarabati tenki hili la maji ili ukifika uone kama yupo anafanya kazi wakati sio kweli.
Hata hivyo naibu waziri Juma Aweso alimalizia kwa kusema kuwa ifikapo tarehe mbili mwezi wa tatu mradi huo uwe umekamilika na wananchi waweze kupata maji na kufanikisha adhima ya Rais ya kumtua ndoo mwanamke.
Posted by MROKI On Saturday, February 16, 2019 No comments
  Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Mkuu wa Mkoa wa Singida Mhe. Dkt. Rehema Nchimbi mara baada ya kuwasili wilayani Manyoni na kupokea taarifa ya mkoa katika ukumbi wa Halmashauri Manyoni ikiwa siku ya kwanza ya ziara yake ya kuhamasisha na kukagua shughuli za kimaendeleo mkoani humo.
 Makamu wa Rais wa Jamhuri ya Muungano wa Tanzania Mhe. Samia Suluhu Hassan akivishwa skafu na vijana wa skauti mara baada ya kuwasili wilayani Manyoni, kushoto ni Mkuu wa Mkoa wa Singida Mhe. Dkt. Rehema Nchimbi.
Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Mbunge wa Jimbo la Manyoni Mashariki Mhe. Daniel Mtuka mara baada ya kuwasili wilayani Manyoni tayari kwa ziara ya kukagua na kuhamasisha shughuli za kimaendeleo mkoani Singida. (Picha na Ofisi ya Makamu wa Rais)
Posted by MROKI On Saturday, February 16, 2019 No comments
Muonekano wa mradi wa Reli ya Kisasa yenye Kiwango cha Kimataifa (SGR) unaotekelezwa na Kampuni ya Yapi Merkezi ya Uturuki katika eneo la Karume Jijini Dar es Salaam.
Mwenyekiti wa Bodi ya Shirika la Reli Tanzania (TRC) Prof. John Kondoro (kulia) akitoa maelezo ya utekelezaji wa Ujenzi wa Reli ya Kisasa yenye Kiwango cha Kimataifa (SGR) inayoanzia Dar es Salaam hadi Morogoro kwa awamu ya kwanza kwa Naibu Waziri wa Fedha na Mipango Mhe. Dkt. Ashatu Kijaji (Mb) (katikati), wakati wa ziara ya Naibu Waziri huyo ya  kukagua maendeleo ya mradi huo.
Meneja wa Kampuni ya Ujenzi wa Reli Kanda ya Afrika Mashariki wa Kampuni ya Yapi Merkezi ya Uturuki Mhandisi  Abdullah Kilic, akititoa maelezo ya maendeleo ya ujenzi wa SGR kutoka Dar es Salaam hadi Morogoro, kwa Naibu Waziri wa Fedha na Mipango Mhe. Dkt. Ashatu Kijaji (Mb) (kulia), alipotembelea Karakana ya kutengeneza vifaa vya ujenzi wa Reli hiyo Jijini Dar es Salaam, wa pili kulia ni Mhandisi wa  mradi wa ujenzi wa  Reli  hiyo anayesimamia kipande cha Dar es Salaam hadi Morogoro, Machibya Masanja .
Naibu Waziri wa Fedha na Mipango Mhe. Dkt. Ashatu Kijaji (Mb) (wa pili kulia), akifurahia jambo alipokua akiangalia ramani ya mradi wa Reli ya Kisasa yenye Kiwango cha Kimataifa (SGR) inayoanzia Dar es Salaam hadi Morogoro kwa awamu ya kwanza, ambapo tayari takribani cha Sh. Trilioni 2 zimetolewa na Serikali na ujenzi wa kipande hicho umefikia asilimia 42.
Naibu Waziri wa Fedha na Mipango Mhe. Dkt. Ashatu Kijaji (Mb) akitoa maelekezo kwa Mhandisi wa ujenzi wa Reli ya Kisasa yenye Kiwango cha Kimataifa (SGR) inayoanzia Dar es Salaam hadi Morogoro ambaye ni Meneja wa Kampuni ya Ujenzi wa Reli Kanda ya Afrika Mashariki wa Kampuni ya Yapi Merkezi ya Uturuki Mhandisi Abdullah Kilic (kulia) kuhakikisha anamaliza kazi kwa wakati uliopangwa kwa kuwa fedha za mradi huo zipo.
Naibu Waziri wa Fedha na Mipango Mhe. Dkt. Ashatu Kijaji (Mb) (katikati) akiwa katika Karakana ya kutengeneza mataluma ya Reli ya Kisasa kutoka Dar es Salaam hadi Morogoro eneo la Soga Mkoani Pwani ambapo alimtaka Mkandarasi wa mradi huo kuongeza kasi ya utekelezaji wa mradi kwa kuwa tayari fedha za fidia kwa wakazi waliokuwa katika eneo la ujenzi zimelipwa na Serikali. (Picha na Peter Haule, Wizara ya Fedha na Mipango)
***************
Benny Mwaipaja, WFM, Dar es Salaam
NAIBU Waziri wa Fedha na Mipango, Dkt. Ashatu Kijaji amesema kuwa Serikali imedhamiria kwa dhati kukamilisha mradi mkubwa wa Reli kwa kiwango cha Kimataifa (SGR), ambapo tayari kiasi cha zaidi ya shilingi trilioni 2 kimetolewa mpaka sasa kwa ajili ya ujenzi huo.

Dkt. Kijaji ametoa kauli hiyo baada ya kutembelea na kukagua maendeleo ya ujenzi wa Reli hiyo kutoka Dar es Salaam hadi eneo la Soga, umbali wa kilometa 53, na kujionea maendeleo makubwa ya ujenzi wa reli hiyo.

Ameelezea kuridhishwa kwake na kasi ya ujenzi wake na kumpongeza mkandarasi anaye jenga reli hiyo, Kampuni ya Yapi Merkezi, kwa kutekeleza ujenzi huo kwa viwango vya hali ya juu ambapo ameelezwa kuwa, treni ya kwanza kutoka Dar es Salaam kwenda Morogoro inatarajia kuanza safari zake Mwezi Novemba mwaka huu kama kila kitu kitakwenda kama kilivyopangwa.

"Ninampongeza sana Mhe. Rais Dkt. John Pombe Magufuli kwa jitihada zake kubwa na kuamua kwa dhati kutekeleza mradi huu mkubwa na miradi mingine, ukiwemo mradi wa kuzalisha umeme kwa njia ya maporomoko ya maji ya Mto Rufiji, ambayo kukamilika kwake kutachochea uchumi wa viwanda" alisema Dkt. Kijaji

"Tunakwenda kwenye Tanzania ya viwanda, tutakuwa na viwanda kila mahali, tumeanza ujenzi wa mradi wa umeme wa megawat 2,115, viwanda vitazalisha bidhaa ambazo zitahitaji miundombinu ya usafirishaji, reli hii itatumika na tunatarajia ifikapo mwaka 2025, Tanzania itakuwa ni nchi yenye kipato cha kati" aliongeza Dkt. Kijaji

Kwa upande wake, Meneja wa Mradi wa Ujenzi wa Reli kwa Kiwango cha Kimataifa (SGR), kipande cha kutoka Dar es Salaam hadi Morogoro, Mhandisi Machibya Masanja, amesema kuwa ujenzi wa reli hiyo umekamilika kwa asilimia 42.

"Mradi wetu unaenda vizuri na kwa wakati, zoezi la ujenzi na utandikaji reli tumeanza katika Jijini la Dar es Salaam umeanza na unaendelea vizuri ambapo ujenzi wa daraja hilo umekamilika kwa asilimia 55 na utandikaji wa reli katika Jiji hili utafikia kilometa 10 mwishoni mwa mwezi Februari" alifafanua Mhandisi Masanja.

na nguvu kubwa imeelekezwa katika ujenzi wa tuta na madaraja, zezi ambalo limefikia asilimia 55 hivi sasa" alifafanua Mhandisi Masanja

Ujenzi wa Reli kwa Kiwango cha Kimataifa kutoka Dar es Salaam, Morogoro, Dodoma hadi Mwanza, na baadae kuunganisha mtandao wake na nchi jirani za Kongo, Uganda, Burundi na Rwanda, unatarajia kugharimu zaidi ya shilingi trilioni 7.

Katika hatua nyingine, Naibu Waziri wa Fedha na Mipango, Dkt. Ashatu Kijaji, amezungumza na wakazi wa eneo la Guluka Kwalala, Gongo la Mboto, waliokuwa wakiendelea na taratibu zao za kulipwa fidia ambapo amewahakikishia kuwa Serikali itaendelea kuwaletea maendeleo.

Baadhi ya wakazi hao, pamoja na kuiomba Wizara ya Ardhi na Makazi iwasaidie kupata viwanja kwa ajili ya kujenga makazi yao baada ya kulipwa fidia kupisha ujenzi wa mradi huo wa Reli ya Kisasa, wamempongeza Mheshimiwa Rais Dkt. John Pombe Magufuli kwa kusimamia ustawi na maendeleo ya nchi na kuahidi kuendelea kumuunga mkono.
Posted by MROKI On Saturday, February 16, 2019 No comments

February 15, 2019


Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Damas Ndumbaro (Mb.) na Naibu Waziri wa Fedha na Mipango Mhe. Dkt. Ashatu Kijaji (Mb) kwa pamoja wamefanya ziara kwenye kijiji cha Jasini na Kituo cha kutolea huduma kwa pamoja Mpakani cha Horohoro kilichopo mpakani mwa Tanzania na Kenya Wilayani Mkinga, Mkoani Tanga. Pamoja na Mambo mengine Naibu Mawaziri hao waliweza kujionea changamoto mbalimbali ikiwamo ukusanyaji wa mapato kituoni hapo, pamoja na kuzungumza na wanakijiji cha Jasini na Watendaji wa Kituo hicho. 

Wadau walioshiriki ziara za Naibu mawaziri hao wakisikiliza wakati Dkt. Ndumbaro (hayupo pichani) akizungumza

Sehemu nyingine ya wadau wakimsikiliza Dkt. Ndumbaro (hayupo pichani)

Mkutano ukiendelea

Wananchi wakipata huduma kwenye kituo hicho cha kutolea huduma kwa pamoja

Dkt. Ndumbaro pamoja na Dkt. Kijaji wakimsikiliza Bw. Bilali Juma, Afisa Mkemia wa kituo cha kutolea huduma kwa pamoja mpakani Horohoro

Dkt. Ndumbaro akizungumza na waandishi wa habari mara baada ya kumaliza mazungumzo na wadau mbalimbali.

Kituo cha kutolea huduma kwa pamoja cha Horohoro kilihopo Mpakani mwa Tanzania na Kenya kama kinavyoonekana pichani 

Dkt. Ndumbaro akisaini kitabu cha wageni cha kijiji cha Jasini kilichopo wilaya ya Mkinga, Mkoani Tanga, kabla ya kuanza ziara kwenye kijiji hicho

Naibu Mawaziri pamoja na wadau mbalimbali wakiwa wamesimama kwenye moja ya jiwe ambalo linaonyesha Mpaka wa Tanzania na Kenya.

Mhe. Dkt. Ndumbaro na Mhe. Dkt. Kijaji wakiwa kwenye Nyumba iliyojengwa mpakani mwa Tanzania na Kenya. Horohoro. Mhe. Ndumbaro akiwa upande wa Kenya na Mhe. Kijaji akiwa upande wa Tanzania. BOFYA HAPA KUSOMA ZAIDI.
Posted by MROKI On Friday, February 15, 2019 No comments
  • Facebook
  • Twitter
  • Youtube

Labels

Blog Archive

Nafasi Ya Matangazo