Solomon Mkubwa azungumza na waandishi wa habari Dar es Salaam leo

Mwimbaji wa muziki wa injili Solomon Mukubwa akiongea na waandishi wa habari katika ofisi za Msama Promotion zilizoko Kinondoni Biafra wakati alipozungumzia uzinduzi wa albam yake mpya siku ya Tamasha la Pasana Aprili 8, 2012 inayokwenda kwa jina la Kwa Utukufu wa Mungu yenye nyimbo nane. Solomon Mukubwa amesema amejipanga kwa nguvu za mungu aliyempa kipaji cha uimbaji na anatarajia kumsifu mungu kwa nyimbo zake na kuwaalika mashabiki wa nyimbo za injili kwa kusema aprili 8 ni siku ambayo watu wanatakiwa kutua mizigo yao na kumpokea mungu. Mukubwa ametaja nyimbo zilizoko katika albam hiyo kuwa ni Kwa utukufu wa mungu wenyewe, Uaikate tamaa, Miungu wangu Nitetee, Moyo wangu tukuza bwana, Niko wa Yesu, Mke si nguo, Yesu jua zuri na Chunga ahadi yako.

Mkurugenzi wa Msama Promotion Bw. Alex Msama akifafanua jambo wakati alipozungumzia maandalizi ya tamasha la Pasaka ambapo mwanamuziki mwalikwa kutoka nje ni Rebecca Malope mwimbaji wa nyimbo za injili kutoka Afrika Kusini.

Waandishi wa habari wakijaribu kupata ufafanuzi kwa baadhi ya mambo kutoka kwa mwimbaji wa muziki wa injili Solomon Mukubwa.

Mwibaji wa muziki wa injili Solomon Mukubwa na mwenzake Maxmilian Machumu aka Mwanamapinduzi kulia wakiwa katika picha ya pamoja.