CRDB YAUNGANA NA SERIKALI KILELE CHA MAADHIMISHO YA OSHA 2026 NJOMBE

Waziri wa Nchi Ofisi ya Waziri Mkuu Kazi, Ajira na Mahusiano, Deus Sangu akizungumza wakati wa kilele cha Maadhimisho ya Wakala wa Usalama na Afya Mahala pa Kazi (OSHA) 2026 yaliyofanyika mkoani Njombe Region.

 

Mkuu wa Mkoa wa Njombe, Anthony Mtaka akizungumza wakati wa kilele cha Maadhimisho ya Wakala wa Usalama na Afya Mahala pa Kazi (OSHA) 2026 yaliyofanyika mkoani Njombe Region.

Viongozi mbalimbali wakifuatilia Maadhimisho ya Wakala wa Usalama na Afya Mahala pa Kazi (OSHA) 2026 yaliyofanyika mkoani Njombe Region.

Mtendaji Mkuu wa Wakala wa Usalama na Afya Mahala pa Kazi (OSHA), Bi. Khadija Mwenda, akizungumza wakati wa kilele cha Maadhimisho ya OSHA 2026 yaliyofanyika mkoani Njombe Region.

Picha ya pamoja ya viongozi.

Na Mwandishi Wetu, Njombe.

CRDB Bank Plc imeshiriki katika kilele cha Maadhimisho ya Usalama na Afya Mahali pa Kazi (OSHA) 2026 yanayofanyika Njombe Region, ikionesha dhamira yake ya kuunga mkono juhudi za Serikali pamoja na wadau mbalimbali katika kuboresha mazingira ya kazi na ustawi wa wafanyakazi.

Maadhimisho hayo yanabebwa na kaulimbiu isemayo, “Mazingira Bora ya Kazi Kisaikolojia ni Njia ya Kuimarisha Ustawi wa Wafanyakazi na Kujenga Taasisi Imara.”

Kilele cha maadhimisho hayo kimeongozwa na Deus Sangu, Waziri wa Nchi, Ofisi ya Waziri Mkuu anayeshughulikia Kazi, Ajira na Mahusiano.

Katika maonesho hayo, benki hiyo imekuwa ikiendelea kutoa huduma mbalimbali za kifedha kwa wananchi wa Njombe na maeneo ya jirani, zikiwemo ufunguzi wa akaunti, elimu ya fedha pamoja na huduma za mikopo kwa wajasiriamali wadogo na wa kati.

Wananchi wengi wamejitokeza kutembelea banda la benki hiyo kwa lengo la kujifunza na kunufaika na huduma zinazotolewa, hatua inayotajwa kusaidia kuongeza uelewa kuhusu matumizi sahihi ya huduma za kifedha.

Mbali na huduma hizo, CRDB Bank Plc pia imeendelea kutoa huduma za afya bure kwa wananchi kama sehemu ya mchango wake kwa jamii.

Benki hiyo ni mdhamini mkuu wa maadhimisho hayo muhimu, ambapo ushiriki wake unaakisi dhamira ya kuchochea maendeleo ya kiuchumi sambamba na kulinda afya na usalama wa jamii.