MIRADI IKAMILIKE KWA WAKATI NA UBORA - SENYAMULE

Mkuu wa Mkoa wa Dodoma Mhe. Rosemary Senyamule amefanya ziara ya kikazi ya Ukaguzi na Ufuatiliaji wa Miradi ya Maendeleo kwa Kipindi cha Julai hadi Septemba 2023 Katika Halmashauri ya Wilaya ya Kondoa Vijijini.

Senyamule amefanya ziara hiyo tarehe 20 Oktoba 2023 na kuzungumza na Wakuu wa   Idara   na   Vitengo   katika   Halmashauri   hiyo   na   kusisitiza   kila   Halmashauri kuhakikisha inavuka malengo ya makusanyo katika bajeti iliyotengwa ili utekelezaji wa miradi ya maendeleo iliyopangwa ikamilike kwa wakati na kwa ubora.

Ameagiza watumishi  kutimiza  wajibu wao  na  kufanya kazi  kwa  weledi na  ufanisi katika utekelezaji na usimamizi wa mradi ya maendeleo katika Halmashauri hiyo.

"Tunasisitiza  ukusanyaji  wa   mapato  kwa   kuwa  kila   sekta  imeguswa   kwa  upande wake,  hivyo  kila   mmoja  katika   kipande  alichopewa   ahakikishe  anachangia   katika kuimarisha ukusanyaji wa mapato kwakuwa mchango wa kila mmoja ni muhimu na ni   jukumu   letu   sote   katika   kuongeza   mapato   katika   maeneo   yetu”   

Senyamule amesisitiza.“Kila mtu ajione ni sehemu ya upatikanaji wa mapato simbo zuri kuona wataalamu wanashindwa   kufukisha   baadhi   ya   fedha   zilizopangwa   kwa   kila   Halmashauri tunatamani tuone mapato yanaongezeka kwa wingi” Amesema Senyamule.

Kwa   upande   wake   Mkuu   wa   Wilaya   ya   Kondoa   Mhe.   Dkt.   Khamis   Mkanachi amesema suala la kuimarisha ukusanyaji wa mapato ni wajibu wa kila mmoja na kusisitiza   kuwa   bila   kuwepo   kwa   mapato   uendeshaji   wa   Halmashauri   unakua   ni mgumu sana.

“Kila kitu tusimamie kwa weledi na ufanisi ili tufike katika kila mipango tuliyojiwekea katika   Halmashauri   yetu   ili   kufikia   malengo   katika   ukusanyaji   wa   mapato tuliyopangiwa  na  kuhakikisha  kila  mmoja  anasimamia  wajibu  wake  ili  kufanikisha dhamira yetu.” Amesisitiza Dkt. Mkanachi.

Katika   ziara   hiyo   pia,   Mkuu   wa   Mkoa   wa   Dodoma   Mhe   Rosemary   Senyamule amekagua   miradi   ya   ujenzi   wa   Nyumba   ya   Mkurungezi ambayo fedha ilitoka Shilingi Milioni za  150,nyumba za watumishi shilingi Milioni 80, Jengo la Ofisi ya Halmashauri, Shuleni ya Msingi Isabe ambapo fedha kiasi cha shilingi  Milioni 80 zimetolewa kwaajili ya ujenzi wa madarasa 03, Ofisi O1 na jengo la Computa 01 na Hospitali ya Wilaya ya Kondoa ilipokea Milioni 750 kwaajili ya ujenzi uliopo  katika  kijiji  cha   Bukulu  kata   ya   Soera  Halmashauri   ya   Wilaya ya Kondoa