Nafasi Ya Matangazo

July 17, 2017


Mbunge wa Jimbo la Muheza(CCM) Balozi Adadi Rajabu akionyesha moja kati ya vifaa vya maabara ambayo wilaya ya Muheza imepatiwa na Wizara ya Elimu Sayansi na Teknologia kwa ajili ya shule zote za sekondari wilayani humo juzi wakati alipokwenda kukabidhi kulia ni Mkurugenzi wa Halmashauri hiyo Luiza Mlelwa kushoto ni Afisa Elimu Sekondari wilaya hiyo Julitha Akko

Mwanafunzi wa kidato cha sita shule ya Sekondari Muheza High School,Luqman Mustapha akimueleza Mbunge wa Jimbo la Muheza(CCM) Balozi Adadi Rajabu juzi namna wanayotumia vifaa vya maabara walivyopatiwa wakati alipokabidhi vifaa vya maabara kwa shule za sekondari wilayani humo vilivyotolewa na Wizara ya Elimu Sayansi na Teknologia kwa ajili ya shule zote za sekondari hapa nchini.
Mwanafunzi wa kidato cha sita shule ya Sekondari Muheza High School,Luqman Mustapha akimueleza Mbunge wa Jimbo la Muheza(CCM) Balozi Adadi Rajabu juzi namna wanayotumia vifaa vya maabara walivyopatiwa wakati alipokabidhi vifaa vya maabara kwa shule za sekondari wilayani humo vilivyotolewa na Wizara ya Elimu Sayansi na Teknologia kwa ajili ya shule zote za sekondari hapa nchini.

MBUNGE wa Jimbo la Muheza Mkoani Tanga (CCM) Balozi Adadi Rajabu amewataka wanafunzi wa shule za Sekondari wilayani humo kuongeza bidii ikiwemo kujikita kwenye masomo ya sayansi ili kuweza kuendana na sera ya viwanda ilivyopo hapa nchini. 

Balozi Adadi aliyasema hayo jana wakati alipokabidhi vifaa vya maabara kwa shule za sekondari wilayani humo vilivyotolewa na Wizara ya ElimuSayansi na Teknologia kwa ajili ya shule zote za sekondari hapa chini. 

Alisema vifaa hivyo ambayo vimetolewa katika shule 7 kati ya 24 wilayani humo vitakuwa ni chachu ya wanafunzi kuweza kufikia malengo yao ya kufanya vizuri katika masomo yao katika hafla hiyo iliyofanyika shule ya sekondari ya Muheza. 

“Jambo hilo ni nzuri na hasa ikiwa ni utekelezaji wa agizo la serikali la kutaka vifaa hivyo vikabidhiwe katika shule ambazo zitakuwa zimekamilisha ujenzi wa maabara na vitaweza kuwapa mwanga mzuri kusoma kwa bidii “Alisema. 

Alisema ni jambo la ajabu iwapo vifaa ambazo vimekabidhiwa vitatumika vibaya kitendo ambacho kitakwamisha juhudi za serikali za kutaka wanafunzi kusoma masomo ya sayansi kwa vitendo ili waweze kuendana na sera ya viwanda. 

“ Vifaa hivi ambavyo mmekabidhiwa leo hii vinagharama kubwa hivyo niwaombe ndugu zangu mhakikishe mnavitunza ili viweze kutumika katika matumizi yaliyokusudiwa lakini pia niwatake wanafunzi mhakikishe mnasoma kwa bidii “Alisema 

Mbunge huyo alisema lipo tatizo la kubwa la kutokuwepo vifaa vya maabara katika shule nyingi za sekondari hapa nchini jambo ambalo limeanza kupatiwa ufumbuzi na serikali ya awamu ya tano kupitia wizara ya elimu ili kuona namna ya kulimaliza. 

Awali akizungumza katika hafla hiyo, Afisa elimu sekondari wilaya Muheza Julitha Akko amewaagiza walimu wakuu wa shule za sekondari zilizopatiwa vifaa hivyo kuacha tabia ya kufungia ndani ya makabati na badala yake vitumike kama ilivyokusudiwa. 

Aidha alisema kuwa lazima kuwekwe utaratibu wa namna ya kuvitunza vifaa hivyo na kuagiza visitumike kinyume na makusudio yake na kuwataka wanafunzi waelekeze nguvu zao kwenye masomo ili kuongeza wataalamu wengi. 

Naye Mwalimu Mkuu wa shule ya sekondari ya Muheza(Muheza high school) Alex Birumo alisema yapo mategemeo makubwa ya kuongeza ufaulu hasa kwa masomo ya sayansi kutokana na kupatikana kwa vifaa hivyo ambavyo wanafunzi walikosa fursa kwa miaka mingi kujifunza kwa vitendo. 

“Shule yetu hii ni ya masomo ya sayansi ya michepuo ya PCB NA CBG na ni ya kidato cha tano na sita unapokuwa na wanafunzi zaidi ya 150 unawafundisha bila ya vifaa vya maabara kiukweli mafunzo yetu kwa wanafunzi hao yahakuwa na tija”Alisema. Habari kwa hisani ya Blog ya Kijamii ya Tanga Raha
Posted by MROKI On Monday, July 17, 2017 No comments
SHIRUIKA  la Ndege la Kitanzania Precision Air Services Plc, leo limetangaza kuanza safari za moja kwa moja kati ya Dar es Salaam na Kahama Mkoani Shinyanga.

Taarifa hiyo ilitolewa hapo jana wakati shirika hilo lilipo kuwa likifanya safari ya majaribio katika uwanja wa Kahama (KBH) kwa kutumia ndege yake yenye usajili namba 5H-PWF aina ya ATR42-500. 

Ndege hiyo ilitua katika kiwanja kidogo cha Kahama majira ya saa 11 jioni, ikiambatana na Mkuu wa Wilaya ya Kahama, Fadhili Nkurlu ikitokea Mkoani Mwanza. 

Akizungumza na wageni waalikwa pamoja na waandisi wa habari wakati wa tukio hilo, Meneja Uratibu na Mahusiano, Hillary Mremi alisema kwa kuanzisha safari za Kahama Precision Air inaendelea kutekeleza Kauli mbiu yake ya ‘Wewe ni Sababu Sisi Tunaruka’ kwa kufungua safari ambazo zimelenga kutatua mahitaji ya Wananchi. 

Mremi alisema Precisiona Air itaanza safari zake kuanzia tarehe 5 Septemba 2017, ikianza na safari tatu kwa wiki, Kila siku ya Juamatano, Ijumaa na Jumapili na kuongeza safari hizo hadi kila siku, kwa kuzingatia mahitaji ya soko.

“ Hakutakua na sababu ya ya abiria kutokea Shinyanga na Kahama kusafiri kwa magari hadi Mwanza kwenda kupanda ndege kwa safari za Dar es Salaam. Safari zetu kutokea Kahama sio tu zitaokoa muda bali hata gharama za usafiri kwa Wananchi wa kawaida na Wafanyabiashara. 

Uwepo wa safari hizi kunaongeza urahisi wa kufikika kwa maeneo mbali mbali ya nchi yetu na kukua kwa Dar es Salaam kama lango kuu na uchumi wetu kwa ujumla. Nimatumaini ya kuwa safari hizi zitafungua milango ya fursa kwa Kahama.”  Mrremi aliongeza.

Wakati huo huo Mremi aliishukuru Serekali kupitia Mkuu wa Mkoa wa Kahama, Fadhili Nkurlu kwa kuendelea kutoa ushirikiano kwa Precision Air .  

‘Kwa niaba ya Uongozi wa Precision Air na Wanahisa, napenda kutambua ushirikiano tunaoendelea kuupata kutoka Serekalini,kupitia Mkuu wetu wa Wilaya,  Fadhili Nkurlu, ambaye bila kuchoka alihakikisha Uwanja huu wa ndege unakua tayari kwa safari hizi tunayo furaha kuwataarifu wananchi wa Kahama ujio wetu. 

Precision Air inatoa shukrani za dhati kwa Fadhili Nkurlu kwa juhudi zake zakuahakikisha uwanja huu unakua tayari kwa ajili ya kutoa huduma. Tunaunga mkono maono ya Raisi wetu, Dr. John Joseph Pombe Magufuli kuifanya nchi yetu kuwa ya viwanda na tunaamini kupitia huduma zetu tutaisaidia Nchi yetu kufikia malengo hayo. Alikaririwa Bw.Mremi 

Kahama inapatikana Kaskazin Magharibi mwa Tanzania inafahamika kwa machimbo ya dhahabu na inaaminika kua na Uchumi unakua kwa kasi, ilikosa huduma za usafiri wa ndege za uhakika. Kuanzishwa kwa safari za ndege za Precision Air kunatarajiwa kuongeza kasi ya maendeleo ya kiuchumi wWilayani Kahama na Mkoa wa Shinyanga kwa ujumla. 

Precision Air ilianzishwa mnamo mwaka 1993 kama shirika binafsi la ndege za kukodi,Shirika la ndege la Precision Air limeendelea kukua na kuwa moja ya mashirika ya ndege ya nayoheshimika Africa Mashariki na Africa kwa ujumla.Kwa sasa Shirika hilo linafanya safari za ndani na nje kuelekea sehemu takribani 11. 

Iktokea Dar es Salaam (makao makuu) Precision Air inasafiri kuelekea Arusha, Bukoba, Kigoma, Kilimanjaro, Musoma, Mtwara, Mwanza, Tabora, Zanzibar,Nairobi na Entebbe.
Posted by MROKI On Monday, July 17, 2017 No comments
Naibu Mkurugenzi mtendaji wa BANK OF AFRICA TANZANIA Bw. Wasia Mushi akikabidhi mfano wa funguo kuashiria makabidhiano ya Greda kwa Mteja Bw. T Hitesh Vishram ambae ni Project Supervisor wa Kampuni ya Dezo Civil Contractors Limited, Katikati ni meneja wa masoko, Utafiti na maendeleo wa BANK OF AFRICA TANZANIA Bw. Muganyizi Bisheko.


BANK OF AFRICA hii leo imekabidhi rasmi mtambo wa ujenzi (Greda jipya aina ya JCB) lenye thamani ya zaidi ya shilingi milioni 300 kwa kampuni ya Dezo Civil Contactors Limited, kwa ajili ya kutekeleza miradi mbalimbali ya ujenzi ikiwemo kandarasi ya ujenzi wa kuta kwenye Pwani ya Bahari ya Hindi.

Makabidhiano ya mtambo huu ni sehemu ya mpango endelevu wa benki wa kununua na kukodisha mitambo (lease finance), ambayo inawawezesha wateja kujiongeza kiutendaji kwa kupata vifaa vya kisasa bila ya kulazimika kuwa na pesa taslimu za manunuzi ya vifaa hivyo.

Makubaliano haya ya ukodishaji wa mitambo yanaakisi katika sekta mbalimbali ikiwemo ujenzi, usafirishaji, teknolojia ya habari na mawasiliano, utalii, madini, mafuta na gesi.

BANK OF AFRICA imebaini huu ni mpango ambao una tija kubwa kwa wajasiriamali wakubwa kwa wadogo, kwa ajili ya kufanikisha uendeshaji wa biashara zao ambao utaongeza uzalishaji na faida kubwa. Mteja kupitia mpango huu anapewa fursa pana ya kufanya chaguo lake bila kikwazo chochote na bila ya uhitaji wa amana ya awali au dhamana nyingine. Marejesho ni malipo ya ukodishaji ya kila mwezi na mteja ana uwezo wa kuchagua kua mmiliki wa mali husika pindi ifikapo mwisho wa mkataba wa ukodishaji.

Benki humsaidia mteja kuhakiki chombo anachotaka kuingianacho mkataba kama kina ubora ili kuweza kuinua uchumi wake na uchumi wataifa kwa ujumla.

BANK OF AFRICA ilianza shughuli zake Juni mwaka 2007, baada ya kuinunua Benki ya Euroafrican ambayo ilianza kazi Tanzania kutokea September 1995.

BANK OF AFRICA inafanya kazi katika mtandao wa benki za biashara katika nchi 18 zikiwamo nchi za Benin, Burkina Faso, Burundi, Cote d”ivoire, Djibouti, DRC, Ethiopia, France, Ghana, Kenya, Madagascar, Mali, Niger, Rwanda, Senegal, Tanzania, Togo na Uganda.

Kundi la Group BANK OF AFRICA lina makao makuu yake jijini Dakar, Senegal ikiwa na mtandao wa watu 500 wale wanaotoa huduma na sapoti kwa ofisi. Kuanzia mwaka 2010, Group BANK OF AFRICA ilimilikiwa kwa wingi wa hisa BMCE Bank, ambayo ni benki ya pili kwa ukubwa nchini Morocco.

BMCE Bank huleta mikakati mizito ya msaada wa uendeshaji katika kuunga mkono shughuli za BANK OF AFRICA Group, vilevile na muunganiko na ukaribu wa kufikia masoko ya kimataifa kutokana na uwepo wake katika nchi za Ulaya na Asia.
Posted by MROKI On Monday, July 17, 2017 No comments

July 16, 2017

KIKOSI cha Timu ya Tifa ya Tanzania, Taifa Stars kikiwa katika picha ya pamoja kabla ya kuanza mchezo wa kuwania kufunzi michuano ya AFCON kwa wachezaji wanaocheza ligi ya ndani dhidi ya Rwanda katika Uwanja wa CCM Kirumba jijini Mwanza Julai 15,2017.

Wachezaji hao kuanzia mstari wanyuma kushoto ni Mlinda mlango, Aishi Manula, Erasto Nyoni, John Bocco, Nurdin Chona, Salim Mbonde na Nahodha Himid Mao Mkami. Mstari wa Mbele kutoka kushoto ni Shomari Kapombe, Shiza Kichuya, Gadiel Michael, Mzamiru Yassin na Simon Msuva.Picha/Mroki Mroki TSN Digital
 Kikosi cha timu ya Rwanda 'Amavubi' katika picha ya pamoja. Waliosimama nyuma kutoka kushoto ni Manzi Thiery, Mukunzi Yannick, Emmanuel Imanishimwe, Barnabe Mubumbyi, Mico Juastin na Nsabimana Aimable. Mstari wa mbele kutoka kulia ni Rucogoza Aimambe, Dominique Nshuti, Marcel Nzazora, Iradukunda Eric na Bizimana Djihad.
 kikosi cha Amavubi kikiimba wimbo wa taifa lao
 Kikosi cha Timu ya Taifa Stars kiikimba wimbo wa Taifa
 Mgeni Rasmi ambaye ni Mkuu wa Mkoa wa Mwanza, John Mongela akikagua kikosi cha timu ya Taifa ya Tanzania.
 Mgeni rasmi akiwa pamoja na viongozi wengine mbalimbali wa michezo na serikali.
 Shiza Kichuya akimtoka mlinzi wa timu ya Amavubi, Rucogoza Aimambe (kushoto) huku Nahodha Himid Mao akijiandaa kutoa msaada.  
BOFYA HAPA KUONA PICHA ZAIDI.
Posted by MROKI On Sunday, July 16, 2017 No comments

July 14, 2017

UNAWEZA kumpachika jina la Malkia wa Sokwe Tanzania na hii ni kutokana na jinsi alivyokuwa mlezi wa wanyama hao ambao walikua katika tishio la kutoweka na kutokana na shughuli za kibinadamu. Anaandika Mroki Mroki wa TSN Digital.

Huyu si mwingine bali ni Katibu Muktasi aliyeamua kuzama katika utafiti wa wanyama pori hasa Sokwe na kuamua kusafiri kutoka nchini Uingereza mwaka 1960 akiwa na umri wa miaka 26 na kuamua kuingia hifadhi ya taifa ya gombe na kufanya utafiti juu ya maisha ya wanyama hao wenye hulka za kibinadamu.

Unapo wazungumzia Sokwe wa Gombe, katu huwezi kwenda mbali na jina la
Valerie Jane Morris-Goodall au kama alivyotambulika hapo mwanzo wakati wa ndoa yake ya awali kama Baroness Jane van Lawick-Goodall na sasa anatambulika kama Jane Goodall mzaliwa wa Uingereza aliyeishi nchini Tanzania kwa miaka takribani 57 akifanya utafiti.

Inaelezwa kuwa alipata kuwa Mke wa mmoja wa wabunge wa Bunge la Tanzania na Mkurugenzi wa Hifadhi za Taifa nchini,  miaka ya nyuma, na mumewe huyo aliyetajwa kwa jina la Derek Bryceson.

Leo wakati Jane Goodall umri wake ni miaka 83, katika kutambua mchango wake hapa nchini katika uhifadhi wa Sokwe, Shirika la Hifadhi za Taifa Tanzania limeamua kumtunuku mama huyu rafiki kipenzi wa Sokwe wa Gombe, tuzo maalum ya kutambua mchango wake mkubwa katika eneo la utafiti wa sokwe hususan katika Hifadhi ya Taifa ya Gombe.

Tuzo hiyo inayofahamika kama Sokwe Conservation Award imekabidhiwa kwake na Waziri wa Maliasili na Utalii Prof. Jumanne Maghembe aliyekuwa mgeni rasmi katika tukio hilo.
 Mbali na tuzo hiyo lakini pia TANAPA ilimzawadia zawadi ya kipekee ya kinyago nadhifu cha Sokwe ambacho mwenye alikiita Fifi. Akimaanisha Sokwe maarufu wa Gombe aliyeitwa Fifi.
 Hawakuishia hapo lakini pia walimpa zawadi ya picha ya kuchorwa ya Sokwe aliye na mwanae. BOFYA HAPA KUSOMA ZAIDI.
Posted by MROKI On Friday, July 14, 2017 No comments

July 11, 2017

Mkurugenzi wa Superbrands Afrika Mashariki, Jawad Jaffer akiongea mapema leo katika halfa ya kukabidhi vyeti vya kudhibitisha ubora wa kampuni na bidhaa zinazokubalika Afrika Mashariki iliyofanyika hoteli ya Kilimanjaro Kempinski, Dar es Salaam. Picha na Kajunason/Cathbert Kajuna.
Wakurugenzi na wawakilishi wa kampuni yaliyopata tuzo ya Superbrands wakimsikiliza mkurungenzi wakati wa hafla ya kutoa vyeti kwa kampuni zenye sifa katika hoteli ya Kilimanjaro Kempinski, Dar es Salaam.
Mkurugenzi wa Superbrands Afrika Mashariki, Jawad Jafer (kulia) akimkabidhi Mkurugenzi wa Biashara wa Kampuni ya ChemiCotex (kushoto), Sumit Bhatnagar watengenezaji wa dawa ya meno ya 'Whitedent' cheti cha kudhibitisha ubora wa kampuni na bidhaa zinazokubalika Afrika Mashariki.
Mkurugenzi wa Superbrands Afrika Mashariki, Jawad Jafer (kulia) akimkabidhi Mhariri Mkuu wa ITV Tanzania, Steven Chuwa (kushoto) cheti cha kudhibitisha ubora wa kampuni na bidhaa zinazokubalika Afrika Mashariki.
Mkurugenzi wa Superbrands Afrika Mashariki, Jawad Jafer (kulia) akimkabidhi Mhariri Mkuu wa The Guardian Ltd, Jesse Kwayu (kushoto) cheti cha kudhibitisha ubora wa kampuni na bidhaa zinazokubalika Afrika Mashariki.
Mkurugenzi wa Superbrands Afrika Mashariki, Jawad Jafer (kulia) akimkabidhi Mkurugenzi Mkuu wa Taasisi ya MO Dewji, Barbara Gonzalez (kushoto) cheti cha kudhibitisha ubora wa kampuni na bidhaa zinazokubalika Afrika Mashariki.
Mkurugenzi wa Superbrands Afrika Mashariki, Jawad Jafer (kulia) akimkabidhi Mkurugenzi wa Masoko wa Kampuni ya Red Gold, Darsh Dandit (kushoto) cheti cha kudhibitisha ubora wa kampuni na bidhaa zinazokubalika Afrika Mashariki.
Mkurugenzi wa Superbrands Afrika Mashariki, Jawad Jafer (kulia) akimkabidhi Mkurugenzi wa Wateja Maalum wa benki ya NBC, Theobald Sabi (kushoto) cheti cha kudhibitisha ubora wa kampuni na bidhaa zinazokubalika Afrika Mashariki.
Wakurugenzi na wawakilishi wa kampuni yaliyopata tuzo ya Superbrands wakiwa na mkurugenzi wa Superbrands Afrika Mashariki, Jawad Jaffer (wa tatu kutoka kushoto).
Posted by MROKI On Tuesday, July 11, 2017 No comments

Posted by MROKI On Tuesday, July 11, 2017 No comments
Kamati ya Olympic Duniani imeipa tena SuperSport kibali cha kurusha matangazo ya michuano ya Olympic kuanzia mwaka 2018 hadi 2024 barani Africa Kusini mwa jangwa la Sahara.

Makubaliano hayo kati ya kamati hiyo (International Olympic Committee IOC) yanamaanisha kuwa Supersport imepata haki ya kurusha michuano hiyo katika eneo hili la Africa. Michuano hiyo ni pamoja na ile ya  PyeongChang 2018, Tokyo 2020, Beijing 2022 na ile ya mwaka 2024 ambayo bado haijaamuliwa itafanyika katika nchi gani.

Tangazo hilo limetolewa baada ya kukamilika kwa mchakato wa kutoa zabuni kwa warusha matangazo katika kanda hii ya Afrika  - Kusini mwa Sahara. Kwa minajili hii, SuperSport pia itashirikiana na IOC katika kusaidia na kuongeza ufahamu na umaarufu wa michuano hiyo barani Africa.

Rais wa IOC Thomas Bach amekarikiwa akisema: “Tunafurahi sana kufanya kazi tena na DStv SuperSport hususan katika kuwahakikishia wapenzi wa michuano hii fursa ya kuishuhudia popote walipo katika kanda hii ya Afrika – Kusini mwa Sahara. 

Binafsi nimetembelea nchi mbalimbali barani Afrika na nimeshuhudia ushabiki mkubwa uliopo kwa michuano hii. IOC hutumia asilimia 90 ya mapato yake ya tokanayo na mikataba ya kibiashara katika kuendeleza michezo kote duniani ikiwemo Afrika”.

Naye Gideon Khobane, Afisa Mkuu wa SuperSport amesema  “Sisi tukiwa kama wadau wa muda mrefu na washirika  wa IOC, tumefurahi sana kuingia makubaliano haya na mdau wetu. Michuano hii inawatazamaji wengi sana  kutokana na umaarufu wake na umahiri mkubwa wa kimichezo unaoonyeshwa na hivyo kuwa kivutio kikubwa sana kwa watazamaji. 

Tunaimani kwa kupitia DStv SuperSport, tunawapa haki mamilioni wa washabiki wa michezo barani Afrika fursa ya kushuhudia michezo ya Olympic, moja ya mashindano makubwa kabisa duniani na yenye msisimko mkubwa”.

SuperSport ni manguli wa kurusha matangazo ya michezo barani Afrika. SuperSport ina chaneli 37 zinazorusha matangazo ya michezo mbalimbali kuanzia  michezo mikubwa kama vile kandanda pamoja na michezo midogomidogo na ile inayochipukia. Supersport huonekana katika nchi 54 Afrika – kusini mwa sahara pamoja na visiwa vya jirani.
Posted by MROKI On Tuesday, July 11, 2017 No comments
Baadhi ya wananchi waliofika katika banda la Kampuni ya Uwekezaji UTT-AMIS wakipata maelezo kutoka kwa maofisa wa kampuni hiyo, Mfaume Kimario na Abbas Kandila, walipotembelea banda hilo katika Maonyesho ya 41 ya Biashara ya Kimataifa (Sabasaba).
Mwananchi akisoa kipeperushi chenye taarifa za Kampuni ya Uwekezaji UTT AMIS wakati alipotembelea banda la kampuni hoyo kwenye Maonyesho ya Sabasaba. 
Ofisa Masoko Mwandamizi wa Kampuni ya Uwekezaji UTT AMIS, Mfaume Kimario, akitoa maelekezo juu ya namna ya kujiunga na Mifuko ya Uwekezaji wa Pamoja inayoendeshwa na kampuni hiyo kwa mwananchi aliyefika katika banda la UTT AMIS baada ya kupata elimu juu ya kuhusu mifuko hiyo.
Ofisa Uhusiano Mwandamizi wa Kampuni ya Uwekezaji UTT-AMIS, Mfaume Kimario, akitoa maelekezo juu ya namna ya kujiunga na Mifuko ya Uwekezaji wa Pamoja kwa mwananchi aliyefika katika banda la UTT AMIS.
Ofisa Uhusiano Mwandamizi wa UTT AMIS, Mfaume Kimario, akitoa Elimu Juu ya Mfuko wa Uwekezaji wa Pamoja kwa mmoja kwa wananchi waliofika katika banda la UTT AMIS katika Maonyesho ya Sabasaba.
Ofisa wa Kampuni ya Uwekezaji UTT-AMIS, Abbas Kandila akitoa Elimu Juu ya Huduma wanazotoa kwa wananchi waliofika katika banda la kampuni hiyo.
Maofisa wa Kampuni ya Uwekezaji UTT-AMIS, Nuru Thabit na Halfan Mnongane, wakitoa maelezo kwa wanachama walipofika katika banda la UTT AMIS katika Maonyesho ya 41 ya Biashara ya Kimataifa (Sabasaba).
Posted by MROKI On Tuesday, July 11, 2017 No comments

July 09, 2017


MBUNGE wa Kibaha mjini, Silyvestry Koka (kulia) na Diwani wa Kata ya Sofu, Yusuf Mbonde, wakishirikiana na wananchi wa kata hiyo Wilaya ya Kibaha Mkoa wa Pwani, kusafisha eneo lililo na majani kwa ajili ya maandalizi ya ujenzi wa Zahanati. Mhe. Mbunge leo asubuhi alifanya ziara ya kushitukiza katika eneo hilo baada ya kupata tetesi kuwa eneo hilo limeuzwa.

Aidha imeelezwa kuwa tetesi za kuuzwa kwa eneo hilo zilimfikia Diwani wa Kata hiyo, Bw.Mbonde, aliyeamua kumfuata Mkurugenzi wa Halmashauri ya mji Kibaha, Jenifer Ommolo, ambaye 'eti' alikiri kuwa jambo hilo nalitambua na kumwahidi kuwa wangepewa eneo mbadala wa hilo, jambo ambalo Diwani hakukubariana nalo na kuamua kulifikisha kwa Mhe.Mbunge wake.

Mbunge huyo, alifika eneo hilo na kukutana na wapiga kura wake na kuamua kushiriki nao zoezi la kusafisha baada ya baadhi ya wananchi kukumbwa na hofu wakidai kuwa eneo hilo lilibadilishwa lengo la matumizi kwa kumgawia mtu aliyejulikana kwa jina la Mchome, ili kuliendeleza, ambaye pia hadi Mbunge anafika leo alikuwa bado hajaanza ujenzi wa aina yeyote.
Imeelezwa kuwa eneo hilo baada ya kutolewa kwa ajili ya kujengwa Zahanati ambayo kwa kiasi kikubwa ilitakiwa kujengwa kwa ushirikiano mkubwa na wananchi ambao wengi wao walipigwa na butwaa na kurudi nyuma baada ya kusikia eneo hilo amegaiwa Mchome, aliyetakiwa kuliendeleza.
Baada ya Mbunge Koka kuwasili eneo hilo hii leo asubuhi, wananchi wajitokeza na kuonyesha ushirikiano huo kwa kushirikiana na viongozi wao, na baadaye kubaki na matumaini ya kuona kinajengwa kile walichokikusudia baada ya Mbunge kutoa tamko kwa kusema eneo hilo linatakiwa kujengwa Zahanati ya wananchi na si kitu kingine.
 Mbunge wa Kibaha mjini, Silyvestry Koka, akizungumza na wananchi wa Kata ya Sofu Wilayani Kibaha, wakati wa zoezi la kufyeka na kusafisha eneo la kujenga Zahanati,ambapo alilaani kitendo hicho cha uuzwaji wa eneo la wananchi alichokiita cha kitapeli.
 Wananchi wakimsikiliza kwa makini mbunge wao, baada ya zoezi hilo. Source: Mafoto Blog.
Posted by MROKI On Sunday, July 09, 2017 No comments
 Kikosi cha TPB Bank FC kilichoiadhibu taswa FC 3-2

Kikosi cha Taswa FC kilichokubali kichapo cha 3-2 kutoka kwa TPB Bank FC
***************
Na Mwandishi wetu
Timu ya soka ya TPB Bank FC imefanikiwa kulipiza kisasi kwa timu ya waandishi wa habari za michezo nchini, Taswa FC baada ya kuifunga kwa mabao 3-2.

Mchezo huo maalum, ulifanyika kwenye uwanja wa Shule ya Sheria (Law School)  uliopo maeneo ya kituo cha mabasi cha Mawasiliano na timu zote mbili zilishambauliana kwa zamu.

Katika mchezo wa kwanza, Taswa FC iliifunga TPB Bank FC kwa mabao 4-0 katika mchezo uliofanyika kwenye uwanja  huo huo.

TPB Bank FC ilitumia  idadi pungufu ya wachezaji wa Taswa FC kufunga mabao yote katika mchezo huo ambao pia ulikuwa wa maandalizi kwa timu hiyo ya benki kuelekea katika mashindano ya soka ya taasisi za kibenki yanayotarajiwa kuanza hivi karibuni. Taswa FC ilianza mechi hiyo ikiwa na wachezaji nane tu.

Bao la kwanza la TPB Bank FC lilifungwa na nahodha wa timu hiyo, Baraka Kyomo  katika dakika ya 10 ya mchezo  baada ya kuwashinda kasi mabeki wa Taswa FC na kufunga kirahisi.

 Wakati Taswa FC ikijiuliza, Kyomo alifunga bao la pili katika dakika ya 17 kabla ya Ojo Ajali kufunga la tatu katika dakika ya 35 ya mchezo.

Taswa FC ilianza harakati za kusawazisha mabao hayo kuanzia kipindi cha pili baada ya kutimia wachezaji wote 11. Bao la kwanza la Taswa FC lilifungwa na Fred Pastory baada ya kupokea pasi safi ya Zahoro Mlanzi kabla ya Shedrack Kilasi kufunga la pili kufutia mpira wa kona wa Juma Ramadhani.

Kiongozi wa timu hiyo Chichi Banda alisema kuwa wamefuraishwa na ushindi huo na kuwaomba Taswa FC kujipanga kwa ajili ya mchezo unaofuata.
Posted by MROKI On Sunday, July 09, 2017 No comments

July 08, 2017

 Waziri Dkt. Mpango, akimpongeza, Sukulu Mageta, mzazi wa Msuya Mageta, (katikati), kijana wa miaka 18 aliyeamua kujiunga na mpango wa Wote Scheme.
 Waziri wa Fedha na Mipango, Dkt. Philip Mpango,(kulia), akimkabidhi kadi ya uanachama wa Mfuko wa Pensheni wa PPF, kupitia Mpango wa "Wote Scheme", kijana wa miaka 18, Msuya S. Mageta, kwenye banda la Mfuko huo kwenye jengo la Wizara ya Fedha na Mipango, Viwanja vya Mwalimu Nyerere, maarufu Sabasaba ambako kunafanyika maonesho ya 41 ya biashara ya kimataifa ya Dar es Salaam.
 Meneja Elimu kwa Wanachama wa Mfuko wa Pensheni wa PPF, Kwame Temu, (kushoto), akimkabidhi mkoba wenye vipeperushi vya taarifa za PPF, Waziri Dkt. Mpango.
 Dkt. Philip Mpango, akikaribishwa na Meneja Uhusiano wa PPF, Lulu Mengele, alipotembelea banda la Mfuko huo leo Julai 8, 2017.
Lulu Mengele akitoa maelezo mbele ya Dkt. Mpango kuhusu huduma zitolewazo na PPF
 Dkt. Mpango akisikiliza kwa makini maelezo ya Meneja Uhusiano wa PPF,  Lulu Mengele
 Lulu Mengele akitoa maelezo mbele ya Dkt. Mpango kuhusu huduma zitolewazo na PPF
Sukulu Mageta, mzazi wa Msuya Mageta, akieleza ni kwa nini aliamua kumuunga mkono kijana wake Msuya, kujiunga na PPF. Alisema, "Mimi kama mzazi uamuzi wa kijana wangu kujiunga na PPF, ni uamuzi sahihi na hii itanirahisishia hapo baadaye ambapo kwa mujibu wa maelezo tuliyopewa na maafisa wa PPF, mwanachama anaweza kupata mafao mbalimbali yakiwemo ya kujiendeleza kielimu, lakini pia bima ya afya na kijana wangu ndio kamaliza kidato cha sita na anahitaji kuendelea na masomo, kwa hiyo baadaye atafaidika ikiwa ni pamoja na kujiwekea akiba". Alisema  Mageta
Waziri Dkt. Mpango, akishuhudia jinsi Katibu wake,  Edwin Makamba, (wapili kulia), ambaye ni mwanachama wa PPF kupitia mpango wa Wote Scheme, akichangia kupitia simu yake ya mkononi. wengine pichani ni Meneja Uhusiano wa PPF, Bi. Lulu Mengele, (kulia) na Meneja Elimu kwa Wanachama wa Mfuko huo,  Kwame Temu. (kushoto).
 **************
 Waziri Mpango leo Julai 8, 2017, alitembelea banda hilo na kuipongeza PPF kwa uamuzi wake wa kuiunga mkono serikali katika jitihada zake za kujenga uchumi wa viwanda. 

PPF imeingia ubia na Jeshi la Magereza kukiboresha na kuendesha kiwanda cha viatu Karanga kilichoko mjini Moshi. Hali kadhalika, Mfuko huo kwa kushirikiana na Mfuko wa Hifadhi ya Jamii, NSSF, wameingia ubia katika mradi wa ujenzi wa kiwanda cha sukari huko Mkulazi mkoani Morogoro na kiwanda kingine cha sukari Mbigiri pia kiko mkoani Morogoro. 

"Ninyi ni watu wazuri na niwapongeze kwa uamuzi wenu mzuri wa kuiunga mkono serikali ya awamu yab tano ambayo tumejikita katika kujenga uchumi wa viwanda ," Alisema Dkt. Mpango. 

Alisema kwa muda mrefu Mifuko ya Hifadhi ya jamii imewekeza kwenye majengo, lakini niwahakikishie uwekezaji kwenye viwanda utatoa fursa nyingi kwa watanzania, alisisitiza Dkt. Mpango.
Posted by MROKI On Saturday, July 08, 2017 No comments
  • Facebook
  • Twitter
  • Youtube

Blog Archive

Nafasi Ya Matangazo